UNO…令我勾起唔少我年輕時嘅回憶, 諗起同我班同學放小息一齊挑戰大家嘅開心場面, 好令人回味。
結婚之後, 我都買咗一副UNO放係屋企準備朋友嚟一齊玩。而家雜果沙律識嘢, 我都會同佢地玩下UNO, 佢兩個覺得好刺激, 好好玩, 成日晚飯後都要玩三四舖先肯瞓。其實玩下呢類型遊戲都幾好, 可以訓練思考, 又可以比佢地經歷贏同輸, 仲可以學守規矩和耐性。
尋日, 我好榮幸可以到樂富廣場參與「領展 x Mattel Games 全港UNO遊戲卡挑戰賽總決賽」。現場有好多小朋友參加挑戰, 好緊張。原來屋企副UNO已經好OUT, 而家副UNO有三張「話事」卡比你自訂任何遊戲規則, 更加刺激。
有片睇呀!
沙律亦被邀請跟今屆UNO王嚟個明星賽, 雖然最後輸了, 但佢真係成熟咗好多, 玩遊戲會跟規矩, 唔會因為輸而耿耿於懷。返到屋企, 佢即刻要拎副新UNO玩, 唔知UNO會唔會同樣成為佢與朋友嘅童年回憶呢?
