去旅行，我喜歡了解當地歷史及文化。杜拜畀大家感覺只有豪華的一面，其實佢地都有當地風土民情。
今次親子遊第二天，我地先到Dubai Museum，這裡介紹了杜拜由一個細小的城區如何發展成當今的國際城市。跟其他地方的歷史博物館差不多，以不同蠟像及道具顯示舊杜拜的生活文化，始終當地文化跟西方及亞洲文化截然不同，對於佢地少有接觸，故雜果沙律都表現特別有興趣。
Dubai Museum 正門
製造防禦武器
Dubai Creek
以前舊有店舖
參觀完Dubai Museum, 我地走到布市場，沿路好多人會叫大家入去買嘢，雜果沙律有點驚，其實不需擔心，佢哋唔會捉住大家的，好安全。
布巿場
大概行7分鐘到碼頭乘坐地道的船（每人AED1) 去對岸的黃金市場及香料市場。
地道船隻，好多本地人坐去對岸
可欣賞兩岸景色
市場周邊都係賣黃金首飾的店舖及充滿濃列香草味道，算是感受當地另一面的地方。
黃金市場
之後，老公話要去新區Design Quater 食日本拉麵。搞乜去中東食拉麵🍜？皆因之前容祖兒及阿Sa介紹過這間拉麵舖，聽說是全中東最好吃的拉麵。我地叫咗三款拉麵、雞肉餃子及蝦天婦羅🍤。
日本正宗拉麵
餐牌
雞肉餃子
呢度拉麵塊叉燒用雞肉代替，你問我，味道當然不及日本的好吃，但係中東地方，算是做得唔錯，我亦見到日本人幫襯。
YUI
Address:RO03, G/F, Building 7, Design Quater
餐廳隔離係一間賣精品小店，有好多得意嘢睇。
食完飯後，我地再戰Dubai Mall, 因這裡有好多吸引人的舖頭，我地亦有少少收獲。
行咗一個多小時，我地去2018年年初開的新地標～Dubai Frame。我地預先網上預訂（http://www.dubaiframe.ae/en）Dubai Frame的入場卷，價錢為AED$50大人，AED$20小朋友一位，每半小時有200個quota。
預訂咗一定要準時到達。首先有展覽介紹如何起Dubai Frame及杜拜一些歷史，之後乘搭升降機上最高處。
在最高處可以透過透明玻璃望穿地下，估不到雜果一點也不怕，仲不停行來行去，我自己及沙律也有點腳軟，最後克服心理障礙，終於企係玻璃上影咗啲相。在Dubai Frame上也可清楚看見杜拜城市的繁榮。雜果沙律更加話這站是Highlights of the Day!
晚上本想到一間餐廳食中東美食「Ninive」，點知老公冇查清楚，原來18歲以下兒童不能進入。最後，又返去Dubai Mall食Joe’s Crab Shack。這𥚃可望住Dubai Aquarium食嘢，又有兒童餐，啱晒雜果沙律口味。
對出就是Dubai Aquarium
Joe’s Crab Shack
Address: 1/F, Dubai Mall (近Dubai Aquarium)
