現在大家都會開始留意綠色生活，最近我同小朋友去咗一間位於元朗屋苑《溱柏》內的Green Atrium。首先我們去咗一樓的O2 Cafe食午飯，餐廳主要用木裝飾，周圍牆身掛咗木蝴蝶、木貓等裝飾，好別緻，而且感覺好舒服好有大自然氣息。另外，cafe用的水杯也是可循環再造嘅物 料。至於食物都選用有機及健康食材，當天我地揀咗食set lunch, 價錢大概HK$68-HK$128, 食物味道不錯，老公試的龍脷柳煎得好靚，唯一可能人手不足，所以上菜時間稍慢。

本身Green Atrium二樓有個learning centre而天台好似用來種植水耕菜、養魚，但當天卻未有開放。最後同兩個囡囡去咗地下小市場Health Aims逛逛, 這裡主要銷售有機產品，走到盡頭有一個小corner提供環保工作坊，主要係讓小朋友參與，例如有DIY膠水樽盆栽、剩菜印花工作坊、樹葉托印環保袋等。 其實呢d活動幾有意思，好讓小朋友從小學懂動動腦筋如果循環利用物品保護環境。暑假時大家不妨帶小朋友嚟食飯和參與活動。