上次講到「荷蘭美素佳兒」邀請去咗四日三夜親子遊，完成旅程後，我地一家繼續留係沖繩多一天。咁我地再去邊度？
首先我地去咗那霸市JAL City酒店放低行李，貪佢係旺區國際通上。前幾天住的太大太靚，即刻有種「天堂跌入地獄」嘅感覺，酒店面積跟日本一般的酒店一樣細細間的，尚算可以放平個大喼，有一張床仔丶一張書枱仔丶一個衣櫃仔，洗手間亦係細細的。
Hotel JAL City Naha
房間張床, 與一般日本酒無異, 細細張。酒店算乾淨企理。
房間面積不大
Hotel Jal City Naha
地址：1-3-70 Makishi Naha-shi, Okinawa-ken 900-0013
電話：098-866-2580
網站：http://www.naha.jalcity.co.jp/en/
地圖
酒店真的不會令人想再逗留，當然即刻出去逛逛。之前四日三夜團都係國際通行咗一個鐘，但有多嘢未去睇，連鹽屋都未拜會，我一定要試齊所有不同味道嘅鹽。
雪鹽是沖繩特產，國際通上有兩間鹽屋，但我地只見到其中一間營業。鹽屋其中一邊可以買軟雪糕，然後任由選擇不同味道嘅雪鹽放係雪糕上，有綠茶丶黑芝麻丶柚子丶辣椒丶咖哩味等等，千奇百怪嘅味道，我試咗黑芝麻丶柚子丶海鹽味，黑芝麻味最香，柚子都幾清新，係炎炎烈日下嘆杯雪糕真係一大樂事。
食完雪糕就去shopping, 鹽屋內同樣有多款雪鹽，味道更比出面的多，有龍蝦丶梅味丶冬蔭公等，我也買咗唔少返香港。除咗食用鹽，亦有美容用的產品及其他鹽味食物，真係眼花撩亂！
鹽屋外面
有雪糕筒丶杯裝
好多不同味道嘅雪鹽, 任君選擇
有不同味道嘅選舉, 我就揀黑芝麻啦!
試下柚子味先
沙律話落多啲落多啲朱古力味
雜果幾開心!
黑芝麻真係好香
買嘢啦! 入貨先!
鹽製食品
好多口味嘅鹽
我就買咗好多, 隻隻都想試
沖繩 塩屋
地址：〒900-0014 沖縄県那覇市松尾2-1-3
電話：098-917-4140
營業時間： 10：00～22：00
地圖
我地再去國際通最後段一間百貨公司行，入面唔係好大，分咗女士丶男士丶小朋友丶家居等。我就與雜果沙律睇下飾物，講真沖繩款式唔多，所以最後無買任何嘢。
Department store RYUBO
地址：〒900-0015 沖縄県那覇市久茂地1-1-1
電話：098-867-1171
營業時間：10:00～【B1F食品】22:00 【1F・2F】21:00【3F〜8F】20:30
地圖
無乜收獲就返去國際通中段睇下紫薯特產，其中一間專賣店”御菓子御殿”有好多紫薯食品，我自己好鐘意紫薯，諗起都流口水。
御菓子御殿外觀都好特別, 好古色古香
紫薯雪糕, 唔得, Quota過咗啦!
除咗紫薯產品, 仲有好多其他特產, 例如: 黑糖製成品
御菓子御殿国際通り松尾店
地址：〒900-0014 沖縄県那覇市松尾1-2-5
電話：098-862-0334
營業時間：9:00～22:00, ＜8月・9月＞ 9:00～22:30
網站：www.okashigoten.co.jp/matsuo-shop
地圖
之後，我地繼續沿國際通行，我上次已介紹咗Splash呢間舖頭，我係Facebook post咗啲戰利品，好多朋友讚好靚，實在太精緻，要再逛多一轉。而家放我啲收獲比大家睇下啦！
Splash, 我好鐘意佢啲產品, 好夏日, 好舒服!
係咪好靚? 顔色豐富兼柔和, 係我喜愛的style
海洋生物嘅毛公仔, 海豚丶龜丶鯨魚等, 雜果沙律都收到Happy姐姐送給佢嘅海豚公仔, 好開心!
相架嘅設計令人好有衝動跟陽光海灘做朋友!
我嘅收獲, 係咪好靚? 佢係一個Card stand
筷子架, 唔捨得用!
沙律嘅收獲~耳環
Splash
地址：沖縄県那覇市松尾2-5-11
電話：098-867-7237
營業時間：10:00～22:00
地圖
晚飯時候啦！老公預先係香港通過網上預約咗晚飯，好彩佢之前一天經過國際通時直接到餐廳確認，點知話無我地booking, 最後都book到有得食。今日主要食燒石垣牛，我地點咗兩個石垣牛餐（燒）及一個Agu豬餐（Shabu Shabu)。我想話石垣牛好食啲，可能牛味濃。
餐廳需要上二樓
紅紅火光, 好想快啲食
為咗石垣牛而來
我地點咗石垣牛烤肉套餐及Agu豬涮涮鍋套餐
有牛食, 味道都不錯,但不能與前幾天跟團係”敍敍苑” 比較, “敍敍苑”真係好好味!
等待中
Agu豬, 一份份量不多
Shabu Shabu, 豬的味道無牛咁出色
餐廳內亦有演奏者走到每枱演奏
石垣牛とアグーの店 守礼 【沖縄本店】
地址：沖縄県那覇市久茂地3-2-23 ザプラスビル2.3F
電話：098-864-0141
營業時間：17：00～24：00
地圖
食完又行，經過一間香噴噴蛋糕店被佢吸引住，原來專賣年輪蛋糕，我一定要買一個黑糖味試，返到香港食，真係好好味， 好香牛油味，上面有黑糖粒粒，早知買多個，沙律帶返學小息食，佢和同學都食到停唔到口。
門口
年輪蛋糕, 好大條
有三款口味, 蜂蜜丶黑糖及紫薯
職員係窗櫥前整年輪蛋糕, 怪不知咁香
Fukugiya
地址：〒900-0015 沖縄県那覇市久茂地3-29-67
電話：098-863-8006
營業時間：10:00-22:00
地圖
返酒店休息一陣，我地再去激安殿堂衝刺，因為呢度開二十四小時，如果未夠候去行下都幾好呀！ 呢間激安有四層，真係越夜越多人，尤其地下層最多人搜購化妝品。如果買夠五千日元就可退稅，但產品會被包裝係一個袋中，要等到回港後才可以用。
激安殿堂
地址：〒900-0014 沖縄県那覇市松尾2-8-19
電話： 098-951-2311
營業時間：24時間営業
地圖
我地逛到差不多十二點，想去暖暮拉麵食拉麵，點知呢間拉麵店真係好多人去，條隊好長，小朋友又眼瞓，唯有返酒店睡覺啦！
總結: 第四天主要係食食食, 原來沖繩真係有好多特產, 菠蘿丶黑糖丶雪鹽丶紫薯丶海葡萄丶石垣牛丶Agu豬, 仲要大部份係我的最愛, 呢個旅程真係食到過嘥quota…哈哈! 第五天, 我地會依然有精彩節目, 我會努力寫埋佢! 加油!
