休息咗一晚, 老公有精神可以揸車啦! 我地先去酒店附近麥當勞食個早餐, 我試咗日本限定北海道牛奶批, 我覺得啲餡好似煉奶咁, 甜甜地。
日本限定北海道牛奶批
食完我地就去附近日本豐田租車公司租車開始昇龍道之旅, 等我過一兩天再出一個關於係日本豐田租車嘅step比大家, 仲有我老公揾到八折優惠租車方法。我地租咗Toyota Allion, 四日車,¥35,000左右。
日本豐田租車公司
地址: 1-3-5 Higashisakura, Higashi-ku, Nagoya City 461-0005
電話: 052 951 0100
營業時間:
網站: rent.toyota.co.jp (只有日文版才可以租車)
地圖
終於租咗車, 試咗一輪可以出發啦! 行咗少少路就直接上高速一直向岐阜縣嘅高山出發, 沿路風景好靚, 間中仲見到櫻花, Yeah, 今次終於撞正櫻花盛放嘅時間! 雖然我無揸車, 但我覺得啲路都唔難揸, 一條直路，我地大概用左兩個小時就到達高山。
沿途有好多收費站, 有啲係無人, 自己攞張飛, 行咗一段又入返張飛, 然後俾錢。
雜果上車無耐就瞓啦! 懶瞓豬!
高山
泊低架車之後, 就見到宮川條河, 四周圍都有好多櫻花,好靚!
盛開嘅櫻花加小橋流水, 好悠閒嘅感覺!
雜果第一次見櫻花, 但仲未識欣賞。
去咁多次日本, 仲要試過四月份去, 但次次都係睇花尾, 睇唔到最燦爛嘅時候, 今次不枉此行。
太靚, 我忍唔住要影相留念。
之後行去高山古街,街上有好多遊客, 我諗係因為前一天係高山祭, 所以特別多人(其實我都想參與高山祭, 不過就唔啱時間)。高山市有少少京都影子, 好多建築都保存咗舊有風味, 尤其高山古街。古街保持好多由江戶時代開始有嘅商店, 好多傳統老店。街上亦有好多嘢食, 尤其飛驒牛, 亦都係我今天必食。
睇下幾多遊客
保留咗江戶時代嘅特色
我地首先食個飛驒牛肉包醫下肚, 熱辣辣, 入面好多肉汁, 好好味。雜果食到停唔到口, 仲要食埋我果個。
喜八郎
¥500一個喜八郎牛肉包
好多肉汁, Yummy!
喜八郎
地址: 高山市上二之町35
營業時間: 10a.m-5p.m
網站: http://yamaichitei.shop-pro.jp/
地圖
之後我地繼續掃街, 去到六拾畨繼續飛驒牛, 呢間可以食煮免治飛驒牛肉串丶飛驒牛味噌煮, 仲有試A5飛驒牛串燒。
店舖細細間
即叫即燒
飛驒牛指定店
¥500, 免治飛驒牛肉串, 幾好味
¥800, 飛驒牛味噌煮, 好冧, 但可能味噌覺得有點鹹。
¥1,000, 特上厚切A5飛驒牛串燒, 同神戶A5牛一樣好油, 食一串就夠。
六拾畨
地址: 高山市上三之町60
電話: 577-33-2683
營業時間: 10a.m-4p.m
網站: www.instagram.com/number60/
地圖
見到街上有兩間鋪頭好多人排隊, 原來係食生牛肉, 我本身係唔食生牛肉, 但覺得一場嚟到,無理由唔試下, 於是試咗一客3貫(¥900)。
用脆餅盛住飛驒牛壽司(食完可以食埋佢), 其中一款壽司有隻生蛋(應該係鵪鶉蛋)。 第一次食生牛肉, 感覺其實有d似食魚生,都ok嘅(我啲friend一定好出奇我會食生牛肉…哈哈!)
飛騨 こって牛
地址: 高山市上三之町34
電話: 577-37-7733
營業時間: 10a.m-5p.m
地圖
老公唔食生牛肉, 所以佢走去食燒餅, 但佢話唔係佢杯茶, 好鹹喎。
煎餅堂
燒製中
¥250一塊
手燒煎餅堂
地址: 岐阜県 高山市 上三之町 85
電話: 577 33 9613
營業時間: 9a.m-5p.m
網站: www.senbeidou.com/hashimoto/hasimoto.htm
地圖
之後我地繼續係高山古街行, 去睇下啲特色舖頭, 好多舖都有賣飛驒地區吉祥物, 猿寶寶。
好多用布做嘅吉祥物猿寶寶
雜果都扮下猿寶寶先
高山古街(上三之町)為保存區域
經過一間酒舖於是入去試咗杯梅酒, 真係好好味呀! 又見到佢一隻柚子味的酒好似好多人試,最後決定要買嘥兩隻味返香港同我鍾意飲酒嘅朋友飲下。
可以免費試一杯, 之後就要比錢試
柚子味嘅酒, 買咗一支未試, 好想快啲同朋友一齊試。
舩坂酒造店
地址: 506-0846 岐阜県高山市上三之町105番地
電話: 0577-32-0016
營業時間: 8:30a.m-8p.m
地圖
街上見到隻招財貓, 同佢say hi先
再見到櫻花, 又要影…哈哈!
之後我地就去高山祭屋台會館, 點知已經五點,收咗! 有點失望，於是去隔離嘅櫻山八幡宮行一轉。
關門啦! 以為去唔到高山祭,都可以入去睇高山祭嘅山車…
門口影返張相留念
櫻山八幡宮
之後我地返酒店, 原來我地酒店就係河邊, 我地將車駛到門口, 職員就幫我地將行李拎入大堂, 並幫我地泊好部車。職員邀請我地擊鼓, 雜果覺得好新奇。Check in時職員會細心解釋每項細節, 並問我們什麼時候食晚飯及早餐。之後有位職員帶我們上樓, 房間唔算好大, 但感覺舒服, 整齊乾淨。 職員好熱情招待我地,佢細心地話俾我地知每一樣房間用品。佢仲為我地預備 welcome drink及小食。 未夠時間食飯,係空檔時間我同雜果去浸溫泉。 酒店有兩個溫泉給女性用, 一個係頂樓, 一個係酒店隔離另一座大廈, 但小朋友只可以去頂樓嘅温泉。 頂樓嘅溫泉係得一個大池, 大玻璃窗望出去高山景色, 都算舒服。不過多啲選擇會開心啲。 我地順便沖埋涼,返房就食晚餐。 通常溫泉酒店嘅晚餐都好豐富, 今晚亦不例外, 有好多前菜, 魚生,飛驒牛, 烤魚,湯等,同埋甜品。雜果就食兒童餐, 都好豐富。 雜果第一次住溫泉酒店,佢好興奮, 尤其佢見到酒店有對小朋友Miffy拖鞋,仲話想拎返屋企, 好搞笑!
酒店外面, 仲列咗每位賓客嘅名
酒店門口裝飾
賓客可以擊鼓
酒店大堂也有一隻吉祥物
酒店大堂唔係好大
酒店房內洗手位置
房間瞓覺同食嘢嘅地方
廁所
沖涼房
Welcome drink 加小食
温泉外面, 設備都完善(酒店仲比咗個環保袋我地裝衫去浸温泉, 不過唔知點解酒店無和服比雜果著)
頂樓嘅温泉 (S0urce: www.honjinhiranoya.co.jp/spa/)
另一個酒店温泉, 但小朋友不可進入(S0urce: www.honjinhiranoya.co.jp/spa/)
晚餐menu
又係吉祥物猿寶寶
魚生
前菜
前菜
好好飲嘅湯
冷麵
魚
又係飛驒牛, 一日食咗好多
甜品 ~ 櫻花味布甸
雜果嘅兒童餐
都好豐富
本陣平野 別館 (其實我地好遲book酒店, 本來諗住第二日去下呂先, 點知好full。高山嘅酒店我都揾咗好耐, 最後我上網揾到呢間, 講真呢間係咁多晚最貴,可能真係旺季, ¥55,000兩大一小酒店加早晚兩餐, 小朋友不佔床, 只包食。但又要夾其他地方嘅酒店, 所以最後唯有豪一晚。)
地址: 506-0011 岐阜県高山市本町1-5
電話: 577-34-1234
地圖
食完晚飯出去行下,點知附近嘅舖頭好早收, 條街好靜。 我地行到橋附近, 都係冇嘢睇, 於是諗住返酒店,不過中途見到夜櫻, 夜晚櫻花係燈光照射下仲靚, 又忍唔住影張相。 既然無嘢行, 早啲休息。 雜果見到間房鋪咗Tatami, 覺得好過癮。
原來夜晚賞櫻仲靚
Tatami
雜果夜晚仲瞓出界, 超懶瞓, 乜瞓得舒服? 哈哈!
明天就要去白川鄉和金澤, 路程好遠! 老公加油!
潮媽的秘密 Yummy Mummy's secrets 