今次過澳門拍拖第一站就去食米芝蓮午餐，之前我父母同朋友去過一次食午餐，佢地話價錢不太貴但食物味道好好，所以今次一定要去試試個lunch。我地十二點就去到，所以初頭無乜人，好似包場，哈哈！

餐廳大廳係圓形設計，大概有十幾張枱，餐廳所有配飾以綠色為主，不是非常華麗那種，但感覺好舒服。佢有3 course set（MOP348),4 course set(MOP428)和 5 course set(MOP498)揀。

我地選咗4 course set, 前菜，湯，肉類及甜點。每道菜上菜時都present得好靚，我好欣賞個露筍湯，佢襯咗個洋蔥天婦羅，好好味。另外，我好鐘意菠蘿芝士餅配香蕉雪芭，佢配咗鮮菠蘿肉於cheesecake上，再有薑味軟糖，而香蕉雪芭原來好清新(以為好漏), 好配! 整體服務及食物都不錯，值得推介。
如果大家去，可於網上預先訂座。
地址：澳門路氹城連貫公路新濠天地皇冠度假酒店3樓
電話 : (853)8868 6681
‪#‎Thetastingroom‬ ‪#‎Crowntowershotel‬