之前大家有留意我Facebook post都見到雜果沙律收到幾份玩具”反”斗城嘅戶外活動產品後, 就笑到見牙唔見眼。

雖然未到暑假, 但星期六日嘅天氣都好好天, 咁梗係帶埋呢啲戶外活動產品同雜果沙律去戶外玩放下電啦! 係佢地盡情玩嘅時候, 我老公捕捉咗唔少佢地玩得開心滿足嘅樣子同大家分享下。同時, 我會介紹下呢幾份玩具嘅特點丶配件及根據雜果沙律嘅結論評價下呢啲玩具嘅好玩指數, 等大家選擇戶外活動玩具及暑假玩具比小朋友時可作參考, 唔使太傷腦筋! [好玩指數: 5粒星星代表最喜歡]

可調式三輪滑板車 Y Glider XL

可調式三輪滑板車嘅特點係具備Yvolution專利設計的轉向方法，所以小朋友可以好舒適咁滑。另外, 手柄可以調校不同高度, 啱不同高度嘅小朋友玩(5至9歲)。

好容易安裝, 只需將手柄連接滑車車身就可。

沙律開始試玩啦!

滑啊! 都幾順, 同埋都容易控制。

輪到妹妹雜果啦!

一邊滑一邊八掛望人…哈哈!

踏板企上去比我屋企果個部堅硬, 無咁容易失平𧗾, 感覺安全啲。

用後感： 本身屋企都有一部滑板車, 但雜果沙律見到新嘅滑板車就爭住要試部新車, 一來顔色係佢地至愛嘅粉紅色。二來佢地話手柄可以就啱佢地高度, 唔會覺得好辛苦。沙律話呢部滑板車比之前個部滑起嚟更順暢同埋隱陣啲。

好玩指數： ★★★★ (可能屋企有一部, 所以無咁新鮮, 但佢兩個其實成日都去公園滑幾圈, 而家可以兩姊妹一齊滑啦!)

特大沙灘波

一個超大型沙灘波, 充滿氣後大約長達75cm。

努力充氣中! 加油!

好大個啊!

兩個妹子互相拋球

搶沙灘波, 可以走嚟走去, 幾開心!

用後感： 雜果沙律見到咁巨型嘅沙灘波好興奮, 佢兩個話好鐘意同我玩互拋沙灘波，又互相追逐搶沙灘波, 兩個玩到哈哈大笑，呢個絕對係好好嘅親子及互動活動。如果約埋一班小朋友去沙灘玩呢個特大沙灘波應該仲開心。不過, 個沙灘波真係好大，所以充氣確實好攰, 最好父母跟小朋友輪流充氣, 咁就好啲。

好玩指數： ★★★★★

暑假除咗帶雜果沙律玩戶外活動外, 有時都會留待家中等兩姊妹free play下。有個治療師同我講原來小朋友free play時係可以自己將一些情緒調整好, free play即乜都玩得, 我諗以下呢兩樣玩具都啱佢地。

奇妙花仙子

一盆會唱歌跳舞嘅花, 有兩個遊戲模式: 魔法模式及跳舞模式。魔法模式就係摸下個花盆或淋水(包括淋花水壼一個), 佢就會發出開心聲音或唱歌 (超過15首歌曲), 仲可以錄低小朋友聲音, 花仙子會唱返出嚟。跳舞模式就係花仙子跟住我地播嘅音樂或聲音跳舞。

奇妙花仙子

睇下雜果聽到音樂,即刻唱歌跳舞, 手舞足蹈。

又幫盆栽淋水, 等佢快啲唱歌佢地聽!

仲可以下載手機程式配合花仙子玩

包括selfie扮花仙子

用程式控制花嘅動作, 同埋有15首歌曲

小朋友可以自己彈琴, 花仙子就跳舞。

用後感：雜果沙律成日係屋企唱歌跳舞, 呢個魔法盆栽完全啱嘥佢地。佢兩個話盆花好可愛, 會唱歌跳舞, 又可以錄低自己把聲, 仲成日話要淋花等魔法盆栽開心啲可以陪佢地玩。仲有可以用手機程式配合花花一齊玩,佢地不知幾興奮。絕對係一樣令小朋友輕鬆快樂嘅玩具, 唱唱歌, 跳跳舞。不過個人覺得如果花仙子可以唱耐啲會更好。仲有小朋友可配埋其他魔法盆栽及魔法蟲蟲一齊玩, 應該更開心熱鬧。

好玩指數： ★★★★

12吋 Nemo發聲毛公仔

Nemo毛公仔長約12吋,內置白天和晚上模式, 白天時Nemo 會講新戲Finding Dory入面嘅經典對白。夜晚可以播放15分鐘海洋嘅聲音。

用後感：本身雜果沙律未睇過第一集嘅Nemo, 所以對Nemo唔多認識。最近我知暑假會上第二集 Finding Dory, 於是我都大概講咗少少比佢地知，當佢地見到12吋Nemo發聲毛公仔更加瘋狂, 無限loop Nemo講嘅對白, 又成日攬住佢。不過最正係晚上模式可以播放海洋聲音, 聽住咁舒服嘅聲音, 我都想快啲入夢鄉, 何況兩位小妺妹? 佢地咁快瞓著, 我咪可以做自己嘢(其實係我嘅評價)…哈哈!

12吋 Nemo發聲毛公仔

可調校白天和晚上模式

無限放Finding Dory入面嘅對白

攬住佢kiss kiss

有海洋聲音, 聽住好舒服，雜果話咁快瞓著！

好玩指數： ★★★★★

總結:

四樣玩具中雜果沙律最鐘意嘅係Nemo發聲毛公仔和特大沙灘波。 大家睇完雜果沙律試玩情報後，大家都可以睇下有無邊樣啱你小朋友係呢個夏天玩。又或者大家可以去玩具“反” 斗城睇下有乜其他玩具啱小朋友。因為玩具“反”斗城正在舉辦「戶外玩具熱選」活動(即日至7月4日)。活動中佢地精心為不同年齡層小朋友挑選多款戶外丶水 上活動及人氣玩具產品等大人小朋友都可以開心地迎接暑假。暑假時有好幾套啱小朋友睇嘅電影上畫, 例如:「海底奇兵2」、「憤怒鳥」、「美國隊長3：英雄內戰」等, 而玩具”反”斗城亦會同時推出呢啲電影嘅玩具產品,我肯定我兩個女又會迷上新嘅卡通人物。而家係玩具“反”斗城買任何產品滿HK$2,000就可享免費送貨，有時買多咗都唔使拎住啲戰利品咁狼狽同小朋友返屋企, 又幾好喎!

 

之前大家有留意都知雜果沙律收到三份聖誕玩具禮物, 佢地兩個拆禮物個興奮樣真係好搞笑。

雜果沙律呢排梗係貪新鮮成日玩新嘢啦! 我亦捕捉咗唔少佢地玩玩具時嘅認真,開心滿足樣子。 另外，我亦會介紹下呢三份玩具包咗乜嘢配件及其好玩指數（根據雜果沙律的結論）比大家， 等大家今年選擇聖誕禮物時可作參考。[好玩指數: 5粒星星代表最喜歡]

小馬寶莉三層華麗皇宮套裝 (My Little Pony – Canterlot Castle)

皇宮套裝包括一隻Little Pony 、穗龍和有多達42件配件有(例如梳妝台、燭台、蛋糕等等,真係好豐富)。三層的皇宮, 而且中央有一部手動的升降機。

 

一開始沙律看說明書,然後教雜果一起合作將配件逐一裝上 (好有合作精神)。不過裝上時有少少難度, 兩個唯有揾我同老公教點樣整, 一於嚟親子活動

沙律好認真砌座皇宮

第二層啦! 雜果在旁幫手, 好温馨! 無爭住做, 我心諗好彩。

最頂層啦! 就嚟完成!

終於裝好三層高皇宮， 雜果沙律已好興奮，急不及待要為佢地嘅皇宮裝飾。

雜果沙律一直最想有間公仔玩具屋，呢個咁華麗嘅皇宮完全滿足佢地嘅願望, 佢地為Little Pony扮靚， 又扮開下午茶派對， 又係温習室玩電腦。

其中皇宮頂部裝飾的皇冠又可載上頭上扮成為公主，完全滿鐘意公主嘅沙律。

仲可以使用程式掃瞄Little Pony腳上及皇宮內的標記，然後可以係「My Little Pony Friendship Celebration」應用程式內解鎖, 之後會有特別驚喜。

用後感： 雜果沙律好鐘意， 一來有咁靚嘅三層高皇宮，二來又可以自己隨意擺設裝飾，當然升降機係最吸引部份，佢地成日將升降機整上整落。不過，我同老公都覺得安裝組件有些難度， 一般太細小朋友未必能自己安裝到，必須要大人幫忙。

好玩指數： ★★★★★

瘋狂砸臉機 (Pie Face)

Pie Face包括了一部遊戲機座、一個手掌、兩個手把、一塊臉部紙板、一個下巴托盤、一個數字轉盤和一塊海綿, 然後將所有組件裝好便可。

首先將海綿濕水 (本身亦可以在手掌板上塗上厚厚的忌廉)，然後放係手掌板上開始遊戲。雜果沙律輪住轉數字盤, 然後決定每人要轉動機座手把多少次

沙律好緊張, 好驚被整濕塊面

沙律中咗!

輪到雜果啦! 佢開始緊張啦!

雜果中咗, 但海綿跌了。唔知係咪安裝問題, 唔知點解手心反轉咗, 仍在研究中。

用後感：原來呢個Pie Face係美國、韓國等地好多人玩, 連韓國電視節目“Running Man” 都玩過。 雜果沙律都玩得好投入, 佢地都話好緊張。個人覺得聖誕節約一班大人小朋友係屋企一齊玩應該會幾過癮好玩, 更刺激(最好係用cream就仲刺激), 將各人瘋狂樣影低都幾搞笑。

好玩指數： ★★★★

瘋狂百貨店2-雪雪小冰箱 (Shopkins Fridge Playset)

雪雪小冰箱包括一個小雪櫃、兩隻特別版Shopkins(冰凍蘇打水同草莓厚忌廉)、 6隻迷你Shopkins、2個購物袋、2張貼紙及1個冰杯 。

雜果沙律開始研究點樣玩, 兩個將Shopkins放係購物袋內。

兩個小心翼翼地將每隻迷你Shopkins放係搖擺不定嘅冰隔上, 真係要考考技巧。之後又將兩隻特別版Shopkins(冰凍蘇打水同草莓厚忌廉)放係雪櫃 (原來呢個小冰箱有超大容量，可以存放超過25隻Shopkins造型公仔)

沙律最鐘意冰箱嘅製冰器， 不停地㩒佢

見到有貼紙可以幫雪櫃扮靚, 兩個一齊研究點樣裝飾雪櫃。

用後感： 雜果沙律覺得個雪櫃略嫌太細,不過佢地就鐘意係幫雪櫃貼貼紙。另外佢地覺得配件唔夠多,可能雪雪小冰箱係瘋狂百貨嘅Season 2成員, 如果再配合埋“怕熱小冰弟” (Season 1)嘅配件可能會好玩好多。

好玩指數： ★★★

 

總結:

三樣玩具中雜果沙律最鐘意就係「小馬寶莉三層華麗皇宮套裝」，大家睇完雜果沙律試玩情報後，可以睇下邊樣啱你嘅小朋友，又或者大家可以去玩具“反”斗城睇下有乜其他玩具啱小朋友。提提大家, 如果有心水禮物就最好盡早選購，因為玩具“反”斗城最近已推出「反斗有錢FUN」優惠，凡是「星卡」會員可於即日至11月30日購物滿HK＄400元，即送HK＄50元玩具劵乙張；購物滿HK＄750元，即送港幣 $50元玩具劵兩張（玩具券可於12月1至11日期間作現金使用）。另外，玩具“反”斗城於即日至11月30日期間推出「Black Friday」的早鳥優惠活動，多款產品以優惠價發售，有些產品更低至半價！ 咁樣可用同樣價錢買份大d嘅禮物,包保小朋友收到時更開心驚喜!