雜果沙律有份參與刷新「健力士世界紀錄」啊! 好興奮!

Yeah! 準備參加健力士世界紀錄!

佢地係D ． PARK 愉景新城內的「全球最大的硬紙板雕塑~成長迷宮」牆上畫畫, 仲要有好多小朋友一齊參加, 諗起都開心, 雜果沙律畫得不知幾起勁…雖然畫功尚未算好出色, 但有份參與此紀錄確實難忘。

雜果好投入咁畫, 唔好騷擾佢

10米 x 10米硬紙板雕塑

大家好努力咁畫

我都一齊參與

完成咗…hehe…

之後, 雜果沙律見到商場的中央公園嘅「多元智能學習樂園」有嘢玩, 原來有不同工作坊可參加, 最後我地玩咗Kids Fit 親子運動工作坊, 幼兒運動教練帶領我地玩唔同伸展運動和遊戲, 好多遊戲及設施我都係第一次見, 同埋訓練平衡力。雜果沙律咁鐘意跑跑跳, 兩隻馬騮經過一小時盡情地放電, 精力已減少咗一半…哈哈!

多元智能學習樂園

準備做伸展運動

叻叻喎! 無跌

再高難度, 夾住個西瓜行?

練習平衡中…

有得玩滑梯, 都幾直, 好刺激

沙律最鐘意呢個

雜果玩得咁忘形…哈哈!

見佢地咁攰, 我地又去探雜果鐘意嘅癲噹餐廳, 係果度飲杯嘢抖下。

癲噹餐廳

除咗陪佢地玩, 商場內多咗好多韓國新進品牌, Shoopen 和 Modern House, 真係好多正嘢, 尤其Modern House內嘅家品好靚(我好鐘意佢小朋友碗碟及其他配件), 價錢又平, 下次趁佢地返學時慢慢再Shopping。

韓國平價鞋舖~Shoopen

好多鞋, 仲有小朋友鞋

韓國家品 ~ Modern House

好想要一間

好靚…心心眼!

我地仲去埋「小生活市集」, 我都好欣賞同支持自家製創作, 尤其小飾物, 市場內亦有唔少, 唔似平時係普通店舖見到嘅嘢。

Little Market

人山人海

好靚嘅手工藝

行完街, 兩個妺豬仔精力又返番嚟, 我地最後去二樓嘅「亞馬遜學園」玩, 園內主要以智能音樂及歷險為題, 入面有好多玩具設施都融合咗音樂元素, 雜果沙律見到啲樂器設施即刻手舞足蹈咁敲打, 都幾好玩。有時去Playhouse成日得攀架射下波玩下滑梯,但呢度嘅設施配合埋其他方面, 感覺幾多元化, 幾新鮮。

亞馬遜學園

音樂符號配對, 啱嘥沙律玩

攀石, 沙律好鐘意

好大部琴, 彈下琴表演下

呢個應該啱細d嘅小朋友喎!

打下豉

呢個投影遊戲, 好多得意嘢玩

我差不多幾個月無嚟D.Park, 今次發現多咗好多幼兒設施, 唔止多活動遊戲, 育嬰設施多咗及做得好好, 而且大部份餐廳都有為小朋友而設嘅兒童餐。其實香港真係好需要更多呢啲類型商場, 方便我地家長帶小朋友去Shopping同玩。

‪