以前雜果沙律BB時用開嘅幾張地墊已經被佢兩個整爛, 唉! 不過, 沙律出世時代又無d質料好靚又厚嘅地墊，當時只有買普通嬰兒地墊比佢。而家爛咗都諗過要唔要換, 不過佢地兩隻馬騮成日鐘意係屋企跳嚟跳去(怕佢兩個跌倒整到, 尤其雜果仲得三歳), 而且佢地又鐘意係地上玩具, 最後決定搜尋下而家有乜又好又安全又美觀嘅地墊。

我知好多朋友有買韓國嘅嬰兒地墊，佢地都話幾好。最後我發現咗其中一隻韓國嬰兒地墊品牌Creamhaus嘅地墊好靚, 所有地墊顔色都係粉色為主, 好柔和, 好襯小朋友(尤其BB)。再睇埋佢公司嘅資料, 由於小朋友大部份玩具顔色都係好鮮艷, 如果用Cream色, 小朋友可以容易揾到佢地七彩玩具及提升玩耍時的集中力, 而且可以令小朋友有安寧嘅心境。我自己好鐘意佢d地墊顔色, 配搭好舒服, 放係任何家居都適合。

粉色嘅地墊! 好易襯托不同家居!

顔色係其中原因， 而另一個原因係Creamhaus嘅地墊可以自由拼拼貼貼(有長方形及正方形選擇), 每張地墊也有黏貼, 可以按自己屋企空間靈活改變, 而且仲有牆墊, 好啱雜果, 佢成日周圍跳撞到。另外, 附有3M凍膜貼,方便貼牆和地, 仲有除塵貼, 可以清除墊上塵埃 。雜果沙律見到新地墊也一齊參與拼貼佢地活動空間。

可自由拼拼貼貼

3M凍膜貼及除塵貼

我揀咗Creamhaus 嘅拼拼貼貼地墊和牆墊外, 仲有一張冰雪帳篷地墊, 呢張地墊設計好特別, 佢打開時係一張長方大地墊, 但加上地墊的拉鏈及黏貼帶就可以變成一個三角錐體帳篷, 可以隨時變動, 墊上仲有Creamhaus 嘅代表公仔~ NUQ (北極熊)的腳印, 好可愛! 另外, 我睇報導發現冰雪帳篷地墊最近攞咗香港貿發局頒發嘅「最佳嬰兒用品大獎」, 咁樣更加證明產品安全及設計切合香港家庭。我自己好欣賞呢個設計, 攞獎實在有理。雜果沙律見到張地墊可以變成佢地小天地不知幾開心, 成日係入面玩。

冰雪帳篷地墊, 佢打開時係一張長方大地墊， 但可加上地墊的拉鏈及黏貼帶變成一個三角錐體帳篷

冰雪帳篷地墊

冰雪帳篷地墊 – 放平係一張大地墊

黏貼帶

拉開拉鏈,帳篷嘅門可以關上

冰雪帳篷地墊 ~ 可變成三角錐體帳篷

雜果沙律係帳篷內玩

我嘅姪仔就快出世啦！ 我第一次做姑姑(唔想叫姑媽，好老咁…哈哈!), 我已打算買Creamhaus 地墊作為佢的禮物。另外，我揀地墊時見到Creamhaus嘅BB系列中有個雪人公仔, INUA, 佢背後有一個故事, INUA職責係守護初生BB,帶領BB係人生中尋找七樣寶物, 包括愛丶勇氣丶耐性丶身心健康丶善良丶智慧和有個性。我聽完之後, 覺得正正係所有大人對小朋友成長的寄望, 好有意思。好期待姪仔出世時可以送比佢並保護佢快樂地成長!

雪人公仔, INUA。守護初生BB,帶領BB係人生中尋找七樣寶物, 包括愛丶勇氣丶耐性丶身心健康丶善良丶智慧和有個性。