每天行程都好緊密,一大清早起身執好行李就去酒店二樓食早餐, 早餐可以揀西式或者日式早餐，我地梗係揀日式啦! 早餐好豐富, 酒店好細心比咗一張畫咗圖畫嘅中文餐單, 教我地點樣食每一道菜單。餐廳窗外對住河邊,四周有好多櫻花, 係咁樣嘅環境食一個美味早餐, 心情都唔錯! 可惜天開始要下雨了, 我開始擔心今日行程會受落雨影響。 食完早餐, 我地快快準備出發。
如何食呢個豐富早餐? 睇呢張紙就得, 好體貼! (日文版)
中文版
朴葉加味噌, 撈飯一流!
第一站白川鄉要揸大概一小時才到達,當差不多到白川鄉時,附近嘅景色亦好迷人。 可惜落車時啱啱好大雨, 我地著好雨褸冒住狂風暴雨行入去,但見到沿途咁靚嘅景, 我地點都要停低快速地影幾張相留念(心諗點解落雨呀?快啲停雨啦!) 經過一條吊橋後可以見到更多合掌屋,落雨真係好狼狽, 又要照顧雜果。 好彩天公做美,行行下出太陽,真開心! 唔係就影唔到啲靚景, 好世外桃源! 最後,我地仲行上去荻町城跡展望台由山上俯瞰白川鄉,亦都係必影位 (但冬天期間係唔會開)。其實白川鄉裏也有不少合掌屋供遊客參觀, 但落雨加上行程緊密, 所以未能慢慢細賞, 下次一定要逗留多幾天。
差不多到白川鄉啦!
停車場附近
好大雨! 好狼狽!停雨啦!
合掌屋
好嘢! 太陽伯伯出嚟!
真係好靚, 好舒服!
行上城山展望台(要上山, 要少少氣力)
嘩! 上面影落去仲靚!
白川鄉
地址: 岐阜縣大野郡白川村荻町2495-3
地圖
下一個站係石川縣金澤市,大概揸一小時車就到,果日好大風,車都有少少搖, 好彩安全到達。去到金澤我地先去箔座(本店)睇金澤最多最出名嘅金箔。店內有各式各樣嘅金箔產品, 食嘅丶飾物丶擺設丶美容等。仲有介紹如何製造金箔，職員亦遞上金箔蛋糕同金箔茶比我地享用。參觀完, 我地就買左金箔蛋糕 同埋金箔美容護膚品返香港做手信。
箔屋 本店
金逼輝煌, 好刺眼!
不同嘅金箔
整金箔嘅機器
職員遞上金箔蛋糕及茶
好多金箔商品
金箔面膜!
職員示範如何夾起一張金箔
好細張
箔座 (本店)
地址: 石川縣金澤市森山1-30-4
電話:076 251 8941
營業時間: 9a.m-6p.m
網站:
地圖
下一站又係同金箔有關, 就係食傳說中嘅金箔雪糕。我地去咗箔一兼六園店, 睇住職員慢慢將薄薄嘅金箔鋪上雪糕上，影相一流! 至於金箔食係無乜味,係得個樣。
箔一兼六園店
有兩款雪糕大家揀
通常見到遊客都係試成個金箔個款
職員每次都關起個窗, 以免大風影響佢鋪金箔上雪糕
金箔雪糕, 好吸精
雜果唔理咩金箔, 係雪糕都鐘意食。
箔一 兼六園店
地址: 石川縣金澤市兼六町2-10
電話: 076 260 0891
營業時間: 9a.m-5p.m
地圖
食完雪糕後, 我地調返轉先食午餐。我地去咗兼六園附近一間餐廳 ~和食と和カフェ さくら茶屋, 餐廳裝修舒適, 食物質素唔錯, 價錢亦不太貴。 我點咗炸白蝦飯, 老公就order親子丼,而雜果就食腐皮烏冬。
和食と和カフェ さくら茶屋
餐牌
裝修舒適
我個炸白蝦飯 – 1,180円（＋税）
和食と和カフェ さくら茶屋
地址: 石川縣金澤市兼六町2-50
電話: 076 221 5151
營業時間: 11a.m-3p.m, 5p.m-10p.m
網站:
地圖
好飽啊! 去公園散步就啱啦! 點知果日真係好大風, 大風到兼六園關閉。唔係呀? 搞乜咁黑仔? 於是行去隔離既金澤城行, 呢度好大。
金澤城
都好大
行完後，諗住去下一景點，最多第二朝早啲去多次兼六園。當預備走嘅時候，幸運再次發生, 兼六園會係五分鐘後開放，Yeah! 入場前需要買入場券，¥310一張。 入到園內已經見到好多好靚嘅花，當然有櫻花，仲有好多園藝， 有好多品種的樹木及花朵真係未見過，好特別。 雜果見到咁靚嘅花園都不停話要同花草樹木影相。
兼六園個名影張相
兼六亭
因大風停開, 好失望
好彩後來開返!
好靚呀! 不停影呀影
好多特別植物
好靚嘅園藝
親不知?
因太多七彩鮮艷同特別品種嘅植物, 遊花園都覺得好正!
兼六園
電話: 076 234 3800
營業時間: 7a.m-6p.m (3月至10月15日), 8a.m-5p.m(10月16日至2月)
網站: www.pref.ishikawa.jp/siro-niwa/kenrokuen
地圖
緊接住就要趕去21世紀美術館，藝術呢樣嘢我地真係唔係好識，但我都幾欣賞做藝術的人嘅創作和嘗試，有好多令人讚嘆嘅地方。其實由兼六園去美術館好近，去到館內先買入場卷，入場後跟住唔同房間欣賞作品，有啲房間不允許影相，大家要留意，同埋職員係入場前會叮囑你一定要拖實小朋友同埋唔好比佢地大聲講嘢，所以我地行嘅時候都要不時提醒雜果。每間房門口都有譯本解釋作品的背景及資料。而最多遊客參觀嘅就係The swimming pool 2004, 佢係地庫，行入去一片藍色牆加一把泳池梯，大家都係度擺出古怪搞笑嘅pose, 雜果同我都一齊擺pose, 佢覺得好得意，點解下面無水。大家亦可去返上邊影返池內的人。睇完所有藝術品後， 我地就去美術館外的草地上睇埋其他藝術品，同埋雜果見到地上有好多櫻花，佢已急不及待衝上去執幾個作留念喎！
21世紀美術館
藝術品
呢個好似係講311地震
呢個係機械人, 會間中郁
The swimming pool – 扮下嘢先
池面影落去, 係咪好似我地係水入面呢?
美術館出面都有啲藝術品比大家欣賞
咩呢?
地上好多櫻花
我覺得呢個moment好寧靜,好温馨!
21世紀美術館
地址: 石川縣金澤市廣坂 1-2-1
電話: 076 220 2800
營業時間: 10a.m-6p.m (星期五丶六至8p.m關門)
地圖
差唔多五點幾啦! 我地就返酒店check in,我地揀咗Hotel Trusty Korinbou Kanazawa住一晚, 酒店係市區, 但附近無鐵路, 所以唔係揸車就唔係幾方便。 酒店有車位提供住客停泊, 但需要收費的(¥1,500)。酒店好新淨, 幾靚, 房間清潔,但面積有點窄。
Hotel Trusty Korinbou Kanazawa
酒店大堂
房間張床
都幾窄
洗手間反而ok
酒店就在Tory Burch對面
Hotel Trusty Korinbou Kanazawa
地址: 石川縣金澤市香林坊1丁目2-16
電話: 076 203 8111
網站: http://ct.rion.mobi.e.pp.hp.transer.com/trusty.kanazawa
地圖
休息咗一陣, 我地再出動去Forus Shopping Mall行街同食晚飯。Forus Shopping Mall係JR金澤站旁邊, 係金澤算是最大型商場。商場內也有好多大家熟悉嘅日本品牌。我見到童裝部份有得減, 於是買咗兩條裙仔比雜果沙律。
Forus Shopping Mall
地址: 石川縣金澤市堀川新町3-1
電話: 076 265 8111
營業時間: 10a.m-9p.m
地圖
之後去咗六樓嘅鎌倉パスタ食日式意粉。
我叫咗呢個(プリプリ海老の濃厚イセエビソースパスタ) – 1,390円（+税）
雜果嘅兒童餐(イカと明太子のクリームパスタ) – 380円（+税）, 有四款意粉揀。
鎌倉パスタ
地址: 石川縣金澤市堀川新町3-1 6樓
電話: 076 224 3090
營業時間: 11a.m-11p.m
網站: www.saint-marc-hd.com/kamakura/
食完晚飯, 商場內的舖頭已關閉。返到酒店附近亦無乜嘢行, 唯有早d休息, 因為明天嘅車程仲「金」過金澤嘅金箔…哈哈!
潮媽的秘密 Yummy Mummy's secrets 