前幾天, 我參加咗一個Organic Tea Dessert Party。今次Party中我第一次嘗試用茶葉整Shortbread, 我從來無諗過材料和做法係簡單。當日導師為我地選擇咗由法國有機品牌terre d’Oc其中一隻有機花果茶~香桃馬鞭草血橙花果茶整Shortbread, 我與一位年輕靚女blogger一組合力製作, 雖然賣相唔及導師, 但加入花果茶嘅Shortbread帶有一陣果茶香味同好有咬口, 可能因為terre d’Oc四款花果茶都以蘋果、野生黑莓葉代替茶葉並再加入咗不同花卉、乾果、花瓣等,所以食落有一粒粒果乾好好味。原來terre d’Oc嘅有機花果茶有美肌、舒緩、寧神嘅功效, 而且仲係零咖啡因、零卡路里，又可以冷飲, 咁夏天時飲都唔怕熱。等我遲啲試用佢係屋企整其他味嘅花茶Shortbread再襯杯花茶tea一tea先。

除咗整Shortbread外, 導師又教部份Blogger利用伯爵茶整迷你銅鑼燒,佢地整完比我地試食,個個都話味道超正, 估唔到加入茶葉做甜點係咁好味。

整完嘢食, 我去咗試terre d’Oc其他產品, 佢嘅產品包裝好靚, 好colourful, 而且所有產品都係有機。terre d’Oc真係有多款有機茶選擇, 包括異國有機茶(12款)、有機冷泡茶(綠茶及紅茶各3款)、有機健康茶(4款)、有機甜點茶(4款)、有機花果茶(4款)等, 其中有部份茶可以冷泡, 啱炎熱天氣飲。另外, terre d’Oc也生產面部及身體護理產品, 有Honey, Oriental Fig, Argan 及Shea系列, 其中Shea真係好滋潤, 如果手腳裂好啱用。而Oriental Fig護膚品我第一次聽, 原來係針對解決缺水及抗衰老，質地好清爽, 啱夏天用。terre d’Oc都有家居香氛及蠟燭, 味道好清香, 而薰衣草味令我最難忘, 因為佢唔似街一般果啲好假嘅薰衣草味。

我好開心係茶聚中認識咗新朋友, 而且仲係好年輕嘅女仔, 好彩佢地無嫌我老, 估唔到我同佢地完全無隔膜, 傾下有乜好食, 化妝品, 扮靚等睇嚟我仲係好後生, 未被人淘汰…哈哈!

terre d’Oc Organic Tea Dessert Party活動花絮

嚟到Party, 梗係影張相留念。

好靚嘅花花糖

terre d’Oc 嘅面部及身體護理(有Honey, Oriental Fig, Argan 及Shea), 其中Shea超滋潤, 啱冬季用。而Oriental Fig就清爽, 但有解決缺水及抗衰老功效，啱夏天用。粉紅色果支Oriental Fig Face Serum亦係品牌嘅皇牌系列。

terre d’Oc有多款有機茶選擇, 包括異國有機茶(12款)、有機冷泡茶(綠茶及紅茶各3款)、有機健康茶(4款)、有機甜點茶(4款)、有機花果茶(4款), 而有機健康茶中嘅纖型綠茶和排毒美肌綠茶好啱我喎…

有部份茶可以冷泡, 啱嘥嚟緊嘅夏天飲。

terre d’Oc仲有出家居香氛及蠟燭, 我聞咗薰衣草味香氛, 好清香, 唔似街一般果啲好假嘅薰衣草味

準備整Shortbread嘅材料, 就係咁少材料啦!

Cooking Fever 導師示範點整Shortbread

我與另一位Blogger合力將材料攪勻

努力中

其他Blogger整迷你伯爵茶銅鑼燒, 應該唔難整, 只要唔煎燶。

導師的製成品, 我嘅製成品就係第一幅圖, 係咪導師個形靚啲? 但味道就一樣好味…自誇!

最後同各靚女性Blogger嚟張大合照先!