ALOHA 夏威夷盛夏派對

暑假已經過咗兩星期,我都不停為雜果沙律安排這暑假的活動。最近,我地就去咗一個啱一家大細嘅活動,大人可食食食(化悲憤為食量), 而小朋友除咗食,更可親手整嘢食。究竟係咩活動?就係去咗尖沙咀皇家太平洋酒店『柏景餐廳』食自助下午茶,上次母親節試過佢地嘅自助晚餐,食物多元化,而且味道不錯。這個暑假餐廳的下午茶自助餐可免費畀小朋友上「Summer Kids Cooking Workshop 」,跟酒店廚師整嘢食(只要預約報名就可), 於是決定去試試。

依家餐廳🍴以”Aloha Fiesta”為主題,周圍都是充滿夏日嘅擺設。下午茶時段,食物選擇依然繁多,有海鮮🦐冷盤、日式料理、多款熱及甜點🍮供應,味道仍保持水準。

海鮮冷盤

日式料理

多款熱,有中式、西式,也有多種香港風味美食

我地食完前菜、主食後,雜果沙律就去上「Summer Kids Cooking Workshop 」化身小廚神。餐廳更會定期轉食譜,小朋友可以嘗試整不同嘅食物,雜果沙律知道今次可以整Giraffe Swiss Roll ,不知幾興奮🥰。

當然唔及酒店廚師😬

在等待焗蛋糕時,雜果沙律就出撃食甜品,見到咁多美味甜品,佢兩個又點可以忍口呀!😬

有佢地至愛的雪糕,味道仲要有咁多

沙律都一樣😭

食完一輪,佢地繼續整蛋糕🍰

完全係忘我境界

你知呢個邊個整嗎? 哈哈!咁靚,當然係酒店廚師整㗎!

仲有証書👍🏻 ,佢兩個好開心

滿載而歸的一天,一家人捧著🤲個肚,又拎住自製蛋糕🍰返屋企繼續享受。唔知係咪佢地親手做,我好想講個蛋糕味道真係好正,雜果沙律返到屋企成日拎個蛋糕出嚟食,又不停講點整點整,睇嚟佢地好滿意這次活動嘅安排。😬

我仲剪輯咗一條片段,記低雜果沙律開心的時刻。

下午茶自助餐詳情:

日期:即日至2019年9月1日(Summer Kids Cooking Workshop)

地方: 尖沙咀皇家太平洋酒店『柏景餐廳』

時間: 下午茶自助餐(星期六、日及公眾假期下午3時15分至下午5時15分)

成人HK$248, 長者HK$228, 小童HK$188