《我的春夏裝 ~ -5kg Jeans》

 

12928380_1729258030626005_4220032412970376576_n

雜果沙律換新裝後, 又輪到我入啲春夏裝。幾星期前我訂咗兩條韓國品牌CHUU推出嘅 -5kg Jeans貼身牛仔褲, 一條淺粉紅, 一條淺藍, 啱啱就係2016年Pantone Color ~ Rose Quartz and Serenity, 我太鐘意呢兩隻顔色, 好夏日feel。

其實我好少買咁淺色嘅褲,怕好肥。睇報導話著完會目測顯瘦5kg, 於是我就買兩條試下。質地都幾有彈性, 著起超貼身, 但舒適唔會箍實嘥。我問老公有無瘦啲, 佢話臀部望落瘦咗(唔知係咪?), 我覺得有少少提升,不過大腿好似無我想像咁修身, 所以-5kg係有點誇張。不過我喜歡佢腰位唔低, 唔會兩旁肥膏擠嘥出嚟… 我上網再睇話Imvely嘅牛仔褲真係work, 我係咪要試下? 定係-5kg都係靠努力做運動吧! 哈哈!

12919847_1729258077292667_7161881659741339099_n

 

愛上運動的我!

以前我係一個唔喜歡做運動嘅人,但後來我開始愛上運動。講真以前讀書返工好少自動自覺做運動,最多走去上瑜珈班,但每次上了幾個月就無再上。我亦試過做機減肥,某程度磅數有所下降,但d肉依然唔夠firm。

我開始認真持續做運動真的要到我生完第二個,那時候有個friend去跳funky dance,於是就跟佢去試下。初初以為跟唔上同只會做幾個月,誰知一跳就跳咗一年半。講真跳funky dance真係好好玩同會上癮,我之前差不多一星期跳四五次,而且出好多汗。好快開始見到效果,朋友都話我瘦咗好多。無時間去跳舞就去玩腳踏機,以前玩15分鐘已想放棄,可能跳慣舞,心肺功能強了,所以玩一小時都唔覺攰。除咗跳舞和腳踏機,我係屋企晚上時會做訓練肌力運動。我最癲瘋時減咗30磅。

不過之前為咗大女揾學校,所以少咗運動。最近發現有點增磅,於是決定從新持續做運動。今次我選擇嘗試泰拳加肌力運動,某程度泰拳用的力度比跳舞強,感覺也不錯。我想強化自己肌力,其實磅數不是最重要,自從對運動產生興趣,發現肌肉變得結實時成個人就會望落瘦咗(肌肉唔係話練到大隻佬咁),所以真正想減肥的不應介意體重而挨餓,而應該做運動減少脂肪增加肌肉。我現在希望可以將肚位變得實正就可了(不過要食少d甜嘢先)。其實揾啱自己喜歡嘅運動,唔好懶惰,食得健康,一定會成功的!

我幾喜歡呢個台灣瘦身資訊網,佢有好多關於做運動及健康飲食資料,大家有興趣去看一看吧。我都有跟部分動作減肥啊!www.i-fit.com.tw