沖繩， 我地一家人一直都好想去玩，每次想去都太遲book唔到機位，最後要揀第二個地方玩。今次好多謝「荷蘭美素佳兒 」邀請我地一家參加佢地舉辦嘅四三夜親子沖繩體驗團，讓我地有一個美好沖繩之旅。未詳細介紹呢個團有乜玩前，我必須話比你知你地都有機會參加抽獎贏取四日三夜親子沖繩團（可留意文章最後的參加辦法）。我想同大家講呢個真係豪華親子團，無論食丶住（住三晚Ritz Carlton Okinawa) 丶玩都係最好最正, 而且讓我地一家好好享受親子樂!
唔講咁多，而家就分享由第一天到第四天行程比大家先啦！
第一天
「美素佳兒」顧及大家帶住小朋友，所以揀咗香港航空早上11:45個班機去沖繩，等小朋友唔使太辛苦四五點去機場check in, 去到機場我地同工作人員及香港導遊滙合（其實好耐無跟過團，今次可以比雜果沙律感受下跟旅行團旅遊嘅另一經歷），工作人員及導遊好友善為我地打點一切，又整咗好多props比小朋友拎住影相。
上機前食個早餐醫下肚
Boarding Soon, 好期待!
準備出發啦！
由香港往沖繩嘅機程唔長，全程大概兩個幾鐘，唔會太長，對小朋友嚟講唔會辛苦。我地去到沖繩時大概下午三點半，拎埋行李出去大概四點零左右, 去到當地有位當地導遊接待我地。
到達沖繩啦!
經過舟車勞頓，工作人員好細心為我哋大人預備一袋食物袋及水，而小朋友亦有果汁及小食。
你睇雜果幾開心！有果汁又有小食
首先我地去那霸Naha Main Place 行下街, 商場裏第二層有好多小朋友物品賣，我都係係度買咗日式浴衣比雜果沙律。另外，商場內有好多香港人認識嘅商店，例如： Afternoon Tea丶Tokyu Hands等，當然唔可以同東京丶大阪嘅商場比，但都有嘢買下。
Naha Main Place
商場內
Afternoon Tea ~ 而家賣緊 Alice in Wonderland產品, 好Fancy!
雜果去Shopping?
買咗日式浴衣及鞋比雜果沙律
Naha Main Place
地址：4-4-9 Omoro-machi, Naha-shi
電話: 098-951-3300
營業時間: 9:00 – 23:00
網站：www.san-a.co.jp/store/mainplace/
地圖：
行左一個小時（差不多六點零左右），我地滙合大家再到Naha Main Place附近一間日本燒肉餐廳～「叙々苑」食晚飯。我地被安排於一間房間食飯，餐廳裝修屬高檔餐廳，導遊亦話呢間餐廳係日本算首屈一指嘅日本燒肉餐廳，好多地方都有分店，當我見到餐廳嘅名人榜，點解似曾相識？原來幾年前朋友帶過我係東京六本木食過午飯，午飯價錢已不算平，所以我肯定晚飯的價錢更昂貴。晚飯的份量好多，佢地安排咗和牛及沖繩Agu豬（聽聞有骨膠原）比大家燒，出發前工作人員亦好細心問清楚我地食物喜好（例如：唔食牛丶唔食生嘢等）。晚餐由頭盤到甜品都好豐富，好滿足的一餐！
叙々苑
餐廳的裝修
前菜
牛肉拼盤
豚肉
牛肉一入口就即溶，好有牛肉味，「牛魔王」嘅朋友一定鐘意。
睇下雜果都食得津津有味啊！
沖縄 叙々苑
地址：沖縄県那覇市おもろまち4-19-1 ルカフ オモロマチ3Ｆ
電話：098-860-0089
營業時間：11:00～23:00( ), 11:00～22:00 ()
地圖：
第一天大家都有啲攰，係時候返酒店啦！ 由於Ritz-Carlton係沖繩嘅中部，離那霸大概一小時車程，大家係車都瞓到豬仔咁。一落到車，酒店比大家感覺好渡假feel，好休閒嘅感覺。
The Ritz-Carlton Okinawa
雖然夜晚, 但酒店配上燈光, 格外浪漫。酒店上空更睇到好多繁星。
酒店職員為每位小朋友預備一個Welcome Bag, 入面有隻沖涼鴨丶毛巾、cream等。酒店分咗兩邊，我們住係三層樓嘅大樓。我地一推開房門就見到好大嘅浴室，房間有兩張超大床，再加一張加床，真係好舒 服！ 房間仲有一個露台，等第二早上再出去欣賞下（怕晚上有蛇蟲鼠蟻走入嚟啊！）
好大張床, 點碌都唔怕跌落床…哈哈!
洗手間
Welcome Bag (Ritz Kids)
我亦拍咗條片好讓大家睇下間酒店有幾舒適。
係咪好正呢？我都想住多幾晚啊！
Ritz-Carlton Okinawa
地址：1343-1 Kise,Nago Okinawa, 905-0026 Japan
電話：980-43-5555
網站：http://www.ritzcarlton.com/en/hotels/japan/okinawa
地圖：
第二天
瞓完一個好覺，話咁快又第二朝啦！雖然九點左右才出發，但我地都想係酒店影下靚影，慢嚐一個休閒嘅早餐。
一起床打開窗廉再走出露台欣賞四周風景，我地房間原來對住個golf場，一片綠油油嘅草原，對眼好refresh。
好舒服!
係陽光下，酒店大堂嘅擺設及外貌更加清楚，景色亦好優美。
酒店早餐就係大堂同一層，係日本嚟講呢間酒店嘅早餐都算豐富，有日式及西式食物任揀。
食早餐地方
西式
日式
估唔估到係咩汁？
係沖繩特產苦瓜加菠蘿汁， 都幾好飲！
食完早餐再係餐廳出面影個靚影，正！
準備今日嘅行程，今日主要係室外活動，工作人員好細心為我地準備咗太陽油及蚊怕水。
第一站「名護鳯梨園」，睇下特產菠蘿兼買手信。當車駛到菠蘿園附近已見到大大個菠蘿，我地當然也同大菠蘿影張相留念。
大菠蘿
跟住就入園內坐一架菠蘿車觀賞園內菠蘿, 車係自動開，亦有不同語言揀。沿途有大大小小嘅嘅菠蘿，但車開得快而且講解聲音有點細，所以都係好快咁望下啲菠蘿。
準備坐車
菠蘿公仔
菠蘿呀! 有大有小
落車後大家可沿路出去，中間有即食菠蘿賣，好新鮮，好甜美。
好香甜嘅菠蘿!
最後，我地去到買手信地方，有菠蘿酒，有細細支買，做手信都幾好，我就買咗返香港飲。
菠蘿酒
我知有朋友買菠蘿, 但我地就無買, 怕太多嘢拎, 有啲後悔。
好多菠蘿產品
我就係買咗呢盒菠蘿酒
菠蘿果汁
我細佬之前同我講菠蘿蛋糕好食，於是買咗一盒試下。我覺得都幾好味，但食得多有點漏。
名護鳯梨園
地址：1195 Bimata, Nago City, Okinawa 905-0005 Japan
電話：098-053-3659
營業時間：9:00~18:00
地圖：
之後到好期待嘅一個活動～近距離接觸海豚！ 以前我同沙律曾經係杜拜近距離接觸過海豚，今次可以帶雜果見識，好開心。我地到達「本部元氣村」，聽聞自己去要係三日前上網book時間，當然今次有工作人員幫我地安排好啦！
本部元氣村
一入去職員為各位大小朋友派一件救生衣，然後換上Crocs鞋，然後跟住職員去睇海豚表演，雜果都覺得好得意。
準備接觸海豚啦!
海豚表演
之後再跟職員去另一邊，今次要行落水中（水位去到我的膝蓋，我大概163cm，所以記住著短褲短裙), 職員教我地做一啲手勢讓我地可以摸摸海豚的下巴，又同我地揮手等，雜果雖然有少少驚，但佢都幾好奇。
摸海豚, 儍妹, 唔驚㗎!
海豚真係好聰明
與海豚近距離接觸片段
提示：由於元氣村唔準帶任何袋入去，所以大家記住為小朋友帶備多一條褲或裙及內褲準備係車或其他地方更換。
本部元氣村
地址：沖縄県国頭郡本部町字浜元410
電話：098-051-7878
地圖：
睇完海豚原來到食晏時間，佢地為我地安排咗係Hotel Orion Motobu Resort & Spa裏邊食自助餐。呢間酒店都係擁有一個無敵靚景。酒店內自助餐嘅款式都多，有日式及西式食物，亦有啱小朋友食嘅食物，又有好多甜品選擇，雪糕都有啊！Yummy! 小朋友實喜歡。
好靚嘅藍天白雲加清徹海洋
Hotel Orion Motobu Resort & Spa食午餐
甜品, 有我喜歡嘅綠茶蛋糕
雜果食得津津有味 (因為食緊棉花糖)
見到咁靚嘅海景，大家襯食飽飯出去行下兼影相，係咪好靚好寫意呢？
Hotel Orion Motobu Resort & Spa
地址：148-1 Bise Motobu Okinawa-ken 905-0207
電話：980-51-7300
網站：http://www.okinawaresort-orion.com/english/
地圖：
第三站，沖繩「美麗海水族館」都係大家必去嘅地方。我地啱啱趕得上睇兩點半嘅劇場，雖然香港海洋公園都有海豚表演，但呢度嘅表演都幾別開生面，好多表演都好得意，令大家拍爛手掌，我印象最深刻係個職員不斷將魚放入海豚口中，但海豚無食，仲吐係一個盤中，雜果睇得好投入，好開心。
海豚劇場
雜果睇到入嘥神
當日天氣好熱，我地再行去室內水族館睇其他海洋生物。水族館裏內有九個主題區，有鯊魚丶珊瑚丶熱帶魚等海洋生物，而最吸引一定係黑潮缸前欣賞鯨鯊。眼見咁大隻鯨鯊，雜果都覺得好有趣！
美麗海水族館入場券
摸海星
不同海洋生物
黑潮缸前欣賞鯨鯊
逗留咗大概個半鐘，我地就再跟團隊集合。
美麗海水族館
地址：424 Ishikawa, Motobu, Kunigami District, Okinawa Prefecture 905-0206, Japan
電話：098-048-3748
營業時間： 8:30 – 18:30 (10月～2月) , 8:30 – 20:00 (3月～9月 )
網站：https://churaumi.okinawa/
地圖：
第二天行程大家都好攰，所以佢地安排我地返酒店沖涼再食晚飯。晚飯以日式為主，亦加入不少沖繩特色食品，餐廳內更有表演者彈奏琉球音樂，雜果覺得好得意，大家仲走上前跟表演者影相。
晚飯餐牌
琉璃之神, 酸酸的, 好提神同開胃準備食飯
加入不少沖繩特產及美食
甜品
雜果的晚餐都好豐富
與表演者合照, 其實雜果想彈下
第三天
第三日啦！沙律歸隊, 但又開始進入倒數階段，我地早上十點係酒店內參加 Friso Little Chef 兒童烹飪班。上堂前，我地係酒店室外泳池游下水。
沙律歸隊! 係室外泳池影張相
好開心, 泳池又唔多人, 游得好舒服
室外泳池四周環境
到十點，我地就跟大隊去酒店其中一間餐廳開始烹飪班。美素佳兒嘅同事一早到餐廳打點及裝飾地方，佢地仲為小朋友預備靚靚嘅圍裙及廚師帽, 小朋友即時變成專廚師。呢日我地會跟Ritz-Carlton Okinawa的總廚Gianluca Visani學整麵包和薑餅人曲奇。
準備好上課啦!
四位小廚神
沙律好期待整嘢食
我地先整麵包，雜果和沙律平時都有去學整嘢食，但跟酒店總廚學烹飪真係第一次，好興奮! 雜果沙律整得到好投入，我地見到佢地咁享受，自己都好開心。佢地亦發揮創意製造自己嘅麵包，焗完出嚟，真係好香，好好味，連所有工作人員都搶住食，果然係酒店總廚！
沙律好投入, 完全無理我
搓呀搓
碌呀碌, 再加上沖繩食材, 例如: 黑糖丶紫薯…, 麵包一定好好食!
出爐啦!
似模似樣, 雜果已忍唔住想食
香噴噴!
跟住又整曲奇，小朋友可自由創作為自己嘅薑餅人扮靚。
裝飾下啲薑餅人曲奇
係咪好有風格?
又霖你爸爸!
完成後，各位小朋友可以得到總廚頒發證書。
由總廚Gianluca Visani 頒發證書
又忍唔住食自製的曲奇
學完整嘢食，又係時候食午餐, 我地逗留於酒店內吃午餐。
午餐
慢煮豚肉腩, 好入味
小朋友的午餐
之後我地出發去萬座毛，呢到係好似象鼻的斷崖，可惜我地遇上落雨，只能快快影相留念，未能細心欣賞附近的風景。
係咪好似象鼻?
沖繩天氣算變幻無常, 好好天會突然落好大雨, 大家記得帶雨具呀!
地址：沖縄県国頭郡恩納村字恩納
地圖：
去沖繩好多人會吹玻璃，對於小朋友可能有點危險，所以我地去做另一種沖繩傳統工藝～「首里琉染」。本身店舖亦好古色古香，充滿琉球文化風味，店內有好多好靚嘅琉染製品，顏色及配襯好靚，好有特色。
首里琉染
好多不同琉染的產品
琉染DIY係第二層，店內有唔同size嘅T-shirt比你揀。琉染係用珊瑚及顏料拓印出不同花紋，用顏色首先要從淺色著手，我最鐘意漸變效果，好靚！雜果沙律第一次做，可能小朋友比較隨意，反而出嚟效果更佳。好多朋友問我係邊度整，個個都想去沖繩整返件DIY T-shirt。學我朋友話齋有時去旅行唔一定只去睇景點，有時參與當地工藝手工班感受當地文化都不錯，仲有製成品作紀念。
不同size的T-shirt, 其他製成品可以琉染
琉染的收費
珊瑚加顔料
自由發揮
可以拓印沖繩特色~石敢當
完成了! 你地覺得如何?
珊瑚
註：導遊話洗前一定要燙一次，這樣啲色先可以keep住。
3樓亦有一些布藝展覽，有時間可以參觀一下。
首里琉染
地址：沖縄県那覇市 首里 山川町 1-54
電話：098-886-1131
營業時間：9:00 – 18:00
地圖：
第三天主要上親子班，我自己係香港都幾鐘意與小朋友一起參加親子烹飪班和手工藝班，可以睇到雜果沙律從學習中成長，同埋有時會發現佢地能做一些超越你想像嘅能力，呢啲過程都係一個美好回憶。
差不多五點，我地就去到那霸國際通shopping一小時, 國際通基本上係賣手信，由於我地一家會逗留多一天，所以會有多些時間再shopping。沖繩有乜好買？我見到一間叫「Splash」的店舖, 有好多好靚嘅沖繩琉璃小手作及紀念品，做得好精美。另外，街上有不少沖繩公仔～石敢當。當然唔少得美食啦！有海葡萄丶菠蘿丶海鹽等。
國際通
雜果沙律同其他同團小朋友玩得好投契
石敢當
Splash
好欣賞佢嘅作品
晚飯，我地去試琉球美食，食物方面都豐富，味道都OK。餐廳內更有傳統琉球舞蹈，雖然唔係好識欣賞，但能同小朋友一齊體驗人家文化特色，又幾好，雜果沙律仲想跟人唱埋跳埋。
首里天樓 ~ 琉球菜式
傳統琉球舞蹈
投入欣賞
琉球料理 首里天樓
地址：〒900-0013 沖縄県那覇市牧志1-3-60
電話：098-863-4091
營業時間：11:00-24:00
地圖：
食完晚飯已九點幾，再搭一小時車回程返去酒店！ 好充實的一天啊！返到房仲見到酒店職員送上早上自製薑餅人曲奇餅，雜果沙律急不及待食嘥。
自製薑餅人曲奇餅
第四天
最後一天參加體驗團，之前兩天都未能慢慢係酒店享受所有設施, 所以工作人員最後安排大家早上留待酒店玩。雜果沙律又爭取時間到泳池游水, 老公仲去埋室內泳池暢泳，佢話室內泳池景色好正, 有按摩浴池。
我休息下先
室內泳池在Spa入面
好靚嘅裝修
好舒適
按摩池
大概11點左右我地就離開酒店, 好唔捨得啊! 如果你地自己嚟沖繩想真正Relax, Ritz-Carlton係一個不錯的選擇, 而且酒店內亦提供不同工作坊比大家玩, 例如: Yoga, Cocktail Class, 沖繩琉璃相架班長, 手製沖繩飾物等。如果想再嘆啲, 可以做個Spa(我都想做…哈哈!)
唔捨得走啊!
午飯時間, 我地到那霸一間專食龍蝦的餐廳「三郎」, 呢餐又係好豐富, 有前菜丶壽司丶龍蝦丶天婦羅丶湯丶甜品等, 真係食到捧住個肚。最後大家嚟個大合照, 真係唔捨得咁快完, 好多謝「荷蘭美素佳兒 」及所有工作人員對我們的悉心安排和照顧, 我地一家人都有一個難忘的四日三夜親子沖繩遊!
三郎正門
龍蝦 + 天婦羅
仲有沖繩特產 ~ 菠蘿
好豐富, 有龍蝦湯丶壽司等美食
好高興認識兩位小朋友, 嚟張合照留念
三郎
地址：沖縄県那覇市若狭1-14-10
電話：098-868-8348
營業時間：午餐 11:30-15:00, 晚飯 17:00-23:00
網站：saburou.com
地圖：
***至於大家都想好似我地咁可以參加「荷蘭美素佳兒 」四日三夜親子沖繩旅行團, 你地可以睇以下詳情,碰碰運氣***
萬寧獎賞
獎賞1:Little Twin Stars
(夢幻篇或遊樂篇)旅行箱(共2000個名額)；
奬賞2: 四日三夜親子沖繩旅行團(共10個名, 即我啱啱去完果個團, 住好食好, 超正!)
(http://www.friso.com.hk/MNG_JUL16.pdf )
屈臣氏獎賞
獎賞1:Little Twin Stars (星空篇)旅行箱(共1000個名額)；
奬賞2: 首爾四日三夜親子自由行套票(共10個名)
(http://www.friso.com.hk/WTC_JUL16.pdf)
祝大家好運啊!
我地一家會繼續留於沖繩玩多一天, 有好多朋友見到雜果沙律整HI-CHEW糖, 問我係邊? 我會稍後再分享我地最後一天係沖繩做咗乜, 有乜嘢玩啦!
