海洋公園2019「親親動物月」

雜果沙律平時都好喜歡小動物,尤其小狗🐶及兔仔🐰,去外地旅行時也會睇下有冇地方畀佢地接觸/了解其他動物。係香港間中亦會去「海洋公園」睇不同類型動物,而海洋公園近年更有多個工作坊畀大小朋友了解更多海、陸、空動物,同埋各種動物跟生態環境的關係。

前幾日,我帶同雜果沙律參加了《海洋公園2019「親親動物月」》嘅活動。

有機會到海洋公園接觸動物,勁興奮!

其中「動物萌友互動工作坊」係一個富有教育意義又有趣嘅免費工作坊,雜果沙律就參與咗「鳥巢逐個築」及「精伶蜜熊見面會」。

「鳥巢逐個築」

分辨不同鳥類的蛋和巢

動手製作鳥巢

兩個工作坊中,雜果沙律透過不同有趣互動遊戲了解雀鳥🐧及蜜熊,而且仲有機會近距離一睹草原鵰和蜜熊。雜果沙律細心觀察動物🐧🐻🦁的行為及飲食習慣,又細心聆聽👂🏻護理員講解。講真,草原鵰和蜜熊我都是第一次聽同見!其中蜜熊真係好可愛😍,好受雜果沙律喜歡。

草原鵰,果然好英!

第一次見蜜熊

蜜熊的行為好可愛,雜果沙律好鐘意!

之後,我地仲參加期間限定全新活動「約會海象」,呢個活動絕對令人難忘😉,因為從未諗過可以咁近觀察海象,原來海象長長嘅牙對佢地生活好有幫助。仲有我地可以摸佢地身體及餵飼龐大海象。平時,我地從沒有如此了解一種少見動物的生活及飲食習慣,而且導師更用不同角度啟發大家思考💡,引伸到保育及愛護地球🌍的意識畀大家,對於雜果沙律係一個好有意思的體驗。

第一次近觀海象,仲可以親自餵海象。因為要保護佢地,所以未能帶手機影低餵食,但這經歷是一個難忘經驗。

唔好被海象龐大身形嚇襯,其實佢好可愛,好乖㗎!

睇完動物,我地亦把握機會係園內玩刺激機動遊戲🎢🎡,雜果沙律過咗一個又難忘又充實的一天。

海洋公園2019「親親動物月」花絮片段🎞

✨✨今年復活節,海洋公園有多個動物萌友互動工作坊及幕後探索團畀大家參加。

動物萌友互動工作坊

1)金魚家族之謎

2)鳥巢逐個築

3)精伶蜜熊見面會

4)企鵝育兒手記

5)鯊魚對對碰

6)海豚育兒小學堂

幕後探索團

1)獸醫院導賞團

2)大熊貓美食解碼

3)海洋奇觀幕後睇

4)維生系統大解構

5)企鵝基地睇真啲

6)鯊魚遷徙大揭秘

另外,海洋公園內更於「親親動物月」跟Green Monday合作炮製一系列營養美味嘅素食菜式,如果大家去玩,也可以試試。

網上活動資訊:

https://www.oceanpark.com.hk/tc/park-experience/animal-discovery-fest-2019

海洋公園-全新探索歷險課程

星期日帶咗雜果沙律去海洋公園玩👏🏻👏🏻👏🏻,不過今次係一個有別於以往到海洋公園的體驗,對於佢地同我都係「長知識」的好機會。 究竟係咩體驗?其實雜果沙律上咗個濃縮版「全新探索歷險課程」,✨課程特別之處係與多元教育中心 Baker & Bloom 星級團隊工程師及導師合作,採用美國Next Generation Science Standards和哈佛大學 Project Zero ,並加入STEAM元素,再配合海洋公園特有的動物研究環境,小朋友可以透過活動慢慢觀察動物的外貌、形態及牠們的生長環境與大自然之連繫,從而令小朋友了解人類與其他動物的關係。活動中亦滲透應用科學及訓練小朋友學習跟其他小朋友合作。雖然雜果沙律玩嘅係濃縮版,但學到嘅嘢真不少!👍🏻👍🏻👍🏻

✨✨最後仲有精華片段

唔講咁多,依家一齊跟我地回顧下有咩玩啦!首先去課室認識各位小朋友同聽下導師講解,有本小手冊畀小朋友記低佢地之後觀察動物後得知嘅新知識。📝

平時到海洋公園都冇留意有課室。😂
樂遊探索隊嘅小册子
雜果沙律專心聽導師講解

正式出發喇!先去大熊貓🐼 之旅觀察熊貓,導師在旁解釋及引導小朋友思考💡及尋找答案。平時我地未必同小朋友講解得咁深入,見到展示板寫乜就講乜,未必真正解答到小朋友的疑問🤔️,有導師確實有唔同。

去探大熊貓樂樂盈盈啦!
導師在旁介紹兼引導小朋友思考及找答案,將自己的發現寫於小手册中。
大家知唔知點樣憑外貌分盈盈樂樂呢?
大家可以留意佢地嘅黑眼圈喔!
大家都只熊貓食竹,咁佢地食竹邊部分?
點解熊貓便便咁多葉?究竟同佢地消化系統有咩關係?

睇完真熊貓,大家又返學堂一齊討論。

導師再用上真實教材話畀小朋友知佢地剛才觀察到的現象。
沙律做緊乜呢?大家估下!

睇完陸地走嘅動物,依家就去了解會飛嘅動物~貓頭鷹 🦉。平時小朋友未必能夠近距離觀察佢,似乎大家都好好奇,好多小朋友發問問題。究竟平時貓頭鷹早上會瞓覺💤? 佢平時食咩食物?今次可以親眼睇訓練員餵貓頭鷹,幾難忘!

第一次咁近距離望住貓頭鷹🦉
好多小朋友都好興奮,亦都了解咗不少貓頭鷹

完成第二部份,小朋友又返回課室了解更多貓頭鷹飲食習慣及消化系統。大家知唔知貓頭鷹會吐食繭?究竟咩原因?這跟其消化系統有關,而沙律正正學緊人類消化系統,所以佢對這個話題更有興趣。🤩

貓頭鷹吐嘅食繭?點解好似塵咁?導師又引導小朋友思考為何?
兩姊妹亦憑自己學會的再用圖畫記錄
雜果沙律好留心

之後,導師畀小朋友利用平板電腦跟其他小朋友合作製造一段以動物保育為題的動畫,好好玩咁,當中佢地要學會尊重、合作及忍讓。

合作製造動畫,小朋友好有創意
我都想玩埋一份

到中午時間,大家肚仔打鼓啦!我地試食咗「麥兜春田花花聖誕旅行便當」🍱,便當太可愛!雜果沙律見到便當都唔捨得食,便當有燒三文魚、薯仔沙律、精美的蔬菜,仲有甜品及士多啤梨奶昔,味道不錯。👍🏻

賣相係咪好可愛吸引呢?
士多啤梨奶昔顏色好靚,好襯麥兜主題
開餐喇!

食飽飽,大家嚟個熱身遊戲~砌砌圖,導師當中提醒小朋友要留意各種動物如何活動的,如魚🐟係用鰭幫助移動,因為最後的活動跟這觀察結果有莫大關係。

食飽動動腦筋

終於到海洋喇!我地走到水族館參觀各式各樣的海洋生物🐠🦐🦀,導師再次引導小朋友思考各生物如何在水裡移動,好似水母丶海馬…等。

平時大家有冇思考或留意海馬點樣係水裡游?
觀察每種海洋生物的外貌、生活方式及移動方法。我都係第一次咁樣細心觀察及思考呢啲問題。🤣
魔鬼魚

這次濃縮版仲有機會走到工作人員地方餵飼海洋生物,而真實版「樂遊探索隊」(6-8歲)更會被安排跟海豚接觸,相信小朋友更興奮。

第一次餵飼海洋生物,雜果沙律既緊張又興奮
我拋啦!

了解咗幾種動物的活動方法,導師要求小朋友合作創作船漿🚤,之後利用呢啲船漿製成自動滑行小艇。大家要憑自己的觀察加入科學知識令小艇能滑行快啲,小朋友都好積極。

究竟點樣會快啲呢?
小朋友嘅製成品!

完成啦!大家好期待呢一幕,導師再次叫小朋友思考如何令船行駛快啲,加多少水?如何扭動船漿?

呢個真係考考小朋友智慧同技巧

Yeah! 完成整天行程,導師按每個小朋友表現給予鼓勵及獎勵。老師話沙律懂得照顧他人,而雜果就表現勇敢,值得讚揚!👍🏻

導師畀沙律的獎勵

你地睇完整個活動係咪覺得好豐富呢?講真啲導師好專業,會用不同方法引導小朋友思考,而且融入STEAM令小朋友了解動物及生態,好有教育意義嘅課程。其實呢個探索歷險課程於 2018 年冬季及 2019 年春季舉行,亦按小朋友的年齡劃分為兩個級別,包括以 4 至 5 歲小朋友為對象的「童遊探索隊」,以及為 6 至 8 歲小朋友而設的「樂 遊探索隊」。報名詳情可參閱 https://www.oceanpark.com.hk/tc/education-conservation/education/adventure-camp。

一) 「童遊探索隊」(4 – 5 歲): 課程活動著重觀察,從中啟發設計科學作品。探索隊隊員會觀看水豚的日常生活、親手餵飼魚兒,從中深入認識和比較不同動物的身體結構,了解牠們如何適應居住環境。隊員更會將所學的科學原理應用,自己動手設計和製作自動滑行小艇,激發小朋友對事物的好奇心和興趣。

二) 「樂遊探索隊」(6 – 8 歲): 課程以動物的飲食和營養為主題,透過科學實驗了解人類行為如何影響環境和野生動物。隊員可親身接觸海豚,近距離觀察大熊貓和小熊貓,並獨家觀看貓頭鷹餵飼示範。隊員亦會進行多項科學實驗,包括測試物質的酸鹼度及拆解貓頭鷹的食繭,並利用科技軟件製作 以動物保育為題的動畫,刺激多元思維和激發創意。

玩咗一日係有點肚餓,食個麥兜小食先,又係好靚嘅賣相。

玩到黃昏,我地走埋去睇最新「麥兜 · 出走的魚蛋」音樂劇🎵,內容迎合我地香港人風味,好喜歡佢地搞笑嘅對白,劇情亦帶有感人情節。👏🏻 雜果沙律雖然已耗盡體力,但睇麥兜時都哈哈大笑😂。大家聖誕入海洋公園時可以去睇呀!

麥兜 ·出走的魚蛋
好搞笑鬼馬,而且好精彩!
完美的結局!

👉🏻精華片段

海洋公園 by 南港島綫

之前帶雜果沙律搭南港島綫去海洋公園玩一轉,依家由金鐘搭去海洋公園真係好方便, 幾分鐘就到, 慳返唔少時間! 第一次搭南港島綫好興奮,站内設施好新, 設計新穎。

由金鐘去海洋公園只需幾分鐘,好快啊!

地鐵內仲有可愛裝飾, 開始感受到入海洋公園玩嘅氣氛啦!

到達海洋公園

wp-1486227022488.jpg

海洋公園站外貌

天氣好好☀️!依家海洋公園有得睇魔術表演~「超時空魔幻滙演」(位於夢幻水都附近), 所以事前上網已揸定表演時間(www.oceanpark.com.hk/tc/plan-your-visit/daily-schedule), 入場後即刻拎飛。

wp-1486227013926.jpg

「超時空魔幻滙演」

時間未到, 我地就同雜果沙律去玩佢地喜愛嘅「威威天地」 ,兩姊妹例必玩曬所有機動遊戲🎠🎢,旋轉木馬丶蛙蛙跳、砵砵小火等。

雜果沙律玩得幾開心!

wp-1486227054258.jpg

最喜歡玩呢個蛙蛙跳

wp-1486227002822.jpg昇空奇遇

玩完後, 時間啱啱好去睇重頭戲~魔術表演「超時空魔幻滙演」, 雜果沙律第一次現場睇大型魔術表演,佢地落足眼力想揾破綻,但幾位來自不同地方水準又高嘅魔術師邊有咁容易被佢地拆穿呀!有啲表演更令佢地驚訝😱,不停港女上身:「點解嘅?😁」哈哈!其實我都睇得好緊張, 尤其最後一部份更令人膽顫心驚。

準備開始表演

好多舞台特技

好精彩嘅魔術

好緊張

係幾秒換出唔同衣服…好勁!

睇到雜果沙律尖叫

最令人期待的表演

跟表演者影相合照

睇完精彩魔術後, 我地繼續行程搭纜車上山睇唔同展館。相隔一年多,今次沙律大咗,睇動物時樣樣都感興趣,仲明白要尊重動物嘅生命。

坐纜車上山玩啦!

wp-1486226901035.jpg

鯊魚館, 沙律一路睇一路問好多問題…哈哈!

最後玩到六點幾回程, 回程時仲到「香港老大街」食小食醫肚兼影相, 雜果沙律對舊香港的事物都好好奇, 我亦將我所知分享比佢地。

係香港老大街拉下人力車

快樂時間過得太快, 不過呢一日真係充滿歡樂、教育及親子的時光。