上星期我呢半個澳門人一拖二帶住雜果沙律返澳門玩。好多人會問我返澳門住邊？我地間中都會去澳門唔同嘅酒店住下。趁住暑假，我今次帶佢地去金沙城玩一玩。以前佢地經過見到「夢工場」的卡通人物，例如：功夫熊貓丶史力加等，都問我地幾時可以係度玩一次，最近推出嘅功夫熊貓夏日套票*好吸引，所以決定同佢地去玩個痛快！
第一天
我地下午時間坐金光飛航到氹仔碼頭，然後坐車到金沙城Sheraton酒店，沿途雜果沙律不停問我：「到未呀？好想快啲見到功夫熊貓！」唔使咁心急，碼頭離酒店好近，好快就到。
準備由上環港澳碼頭出發
開船啦! 好想快啲到澳門!
Sheraton酒店「夢工場主題家庭套房」
今次我地升級入住「夢工場主題家庭套房」，有咩特別？
套房有兩房，一邊係大人房，另一邊係小朋友房。雜果沙律好興奮，佢地好喜歡房間嘅裝修，四周都有功夫熊貓粉飾，床係小朋友鐘意嘅雙層床，兩個妹子不停係度行上行落，又討論今晚邊個瞓上面，好搞笑。
主人房 ~ 面積好寛敞
小朋友房 ~ 以功夫熊貓為主題
雜果沙津見到張雙層床即刻飛撲上去
兩姊妹好鐘意張床, 係上層唔知密斟乜嘢?
仲有張小朋友枱
牆上好多功夫熊貓嘅掛畫
房內有好多適合小朋友嘅裝飾, 好warm
我地房對住泳池, 可惜今次行程太豐富, 未有時間享受陽光, 下次要逗留多一天才可以。
小朋友房間嘅洗手間也充滿住功夫熊貓
酒店好細心仲為小朋友提供浴袍
不於我帶大家睇清楚間靚靚夢工場主題家庭套房係點啦!
房間內仲有XBOX遊戲機及DVD設施
雜果沙律仲係房間拍下佢地嘅心情
晚飯@「feast」
於酒店房玩完一輪，我地就去酒店內的「feast」（「盛宴」）食自助餐。「feast」內的食物選擇都幾多，海鮮方面，有長腳蟹丶蝦丶蜆丶生蠔等。除咗海鮮，餐廳內亦有一些葡式菜色，雖然每次去澳門都食葡國餐，但葡國菜仍然係一個亮點。雜果沙律最關注一定係甜品啦！「feast」嘅甜品種類繁多，唔止有Häagen–Dazs雪糕，連雪條都有得食。餐廳內另一亮點係有扭波波，而且扭嘅波並非一般嘅款式，我見有小朋友戴上一頂扭波波嘅小丑帽，好特別！
feast
好靚嘅扭波波, 沙律要咗把遮, 雜果要玫瑰花
好豐富嘅海鮮
生蠔, Yummy!
蒸蟹, 好吸引
仲有雜果沙律喜歡嘅糖…
食完飯，我地係金沙城行下散步，酒店內周圍都係功夫熊貓嘅縱影，雜果沙律不停謀殺菲林。我幾喜歡金沙城嘅地段，唔需要行出街，沿住天橋可以連接威尼斯人，夜晚想行街也非常方便。途中見到快開幕嘅巴黎人，我地亦乘機影下美麗的夜景。
究竟有乜睇?
未見到真功夫熊貓, 唯有同住公仔影住先, 明天見到真身要狂影呀!
雜果沙律好鐘意酒店內功夫熊貓嘅裝飾, 係咁影相
扮下功夫熊貓先
我係史力加
嘩! 巴黎鐵塔!
扮藝術家
返到酒店，兩個妹子仲好精神完全沒有倦意，佢地仲想開部XBOX玩。我唯有提醒佢地再唔瞓第二天朝早起唔到床跟功夫熊貓食早餐啦，最後為見功夫熊貓才肯上床⋯⋯唉！
第二天
早餐@「功夫熊貓之舞林盛宴」
呢日嘅節目真係一浪接一浪，一朝早叫兩個馬騮起床，佢地一聽到同功夫熊貓食早餐都即刻自動彈起床。大概九時準時到達「功夫熊貓之舞林盛宴」，離遠見到門口已覺得好吸引，場地好大，兩旁放滿不同食物，應有盡有，仲有以功夫熊貓為題嘅食物，例如：功夫熊貓麵丶熊貓包，太可愛！場內中間有個舞台，職員話9:30有表演睇，好期待！趁未開始就巡視一下先，場內牆上都掛上一幅幅「夢工場」卡通人物嘅畫，再配合燈光效果，感覺好正！
功夫熊貓之舞林盛宴
環境好大! 中間有個舞台, 兩旁嘅裝飾好吸引
真係好似去咗一個Party咁
好多七彩嘅壁畫
好可愛, 雜果沙律都話靚
有不同食物
肚餓啦! 攞嘢食!
場內仲有得買紀念品
雜果沙律好想拎隻返屋企!
好期待節目開始
表演正式開始，主持先出來跟大家打招呼，之後陸續有不同嘅卡通人物出嚟唱歌跳舞，卡通人物仲會跟台下小朋友互動玩遊戲。雜果沙律睇到入嘥神，又不時跟住音樂跳舞，好搞笑！
荒失失奇兵
史力加
Tigress
Tigress教小朋友打功夫, 好互動
功夫熊貓出場!
雜果好投入, 仲跳埋舞! 大家睇下下面嘅花絮(仲有雜果跟住跳)
表演完畢，職員安排大家跟各卡通人物影相，有些會到台下每一枱影，有些較大嘅人物就可以到台上排隊合照。見到功夫熊貓，雜果竟然主動話去影（佢本身怕啲大隻及男仔嘅卡通人物），所以佢主動影實在難得，我諗係功夫熊貓造型太可愛，而且卡通人物係台上表演完小朋友warm up咗無咁驚，之後大部分卡通人物佢都願意合照。我覺得影相安排的程序都幾好，大家秩序良好。
首先與功夫熊貓和Tigress來個合照, 你睇雜果沙律幾興奮!
荒失失奇兵企鵝
Julien
皮靴貓
史力加, 好大隻喎!
獅子Alex
功夫熊貓學堂
未到11:30雜果沙律已經不停趨我快啲行，因為佢地真係好期待今次行程最重要嘅環節～「功夫熊貓學堂」。未入得先係門口前跟不同功夫熊貓影相。可能暑假，當天都有幾多小朋友參加活動。
擺個功架, 又真係有板有眼
功夫熊貓學堂出面幅牆已經引死人, 唔知入面係點?
好可愛
售票處
時間丶價錢等
先分開兩隊，未正式開始學功夫前先讓小朋友為功夫熊貓塗顏色，熊貓本身係黑白色，但雜果完全發揮創意跳出框框將熊貓變成七彩顏色。完成後，最特別係用apps可將小朋友創作嘅熊貓以3D呈現係螢幕上，而且可以隨意轉動它，雜果沙律覺得好amazing!
兩個好專心塗顔色
場館內嘅裝飾都係係功夫熊貓嘅璧畫, 好Chinese Kung Fu feel
完全無理我自拍…幾投入
就係呢個神奇apps可以將雜果沙律嘅熊貓變成3D
睇下, 3D呀! 去片啦!
沙律都話好神奇!
沙律嘅作品
完成後, 正式進入功夫學堂
每個小朋友都有任務㗎!
雜果沙律好留心聽講解
互動專區一：英雄臉譜
跟功夫熊貓學功夫，雜果沙律先要化身成為小熊貓，創作自己專屬臉譜，佢兩個仲要為我創作一個臉譜，我地開始感受到學武的認真。
英雄臉譜
貼呀貼
貼上熊貓眼
我變咗熊貓啦!
多咗兩隻
互動專區二：智破三關
呢關分三類，容易丶一般及困難，小朋友可以根據自己的能力嘗試。雜果沙律好集中精神將拼圖拼好，而且不斷挑戰自己，完全付合學武嘅精神，雜果沙律完成任務後好有成功感。
智破三關
一開始兩個勇闖難度最高
無嘢難到我地嘅
差不多成功啦! 加油!
成功, 真係好開心!
互動專區三：智闖敵陣
呢關真係好好玩，唔只小朋友玩，連大人都需要一齊參與。我地一班父母被人捉咗，小朋友要利用佢地嘅智慧加敏捷身體拯救我地，雜果沙律好叻呀，完全可以避開敵陣勇救我。
智闖敵陣
我被壞人捉咗, 雜果沙律快啲救我!
各位小朋友出盡力拯救我地
記住唔好掂到噹噹
小朋友真係身手敏捷
睇下雜果沙律有幾落力
之後輪到小朋友被困，我地父母又要挑戰難度拯救佢地（原來唔容易架，要避開敵陣需要好多體力）
輪到雜果沙律被人捉…”救命! 救命!”
我會努力拯救你兩個㗎!(實在好好玩!好互動!)
互動專區四：百發百中
拯救完，小朋友又遇上困難，雜果沙律要與其他小朋友合作將饅頭作為武器，並考眼界將翡翠僵屍打敗。雜果沙律用盡全力跟翡翠僵屍拼搏。
百發百中
準備好啲饅頭掟翡翠僵屍
考下雜果沙律眼界, 又幾準喎! 睇下片!
互動專區五：集氣大成
最後，小朋友聯同我地一班父母一起齊心踏腳釋放能量將敵人終極打敗！
集氣大成
小朋友及大朋友各就各位準備打敵人
不停踏不停踏, 最終集合力量擊敗敵人。
Yeah! 學師成功，終於可以拜會一代宗師，功夫熊貓。各個弟子換上功夫衫，然後逐一跟師父合照留念，雜果沙律好興奮, 沙律更擺出功架⋯⋯哈哈！
換件功夫衫, 沙律好乖幫妹妹換衫
功夫熊貓快啲出嚟! 雜果沙律好想見你呀!
出嚟啦! 出嚟啦!
雖然大隻, 但咁可愛, 難怪雜果唔怕啦!
好得意嘅場面
沙律即刻擺出功架拜會師傅
太鐘意功夫熊貓啦!
完成學師，小朋友可獲得禮物一份，內裏嘅禮物好靚，有功夫熊貓證件掛牌丶筷子丶記事簿丶文件夾及一把扇，雜果沙律當寶一樣看待，唔比我搞….哈哈！
功夫熊貓學堂嘅禮物
午餐@「Bene」
耍完功夫，雜果沙律已經好餓，於是去酒店內一間意大利餐廳「Bene」（「班妮」）食午餐。餐廳裝修簡約優雅，環境舒適。我地被安排坐係旁邊的梳化櫈, 好舒服！餐廳提供特色午餐，我地選擇咗米蘭式牛肉片配炸薯仔, 而餐廳亦提供自助式前菜及意式甜品吧，大部分都係意大利食品，例如：Pizza、意大利菜湯丶Tiramisu等。食前菜已飽了一部分，再加上主菜的份量，我地已要捧住個肚，食物質素不錯，主菜味道幾好味。
意大利餐廳Bene
午餐餐牌
Bene嘅環境
部份前菜, 仲有好多選擇
甜品太好食, 忘記一早影相, 比人拎嘥, 而家剩返少少
主菜未嚟, 食住Pizza等
主菜嚟, 沙律幾開心, Yummy!
Shopping Time
陪佢地玩咗半天，到我的Shopping時間，金沙城內有不同大大小小嘅商店。除咗睇大人嘢，我都喜歡行商場三樓嘅Kid’s Cavern（以前已覺好正），雜果沙律每次去都唔捨得走，因為店內無論衣褲鞋襪款式多，玩具嘅種類仲多，多到有啲香港見都未見過，你話雜果沙律點會想走呀！
Kid’s Cavern – 有小朋友一定要去行返轉
原來Kid’s Cavern對面新開咗間「冒險王國」，好似好好玩，但今次唔夠時間，唯有下次再來（問過職員四歲以上就可以玩）。
新開嘅冒險王國
下次一定嚟玩 (仲有精品店)
巡遊
雜果沙律對功夫熊貓念念不忘，我知道4:00商場內有卡通人物巡遊，所以帶佢地睇。離遠開始聽到音樂，雜果沙律就隨住拍子跳舞，首先見到史力加載歌載舞，隨後就係功夫熊貓，實在太可愛，我都被感染。巡遊好快就完結，雜果沙律開始唔捨得走啦！
史力加同佢老婆仔
功夫熊貓好落力跳舞
荒失失奇兵出嚟
好熱鬧, 小朋友都跟住跳
最後我地大概5:00離開酒店到碼頭返香港啦，係船上兩個都瞓得好甜，唔知有無發夢見到功夫熊貓呢？
諗走撞見功夫熊貓, 要同佢再影相, Say Goodbye!
返香港啦! 睇下兩個馬騮幾咁滿足!
今次係一拖二的旅程尚算成功，一嚟澳門算是我半個地頭，二嚟金沙城有齊吃喝玩樂嘅設施，我唔需要帶住兩個周圍走來走去，三嚟今次遊戲玩意好啱雜果沙律嘅年紀。雜果沙律又認識「夢工場」嘅卡通人物，玩嘅時候好投入。Sheraton酒店內嘅夢工場主題家庭套房令雜果沙律對此行更加印象深刻。果然返到屋企成日講功夫熊貓，又話掛住佢，又要唱Kung Fu Flighting, 佢地呢個星期已不停問幾時再住Sheraton同功夫熊貓玩（沙律仲話要日日住係果度，睇怕只有小朋友先有呢啲妙想天開嘅無理要求…哈哈！）
*功夫熊貓夏日套票 （HK$1,398起）
1）入住豪華雙人特大床客房或雙床客房一晚（或可以好似我地咁加HK$950起升級入住夢工場主題家庭套房）
2）在「盛宴」餐廳享用自助早餐#或午餐（#每位加HK$100可升級至功夫熊貓之舞林盛宴食早餐）
3）澳門至香港/香港國際機場單程標準船票兩張；或HK$200澳門喜來登炫逸水療及餐廳消費券
4）「功夫熊貓學堂」門券一張
5）房內免費Wi-Fi上網
6）連續入住兩晚可額外獲享「喜柏」大堂酒廊雙人下午茶
地址：Estrada do Istmo. s/n, Cotai, Macau
電話：(853) 2880 2000
地圖：
