抗皺、吿別年齡肌 ~ Domohorn Wrinkle 試後感 (Part 6)

已經用咗Domohorn Wrinkle產品兩個多月, 當初就係被佢廣告Slogan 「速遞到門口嘅抗皺去斑專門家…讓肌膚回覆緊緻透亮,輕鬆告別年齡肌」吸引住, 加上朋友用完推介,於是踏出第一步上網買我第一套Domohorn Wrinkle 8支產品。

Post 6 Photo 1.jpg

如有留意我呢兩個月的用後感分享, 大家都知我最喜愛Domohorn Wrinkle係採用天然漢方製造產品, 其中其首創”不知火菊” 對抗肌膚老化丶皺紋抑制好有功效, 加上其他獨家成分, 令我皮膚係呢兩個月變得更乾淨, 越來越透亮丶緊緻又有光澤, 仲要身邊朋友都讚我皮膚靚咗。你話我而家點可以唔keep住用佢, 就算去旅行, 我都要帶埋佢 。好彩首次訂購時送咗試用裝(Full Series 3-day set with pouch), 細細支, 每支包裝跟大支裝一模一樣, 好別緻。 以後去旅行唔使煩揾樽仔,太方便啦!

post-6-photo-2

post-6-photo-3

post-6-photo-4

如果想睇返我的分享, 可去我以下網誌的文章:

抗皺、吿別年齡肌 ~ Domohorn Wrinkle 試後感 (Part 1) – https://goo.gl/XFekjW

抗皺、吿別年齡肌 ~ Domohorn Wrinkle 試後感 (Part 2) – https://goo.gl/x8G5pz

抗皺、吿別年齡肌 ~ Domohorn Wrinkle 試後感 (Part 3) – https://goo.gl/V0vzhl

抗皺、吿別年齡肌 ~ Domohorn Wrinkle 試後感 (Part 4) – https://goo.gl/URtBKZ

抗皺、吿別年齡肌 ~ Domohorn Wrinkle 試後感 (Part 5) -https://goo.gl/9DHDMA

Domohorn Wrinkle

Facebook: https://www.facebook.com/DWrinkle.HK/

Official Website: http://www.domohornwrinkle.com/tc/?waad=VWlDsAFp

 


 

抗皺、吿別年齡肌 ~ Domohorn Wrinkle 試後感 (Part 4)

以前拍拖通常都係食飯丶睇戲丶行街等不見天日嘅活動,反而做咗媽媽後,成日陪小朋友到戶外玩,對皮膚都幾傷,所以我更加著重防曬這一部。已經踏入冬季,陽光好似無夏季時咁猛烈,但大家應該知紫外線對女性肌膚有幾大威脅吧!

photo-2

我一直都有搽防曬習慣,我最近兩個月換咗Domohorn Wrinkle護膚產品後,亦同時轉用佢日間呵護嘅UV Dress Cream。之前我介紹過我喜歡Domohorn Wrinkle抗皺淡斑產品皆因全部都採用天然原料製造,其中「不知火菊」更可對抗年齡肌,抑制皺紋等問題。用完「準備3點」洗臉後感覺肌膚徹底清潔,再塗上 「基本4點」產品更見到肌膚變得越來越亮澤柔潤。

photo-3

言歸正傳,今次介紹下不可決少嘅UV Dress Cream啦! 佢有SPF50+PA++++防曬功能。除咗防曬作用,內含多種植物萃取精華,當中包括野馬追及絲瓜精華,以上材料有對抗女性天敵-紫外線嘅保護力,而且令肌膚防禦力更强。我第一次用已經覺得好正,因為可以修飾膚色,唔會覺得, 加上有海鰻膠原蛋白,令皮膚更保濕,搽完有種更亮澤剔透嘅感覺,我通常搽完再掃上少少碎粉加胭脂就出街,成果人好精神,好Sharp!

photo-1

Domohorn Wrinkle

Facebook: https://www.facebook.com/DWrinkle.HK/

Official Website: https://www.domohornwrinkle.com/tc/

 

抗皺、吿別年齡肌 ~ Domohorn Wrinkle 試後感 (Part 3)

photo-1

好感慨,剛剛又大一歲了!廿年前我對肌膚護理莫不關心,最多買洗面膏加一支面霜,簡中做下Mask。三十幾歲時我開始明白「女人唔keep好易老」呢句 話,我除咗做facial外,係屋企都重視每天肌膚䕶理。雖則還有幾年才踏入四十歲,但我都四周搜尋對抗皺及去斑有效嘅護膚產品。

photo-2
一個月前,見一位媽咪朋友用完Domohorn Wrinkle 產品後皮膚改善咗,我急不及待買咗一套八支產品用。上兩星期我已介紹過「準備3點」產品,今次就講下「基本4點」啦!聰明嘅大家應該估到「4點」指有四款產品, 主要目的是修護肌膚,令肌膚更水潤透亮和增加彈性。

 

photo-3
第一步 ~ Intense Hydrator: 主要利用草莓花丶長白蔘及泉州水茄子精華提升皮膚保水力。 Intense Hydrator內的番石榴葉精華及不知火菊精華令年齡肌嘅缺水丶皺紋及色斑問題慢慢改善。質地與一般保濕液唔同,倒出嚟比平時用開的杰身少少,搽上面已好滋潤。 當肌膚水通道整頓好,下一步驟Vital White Essence更能發揮功效。

photo-4
第二步 ~ Vital White Essence: 話明White Essence, 當然係有美白用途。透過黨蔘及甘薯精華抑制黑色素、色斑及雀斑等形成。加上虎耳草精華可以減少膠原蛋白流失。用完Vital White Essence後,皮膚確實有種透亮光澤。

photo-5
第三步 ~ Cream 20: 女人嘅死敵一定係肌膚開始缺乏彈性,Cream 20就利用海鰻及松鯛等優質膠原蛋白令肌膚有彈性。它亦利用不知火菊精華減慢肌膚老化及加速蛋白增生,每次搽完都即刻feel到皮膚好柔滑, 好正。

photo-6
第四步 ~ Milky Veil Lotion: 紫外線及空氣污染絕對對肌膚造成好大傷害,Milky Veil Lotion 就如其名”Veil”,好似肌膚上包上一層保護膜。內含的繡球菇及白露筍精華幫助加強肌膚自我保護能力免受外來刺激和傷害。Milky Veil Lotion也有黃豆及長白蔘發酵等精華令肌膚更保濕滋潤。

雖然每次搽到第三第四個Step開始覺得面部有點黏,好似有好多嘢係面上,初初確實有點不慣,但當皮膚吸收所有「基本4點」的營養之後, 就見到肌膚水潤飽滿。全部產品亦可以用於眼部,又無出油脂粒的問題。差不多用咗一個月,皮膚真係水嫩光滑咗,望落去又透亮,有種「叮」一聲嘅感覺。見到咁樣嘅肌膚,你叫我點樣不愛它呀! 加上海外五週年紀念禮遇*送嘅熊本熊杯太靚太可愛,我又心郁上網買多咗一套用…哈哈!

*首次訂購「Essential 4」、「Half 8 Set」或「Total 8 」就可獲得。

Domohorn Wrinkle

Facebook: https://www.facebook.com/DWrinkle.HK/

Official Website: https://www.domohornwrinkle.com/tc/

 

 

抗皺、吿別年齡肌 ~ Domohorn Wrinkle 試後感 (Part 2)

photo-1

「抗皺丶吿別年齡肌」是否真的兌現?一星期前講過我見到有媽咪朋友用完Domohorn Wrinkle嘅產品後皮膚靚咗滑咗,我就心郁郁買咗Domohorn Wrinkle 8支產品試。產品分成三部曲,包括準備3點丶基本4點及日間護理。Domohorn Wrinkle 認為有效嘅護膚先應由肌膚清潔開始(「準備3點」),然後肌膚保養精華才能發揮加倍作用(「基本4點」),最後日間適當地將紫外線隔離(「日間護理」),肌膚問題就可以逐步改善,尤其皺紋和色斑問題。

今次先介紹「準備3點」吧!初初我都好奇點解叫「準備3點」?皆因「準備3點」有三支產品,心諗點解洗面有咁多嘢,原來目的係要將皮膚的污垢徹底清除,再進行肌膚活化。

photo-2

第 一步 ~ Oil-in-Gel Remover:首先將化妝品徹底卸去, Oil-in-Gel Remover唔似一般落妝油,唔係用礦物油(石油副產品), 而採用天然海洋薰衣草油和乳木果油將面部彩妝及老化角質清除。 一唧出嚟聞到天然花香,加上紫根和薏仁精華,用完皮膚好水潤好滑。

photo-3

第 二步 ~ Silky Cream Foam : 加水將潔顏膏搓成厚厚嘅泡沫,然後進行深層肌底污垢潔淨,Silky Cream Foam採用細緻嘅法國礦泥粉丶蠶絲粉和珊瑚粉將毛孔內污垢清除。以前用過一啲泡沬潔面產品,好多時用完會有繃緊感覺,但Silky Cream Foam完全無呢種好乾嘅感覺,反而覺得好滋潤,我諗同佢加入海鰻膠原蛋白丶秋葵及長白蔘精華有關。

photo-4

photo-5

photo-6

第三步 ~ Relieving Foam Mask: 唧出嚟係厚厚嘅泡沬,大概敷5分鐘, 有啲似注氧產品, 豐厚嘅泡沫集中式為肌膚注入營養。Relieving Foam Mask利用熱情果及向日葵新芽精華將底層肌膚嘅癈物排出,再用蕃茄精華活化底層,並且加入熱帶黃薑精華令皮膚提升吸收能力。 我最欣賞係連眼及嘴周邊都可以用,眼部和嘴部係好多人忽視嘅地方 。我以前持住青春唔多理, 當發現眼部出現細紋開始尋求好多嘅眼部用品, 但係原來我忽視咗肌膚吸收力。其實只要肌膚吸收力提升, 護膚品功效就可以發揮, 。而家每次用完Relieving Foam Mask,面部都有種明亮光澤,好fresh嘅感覺, 好鐘意見到呢種肌膚。

photo-7

photo-8

photo-9

可能好多人睇完以上嘅步驟覺得好複雜,但用咗「準備3點」幾天後,較早前因轉天氣出嘅幾廿粒油脂粒好快無咗,我諗係「準備3點」將面上老化角質徹底清除。每日洗完面見到皮膚好乾淨,連毛孔啲阻塞物都洗走不少。我初初都諗洗咁多次面會唔會好乾?我又唔覺,加上搽埋「基本4點」產品後更加令肌膚變得水潤透亮。用咗Domohorn Wrinkle 兩個星期左右,每朝洗完面係日光下見到皮膚越嚟越有亮澤外,眼部附近嘅細紋又真係淡咗不少,希望皮膚可以keep住改善。

DomohornWrinkle Facebook: https://www.facebook.com/DWrinkle.HK

DomohornWrinkle Website: https://www.domohornwrinkle.com/tc/

抗皺、吿別年齡肌 ~ Domohorn Wrinkle 試後感 (Part 1)

photo-2

幾年前無意間睇電視時見到一個令我印象深刻嘅廣告,「速遞到門口嘅抗皺去斑專門家…讓肌膚回覆緊緻透亮,輕鬆告別年齡肌」。當時剛踏入三字頭的我對「抗皺、吿別年齡肌」呢啲字眼開始敏感,令我有衝動想買嚟試。不過當時小朋友太細,忙忙碌碌一下子又忘記了。

最近,我見一位媽咪朋友皮膚靚咗,好奇問佢用咗乜?原來佢用咗@Domohorn Wrinkle, 見佢皮膚好咗細緻咗,我呢位貪靚之人的起心肝買嚟試下睇下係咪真係好似廣告所講的「回覆緊緻透亮,輕鬆告別年齡肌」。我網上買了Domohorn Wrinkle 全系列8支產品,大概3天我就收到由日本送來我第一套Domohorn Wrinkle產品,好興奮!

photo-5

日本品牌真係好細心,將所有產品放係大盒中,用Bubble包好,盒內附上圖文並茂的中文説明書,解釋每支產品功效及材料, 又教埋如何洗面及按摩手法。每支產品有獨立包裝袋,其中有三支玻璃樽更有毛巾包裹好,真係要比個「Like」!

photo-6

photo-1

Domohorn Wrinkle 個名係由拉丁文、德文及英文組合而成,意指抑制角質皺紋。Domohorn Wrinkle 旨在透過中草藥基礎提升肌膚的自我修復力,繼而預防皺紋和老人斑。主要成分有九類獨有成分,包括:長白蔘、鬱金香、番石榴葉、野馬追、海鰻膠原蛋白、滲透性膠原蛋白、茴芹虎耳草、甘薯發酵物精華及不知火菊。Domohorn Wrinkle 將8支產品分了三部曲,包括:準備3點、基本4點及日間護理。

photo-4

前幾天我開始試用,第一次接觸Domohorn Wrinkle 產品,每支產品都有少少清香,但絕不是人造香味,產品質地好柔滑。看似有好多步驟,但洗完面真係好乾淨,加埋含豐富營養,初初搽完覺得好黏,當面部完全吸收精華就覺得好滋潤保濕。我決定稍後繼續跟大家詳細分享什麼是三部曲及報告我用後的進度,好期待有好好的效果。

photo-3

註:由於我首次訂購,所以可以享有全球免費送貨。可以得到Full Series 3-day set with pouch、Trial Set for 3 days 及Rejuvenating Mask(2片)^, 而且香港地區配送運費全免!

^首次訂購「Essential 4」、「Half 8 Set」或「Total 8 」就可獲得以上的非賣品。

Domohorn Wrinkle

Facebook: https://www.facebook.com/DWrinkle.HK/

Official Website: https://www.domohornwrinkle.com/tc/