如果有留意我的Facebook Fanpage嘅朋友都知我成日比雜果沙律閒時係屋企/出街玩自創小手工或者整嘢食, 係過程中我盡量放手比佢地自由發揮, 自我探索。講真, 返傳統學校已經有一個特定模式, 所以我都希望透過其他活動讓雜果沙律發揮創意。
Messy Play, 好多父母可能都聽過, 即沒有特定規則, 利用一些材料如油彩丶食物丶泥沙及泡泡等讓小朋友自由嘗試, 從中刺激多元感官丶建立自信等。不過, Messy Play 係香港父母眼中未必一下子接受到, 因為大家都會覺得玩到好污糟。我家嘅老公亦係這類, 所以成日唔多比小朋友係屋企用油彩畫畫。
最近我與雜果參加咗美贊臣於PMQ元創方嘅「Inspired by Moms 原生探索坊」, 發現Messy Play真係好好玩, 好開心嘅玩意。雜果玩得好投入, 過程中亦令我更清楚雜果嘅特性。「Inspired by Moms 原生探索坊」分成兩部分, 包括探索遊戲室 (Exploration Playroom) 和啟發分享室 (Inspiration Classroom)。
PMQ元創方「Inspired by Moms 原生探索坊」, 雜果未入去已好期待
著好圍裙準備開始
探索遊戲室
探索遊戲室會進行Messy Play, 遊戲室內提供唔同嘅塗鴉工具, 有可清洗油彩丶不同形狀嘅海棉及模具比小朋友係大大幅白牆上自由創作。遊戲室內職員只會提供協助, 不會干預小朋友如何畫。雜果初初好斯文只用一隻手指沾上單一顔色到白牆上某一角畫公仔, 我後來主動跟她一起畫, 再提議攞多啲顔色及放膽用手掌塗鴉。雜果見其他小朋友玩得咁投入, 加上我的參與, 佢越畫越豪邁, 仲跳高將顔色拍於牆上。
探索遊戲室 ~ Create Your Own
可清洗顔料, 所以盡情讓小朋友發揮吧!
不同嘅用具讓小朋友運用
雜果貫徹平時作風, 係陌生環境初期好斯文
用一隻手指一隻顔色畫
我開始陪佢畫
我見議用多啲顔色及用成隻手掌, 初初也有點迷惘
鼓勵後, 開始投入發揮
哈哈! 成隻手都係顔色啦!
中途職員更放咗巨型紙屋比小朋友畫, 雜果見到間屋好興奮, 佢投入程度越嚟越熱熾, 連屋內的窿窿罅罅都唔放過。佢最後唔單止條裙丶手腳沾上顔色, 連頭髮都有好多顔色, 其實啲顔色可以好容易洗去 (大家記住帶衫換就得)。反而過程中見到雜果由戰戰競競樣子漸漸變成盡情投入, 佢滿足嘅樣子令我留下深刻印象。
巨型紙屋
真係好專注
仲用埋海棉幫手
完全忘我境界
入埋屋內窿窿罅罅, 真係好好玩
嘩! 但係好開心!
頭髮都係…
製成品係點唔緊要, 最緊要係過程! Messy Play 就係讓小朋友享受過程。
註: 探索遊戲室更將於十月中推出故事工作坊
啟發分享室
玩完Messy Play, 我就到啟發分享室聽講座。當天佢地邀請咗臨床心理學家, 趙思雅小姐分享如何啟發兒童天資, Messy Play係其中一項發掘小朋友天賦潛能嘅方法。聽完專家嘅分享更明白Messy Play如何令小朋友有效提升創意丶自主丶自信心等能力。專家更為我地講解如何跟小朋友建立”依附關係, 使小朋友有一個健康正常嘅人生, 講座嘅內容真係令我獲益良多。
啟發分享室
臨床心理學家 – 趙思雅小姐
分享了好多有用嘅育兒資訊
透過今次「Inspired by Moms 原生探索坊」, 我更進一步了解小朋友嘅性格和能力, 而且明白更多正面管教小朋友的方法。
完成Messy Play 及啟發分享室嘅講座, 美贊臣仲送出紙屋及其他畫畫工具比雜果, 我而家正努力遊說老公讓雜果沙律係屋企玩多啲Messy Play, 希望不久將來可跟大家分享。
美贊臣送出紙屋及其他畫畫工具, 繼續Messy Play
美贊臣「Inspired by Moms 原生探索坊」
地址: 中環鴨巴甸街35號PMQ元創方A座 S506 及 S507
日期: 10月1日至11月13日
網上報名日期: 9月12日開始 , 可於 “美贊臣 Enfinitas” Facebook 專頁 (www.facebok.com/enfinitashk) 網站參閲報名詳情, 名額有限, 將以抽籤形式抽出參加者。
費用: 全免
電話: 2725 5399 (辦公時間: 星期一至五, 上午9時至下午6時)
