杜拜親子遊第五天

第五天早上於Atlantis, the Palm酒店繼續玩。先到酒店其中一間餐廳Saffron 食自助早餐,本身住客能於三間自助早餐餐廳用餐,而我之前食過三間覺得Saffron的食物種類最多,味道亦好味,所以今次再選食Saffron。

位於酒店西翼的Saffron

睇下有乜食先

開餐啦!

食飽後,即跑去參加Dolphin Photo For Fun(AED 390一位) 活動,活動需於Activities booking center預約。我地於水上樂園入口集合,然後有職員車我們到Dolphin Bay。職員為我地check in, 再帶領我地跟海豚見面。Dolphin Photo For Fun不需落水,只聽指示跟海豚Kiss Kiss 😘 、握手影相等,大概15分鐘左右。活動其間不可帶相機電話入內,親友可遠距離影,因Package包了一張相。 如想跟海豚多點互動,可以參加其他海豚Package,有些可在水中與海豚🐬跳舞影相等。 上次沙律玩過一次,所以今次輪到妹妹參加啦!妹妹有點緊張,唔咁kiss Dolphin,最後只跟海豚握手仔。與海豚見面後可到Photo Center揀相。

Dolphin Bay

老公遠距離影
等待跟海豚接觸
職員為我地影的相,妹妹跟海豚握手
本是妹妹kids kiss海豚,但佢驚驚
海豚Mega錫我面珠

海豚大接觸後,離check out 仲一小時,於是跑到酒店對面影全景。

Atlantic, The Palm 外貌
係有啲熱,快影就走啦!
望住個海,其實好舒服

拜拜啦!

Check out完,我地再去另一間位於棕呂島的酒店「FIVE Palm Jumeirah Dubai」,這酒店是新開的,裝修較時尚。由於check in時還未有房間,酒店職員帶我地去到High Five Kids Club玩,這裡不同時間有不同玩意,職員會照顧小朋友,而職員亦為我安排房間畀我跟老公休息室休息。早上仲有Kids Yoga班,沙律話之後揾日嚟玩(但原來2-4歲才可參加)。另外,酒店另設小朋友泳池。

High Five Kids Club 活動
Kids Club內也有玩具畀小朋友玩

酒店大堂仲有小食(如糖果、棗等)及飲品畀住客食

等咗一段時間,終於有房啦!我地今次book咗Junior Suite, 是一間套房,有小廳及一間房。由於book酒店時見到有優惠,三晚為HK$4,000。價錢算抵,酒店服務一流(由Jumeirah 主理,難怪咁好)。房間好大,仲有長長的露台,雜果沙律好興奮!

房間廳間

房間
廁所

露台

到黃昏時候,我地出動到Kite Beach 的Salt食burger 當tea time(我暗地想話又食burger)。這裡是由一檔車仔檔變成規模較大的burger 店。味道比Shake Shack好味,唔會太油。仲有試咗出名的Lotus shake, 有啲似加入維化餅的味道,效果唔錯。

Burger 店 「Salt」

餐牌
右邊就是Lotus Shake,幾好飲
Mini burger

Salt

Address: SALT – Kite Beach, 2C St Dubai

之後,我地走到沙灘近帆船酒店影相及享受波斯灣美景。雜果沙律最開心係拾到好多不同款式的貝殻。

沙灘仲有個Beach Library
可以借書睇
帆船酒店
兩個興奮地執貝殻
執咗好多特別,仲唔捨得走

晚上時份,去咗位於Jumeirah Al Qasr 酒店的泰國餐廳PaiThai食晚飯。呢間餐廳我已第三次嚟,之前食過覺得幾好,所以今次再食。餐廳就在前幾天去的Souk Madinat Jumeirah附近,只要坐船就到餐廳。餐廳更提供小朋友餐,真好!大家記住一定要通過酒店訂位。

坐船啦

沿途可欣賞酒店美麗景色

到達餐廳
啱啱日落,好靚!

餐廳

小朋友餐牌

餐牌

兒童餐的Pai Thai
青咖哩雞,味道入味

Pai Thai

Address: Jumeirah Al Qasr, Madinat Jumeirah , King Salman bin, Abdulaziz Al Saud Street, Umm Suqeim 3 – United Arab Emirates

食完晚飯再坐船去Souk,返到Souk有個位可以遠望帆船酒店,晚上睇又有另一景色。

帆船酒店夜景

杜拜親子遊第四天

話咁快第四天,早上又去試試中東早餐。老公揾到一間中東餐廳 「AL-FANAR」,裝修充滿中東風味。

餐廳門口已好有特色

裝修充舊中東氣息

相比第一天食的中東早餐,呢度味道反而冇咁啱胃口,可能那間加入西方完素,較合我地口味。

AL-FANAR

Address: Ground Floor, Dubai Festival City Mall

餐牌

不同薄餅

阿拉伯茶

呢款有點茶香味

問口真係好特別

舊式中東零食

食過早餐,我地返酒店Check out, 準備去雜果沙律期待已久的Atlantis, The Palm酒店。酒店位於棕呂島,有46公噸大,入面有Aquarium、水上樂園丶餐廳及不同設施。這裡真係玩幾日都未夠。雖然已是第三次住,但仍然覺得好好玩!

酒店大堂中間擺設已好有夏日氣息

跟海洋有關的設計

我地今次都係住Ocean Deluxe Room, 房間好大,有露台,而且富有中東色彩。

我地放低行李,換好泳衣即跑去水上樂園喪玩。樂園有不同水上遊戲,呢幾日咁熱,可以跳落水玩水,雜果沙律當然開心到暈。

酒店住客已包水上樂園入場卷

遊樂場地圖

雜果沙律好鐘意玩,但有啲佢地高不能玩。

好玩的水上遊樂設施

兩個唔捨得走

呢個必玩,最長河道可玩45分鐘。中間有浪推前大家。

全遊樂場最刺激的滑梯,好直好長,我都唔夠膽玩!

沖好涼,仲有時間。於是酒店內周圍影相留念。

酒店內有大大的魚缸

酒店內也有Kids Club畀小朋友參加

亦可參與水上活動,如跟海豚拍照留念、潛水及親親海獅。

住客亦包括The Lost Chambers Aquarium 入場。館內有好多不同種類海洋生物,有啲真係未見過。雜果沙律都話好新奇!

The Lost Chambers Aquarium 正門

有多個大大小小的魚缸

仲可以瞓係度睇海洋生物

晚上,我地去酒店內的Bread Street食晚飯,終於唔使食burger同薯條。由於5:00左右食咗麵,所以晚餐食少少就夠了。味道幾好,但最好預約,因有好多人預早訂位。

Bread street

食飽飽,明天就有力氣繼續玩啦!

杜拜親子遊第三天

第三天,我地決定上哈里發塔(122樓)食早餐。由於妹妹上次仲未出世,未上過塔,但我地無理由再上一次參觀。老公上網搜尋時發現Armani 酒店有間餐廳位塔頂,而酒店唯獨早餐接受小朋友,但每人有最低消費(大人-AED200, 小朋友-AED100,五歲以下不用),最後waiter 話當天沒有最低消費。我地覺得上哈里發塔觀景臺(124層)大人要AED135,小童AED100, 咁可以一邊食早餐一邊望住塔下景色,好似更加好。

餐廳必於Armani酒店進入,踏入升降機好快便上到123層,行落一層便是餐廳 Atmosphere。

餐廳唔算多枱,但可以坐在窗口位,雜果沙律亦非常興奮!

我地點了以下食物及飲品:

我點的Soba味道有少少辣,但好惹味,而且仲有兩件牛肉及炸豆腐。雜果沙律就放肆地叫朱古力waffle, 上菜時每碟有兩件,之後waiter再送多三件給我地,每件waffle上面有朱古力及cream, waffle好脆口,好味!雜果沙律食得好飽!

老公透過電郵訂枱時,職員問有冇特別日子慶祝,佢話幫個細女慶祝生日,於是餐廳竟免費送一個甜品畀佢,妹妹應該好難忘!

Atmosphere

Official Website: http://www.atmosphereburjkhalifa.com/contact-us.aspx

食完靚早餐,本想到杜拜動物園,點知舊的已關閉,新的也要到10月才開始。於是我提議到杜拜第二大shopping mall “Mall of Emirates“,這裡有個室內滑雪場Ski Dubai,家姐話好想試,但妹妹有點驚只肯行街。因此家姐跟爸爸入Ski Dubai玩,我同妹妹shopping。

Ski Dubai 有不同pass畀大家選擇,而沙律同老公揀咗Snow Classic, Package已包保暖衫褲丶鞋襪丶手套及頭盔。而Snow Classic沒有包locker, 每個需要AED35。

沙律話最好玩係Mountain Thriller, 而且入面有好多玩意,佢話好想再玩。玩完已經3:00多,所以去Food Court食個午餐就算。

我地去另一個中東色彩市集Souk Madinat Jumeirah 這市集鄰近幾間高級酒店,如:Madinat Jumeirah。

這個市集行得比較舒服,亦可行到運河位置影相。

我自己好喜歡中東裝飾,尤其中東民族鞋,最後我地三母女每人一對中東鞋,一對AED67。

之後我地又到另一新Shopping地區~「City Walk」。呢度有好多幢幾層高building, 每幢有不同店舖。其中我發現一間叫「Level Kids」,全幢賣小朋友衫、玩具等,我真係想叫杜拜呢個地方太浮誇吧!遇上減價,買咗兩條裙仔。

City Walk亦有好多餐廳,好靚!

我地亦在其中一間餐廳Serendipity 食晚飯,佢哋又揀Mac & Cheese食,下一餐一定要試其他菜式。

杜拜親子遊第二天

去旅行,我喜歡了解當地歷史及文化。杜拜畀大家感覺只有豪華的一面,其實佢地都有當地風土民情。

今次親子遊第二天,我地先到Dubai Museum,這裡介紹了杜拜由一個細小的城區如何發展成當今的國際城市。跟其他地方的歷史博物館差不多,以不同蠟像及道具顯示舊杜拜的生活文化,始終當地文化跟西方及亞洲文化截然不同,對於佢地少有接觸,故雜果沙律都表現特別有興趣。

Dubai Museum 正門

用來抵禦外敵

大炮

圍牆

以前杜拜人的家

介紹說佢地嘅屋冬天會暖,夏天會涼的

製造防禦武器

以前杜拜是好細小

Dubai Creek

館內有不同展品展示以前杜拜的生活

以前舊有店舖

參觀完Dubai Museum, 我地走到布市場,沿路好多人會叫大家入去買嘢,雜果沙律有點驚,其實不需擔心,佢哋唔會捉住大家的,好安全。

布巿場

大概行7分鐘到碼頭乘坐地道的船(每人AED1) 去對岸的黃金市場及香料市場。

地道船隻,好多本地人坐去對岸

可欣賞兩岸景色

市場周邊都係賣黃金首飾的店舖及充滿濃列香草味道,算是感受當地另一面的地方。

黃金市場

之後,老公話要去新區Design Quater 食日本拉麵。搞乜去中東食拉麵🍜?皆因之前容祖兒及阿Sa介紹過這間拉麵舖,聽說是全中東最好吃的拉麵。我地叫咗三款拉麵、雞肉餃子及蝦天婦羅🍤。

Design Quater
日本正宗拉麵

日本正宗拉麵

餐牌

雞肉餃子

拉麵都可以

天婦羅,我覺得一般

沙律已忍不住想食

呢度拉麵塊叉燒用雞肉代替,你問我,味道當然不及日本的好吃,但係中東地方,算是做得唔錯,我亦見到日本人幫襯。

YUI

Address:RO03, G/F, Building 7, Design Quater

餐廳隔離係一間賣精品小店,有好多得意嘢睇。

Design Quater亦有點似科學園,一幢幢building

Design Quater亦有其他特別設計嘅擺設
呢間花店勁靚,不過好貴
原來全部係preserve flower

太貴,影相算吧!

食完飯後,我地再戰Dubai Mall, 因這裡有好多吸引人的舖頭,我地亦有少少收獲。

Dubai Mall 都有中東傳統市集,有冷氣會舒服啲
中東衣飾

中東feel的裝飾

Dubai Mall另一吸引住雜果沙律就係呢間糖果店

大大粒珍寶珠,好難抗拒

行咗一個多小時,我地去2018年年初開的新地標~Dubai Frame。我地預先網上預訂(http://www.dubaiframe.ae/en)Dubai Frame的入場卷,價錢為AED$50大人,AED$20小朋友一位,每半小時有200個quota。

Dubai Frame正門
真係好宏偉

預訂咗一定要準時到達。首先有展覽介紹如何起Dubai Frame及杜拜一些歷史,之後乘搭升降機上最高處。

解釋如何興建Dubai Frame

在最高處可以透過透明玻璃望穿地下,估不到雜果一點也不怕,仲不停行來行去,我自己及沙律也有點腳軟,最後克服心理障礙,終於企係玻璃上影咗啲相。在Dubai Frame上也可清楚看見杜拜城市的繁榮。雜果沙律更加話這站是Highlights of the Day!

雜果果然大膽

四人踏在玻璃上
150米高空

雜果拉住我同沙律行玻璃,好驚啊!
兩旁也可欣賞杜拜
我終於冇咁驚

有電腦介紹杜拜,可以向不同方向移動
影相打卡

晚上本想到一間餐廳食中東美食「Ninive」,點知老公冇查清楚,原來18歲以下兒童不能進入。最後,又返去Dubai Mall食Joe’s Crab Shack。這𥚃可望住Dubai Aquarium食嘢,又有兒童餐,啱晒雜果沙律口味。

Joe’s Crab Shack

對出就是Dubai Aquarium

好多蟹食

妹妹叫最愛芝士粉
家姐食pizza
Lobster Roll
Lobster burger

Joe’s Crab Shack

Address: 1/F, Dubai Mall (近Dubai Aquarium)

杜拜親子遊(第一天)

杜拜,十幾年前對這地方一點也不熟悉,只懂帆船酒店。因一次到埃及旅行由杜拜過境後,這地方令我另眼相看。杜拜四周都係創意無限嘅大廈,所以幾年後再重臨這地認真認識杜拜,幾次的印象都令我感覺良好,而且真的是一個充滿活力丶新奇好玩嘅地方。今年決定選擇杜拜作暑假之旅地點,皆因這裡有好多好多適合小朋友玩嘅地方。今次我地揀咗幾個地點畀雜果沙律放放電。

凌晨兩點機

可以上機瞓啦!

我地今次大概5月左右用分換機票,最後決定逗留八天。

杜拜6:00多到達目的地

由於有多天時間,所以可試住不同類型酒店。頭三天我地住budget hotel ~ ibis One Central, 鄰近市中心,房間企理乾淨,價錢只要HK$210一晚(未計稅),房間亦算闊敞,而且酒店亦提供免費Shuttle bus去Dubai Mall等地方,非常好👍🏻!

ibis One Central Hotel
酒店Shuttle bus時間表

一早到酒店check in, 遇啱有房,所以可以於房間休息至早上10:00, 再坐Shuttle 到Dubai Mall食個早餐。之前見網上推介一間食中東美食餐廳Logma, 於是決定一試。

全球最大Shopping Mall~Dubai Mall
中東特色餐廳~Logma

好多中東特色食品

樣樣都想試

我地早餐係咪好豐富呢?

每款都好好味!
唔知係咪新鮮感,雜果沙律食到津津有味!

Logma

Address: Level 3, New Fashion Avenue, The Dubai Mall, Downtown Dubai, Dubai

Phone: +971 800 564

食飽飽,我地於全球最大Shopping Mall ~ Dubai Mall行街!呢度真係行幾日都行唔完,而且舖頭多到…有好多品牌甚至香港未見過。好似佢地有個專區賣香水及鞋,真係眼花撩亂!

專賣鞋的地區
我呢個鞋痴真係想尖叫!
男裝鞋都有
好多品牌都有陳列,愛鞋之人一定喜歡!
香水專屬區,四圍有靚景打卡

佢哋對香水選購好講究,有舒服地方慢慢揀。
商場內亦有多間靚靚cafe, 真係去唔晒。

行完一輪,我地走到新開以VR為題的遊戲世界。呢度有多個好玩VR遊戲,雜果沙律初初有點驚,但之後就玩得樂而忘返。

VR遊戲世界正門已經好特別

入場費分小朋友及大人,小朋友AED100(大概HK$200多),大人AED150。

小朋友入場卷可玩以上遊戲
大人入場卷可玩以上遊戲
一入場已被這氹氹轉VR吸引,好colorful
雜果沙律好鐘意,夠可愛及顏色鮮豔,啱小朋友
Robocom~主要用飛船打敵人
雜果都玩得
我係度做乜?咁樣嘅?
Walking dead ~ 坐在輪椅上打喪屍,好驚人!
這個企係高樓大廈打敵人

Mission 828 ~ 於高塔上跳笨豬跳,都幾得意
Dune Bash ~ 以沙漠為題
乘坐熱氣球遊覧地方
坐巴士遊覧地方
以打劫為遊戲主題
模擬打壞人或Mummy
老公玩得好投入

VR Park

Address: Level 2, Dubai Mall

Website: https://www.vrparkdubai.com/

這個遊戲世界有啲更要坐上機動遊戲,如過山車,再配戴VR, 玩得真實刺激。我地足足逗留了兩小時,好滿足,唔錯的室內遊樂場。

玩完繼續於Dubai Mall逛逛,由於妹妹第一次嚟杜拜,所以帶佢於Dubai Mall其中一個景點~水族館,因我地以前入過,不是太特別,故只在水族館外拍照留念。

入場費
商場內也有位置影相

接著,我地帶妹妹走出Dubai Mall睇Dubai Fountain 及最高建築物哈里發塔(Burj khalīfah)。遇上黃昏,配上日落,好靚呀!雖然已第三次影呢座建築物,但仍覺其宏偉壯觀。

然後,我地走到2016年新開的Dubai Opera,這𥚃暫只有一個歌劇院,只要從Dubai Fountain行10-15分鐘便到。

打卡位
呢邊影返哈里發塔,又有另一風味
Dubai Opera外貌

不知不覺又到晚飯時間,中午時見到一間花花cafe~L’ETO, 決定晚餐嚟試一試。

環境優雅
職員見我地講中文,畀張中文餐牌

水牛芝士配蕃茄,蕃茄好鮮甜

蕃茄羅勒意大利粉
牛肉千層麵,有點鹹
餐廳最吸引人係佢嘅七彩繽紛蛋糕甜點

我地今晚甜品,完美的句號!

L’ETO

Address: Level 2, New Fashion Avenue, The Dubai Mall, Downtown Dubai, Dubai

Phone: +971-4-345-2211

《「世界自然基金會」兒童夏日學堂》

上星期六天公造美!☀讓雜果沙律能夠盡情享受「世界自然基金會 WWF」兒童夏日學堂之「自然探索家」活動。

當日行程豐富,WWF姐姐先向小朋友介紹低碳生活概念,如何從生活減慢全球暖化🌏。唔係齋講,有行動㗎!小朋友憑學了的LOVERS低碳生活概念走到街市購買合適食材製作低碳午餐🍽。

WWF姐姐向小朋友介紹低碳飲食原則 「LOVERS」

L ~ Local 即購買本地食材🍎

O ~ Organic 即購買有機食品🌽

V ~ Vegetables 即多菜少肉🥒🥕

E ~ Energy Saving 即節省能源💡

R ~ 3R(Reduce, Reuse and Recycle) 即減少使用丶重覆使用及循環再造🔄

S ~ Seasonal 即選擇時令蔬果🍉🍆

小朋友嘅任務係整「雜果沙律」和「蔬菜卷餅」

準備走入街市

雜果沙律好認真四周圍揾合適嘅材料

見到材料再應用LOVERS原則選購

小朋友仲記住一定要用環保袋

第一個任務完成,好開心期待!😁

之後走到「元洲仔自然環境保育研究中心」了解本地不同類型動植物及生態,小朋友可以細心觀察動植物外表及行為,例如:螞蟻🐜合力搬東西丶淍葉🍂如何發揮其天然作用⋯⋯眼見參與小朋友都充滿好奇心,這種學習真的比書本領悟更有效率。

元洲仔自然環境保護研究中心🐼

原來這裡是以前官員的官邸, 現改成WWF自然環境保護研究中心

向海邊行,原來景色好優美👍🏻👍🏻

姐姐向小朋友講解這裡的生態環境⛰

地上原來有多種生物㗎!你又見到多少?當中亦有玻璃樽及癈物,姐姐再引導小朋友反思。

姐姐拾起螺仔畀小朋友觀察

研究中心亦有一個充滿不同植物的花園🍀🌿

姐姐今次帶小朋友看看剛剛成長的紫色青豆

仲叫小朋友親手摘下青豆,沙律好興奮喔!😁

研究不同植物及其作用

發掘完生物,小朋友又開始動手製作低碳午餐。當天佢地製造了「雜果沙律」及「蔬菜卷」,平時對蔬果類不大雀躍的雜果沙律都大讚低碳午餐好吃😋,返到屋企都話要再整。

小朋友開始準備低碳午餐

大家分工合作

洗洗提子🍇

切切水果🍐

最後完成了一個簡單又美味嘅低碳午餐🥗

食得幾滿足😋

好優美嘅地方,大家要好好愛惜!

最後,有紀念獎狀作留念!✌🏻

我一直不知道WWF有兒童夏日學堂,今次雜果沙律參與後,我覺得好有意義。因平時我地容易忽略了周邊的生物,我希望透過這類活動令雜果沙律學會尊重其他生物生存的權利。

仲有當日花絮片段睇啊!👀

✨✨今年暑假WWF亦推出了三項兒童夏日學堂,包括:「自然歷險隊」、「自然探索家」及「海洋探索家」。詳情可👉🏻click入呢條link (https://www.wwf.org.hk/whatwedo/community_engagement_and_education/summer_school_2018/)。 如果你地報名時可以潮媽支持者於2018年5月28日前登記享有88折優惠,✨✨Promo code: YUMMY-FANS。✨✨

P.S. 特別嗚謝當天照顧雜果沙律嘅姐姐哥哥,令佢地有一個充實快樂的一天!

日本名古屋親子遊 ~ LEGOLAND

今次去名古屋其中一個焦點景點就係日本LEGOLAND。幾年前帶過雜果沙律去馬來西亞的LEGOLAND,妹妹當時一歲半好多嘢都唔多啱佢玩。今次兩姊妹成長了,好多機動遊戲都可以一起玩,實在令人期待!

我地出發到日本前已於日本LEGOLAND 官方網站(https://www.legoland.jp/en/tickets/buy-tickets/)預購了入場門票🎫。程序如下:

Screen Shot 2018-03-07 at 8.09.15 PM.png

到官網購票

Screen Shot 2018-03-07 at 8.10.05 PM.png

選擇日期及票的種類

Screen Shot 2018-03-07 at 8.10.18 PM.png

選擇人數

Screen Shot 2018-03-07 at 8.10.33 PM.png

價錢

Screen Shot 2018-03-07 at 8.17.59 PM.png

可選擇取票方法, 我地選擇”Mobile Ticket or Print at Home”, 這樣可以直接入場, 較方便。

Screen Shot 2018-03-07 at 8.10.57 PM.png

付款方式

Screen Shot 2018-03-07 at 8.11.08 PM.png

填上資料

我地安排咗第二天到LEGOLAND玩,好彩第二天天氣晴朗☀(因前一晚落好大雨啊!),真係天公做美!我地由名古屋站(今次入住位於名古屋站附近的酒店,遲啲分享是此住宿的經驗給大家吧!)乘搭Aonami Line綫到金城ふ頭(Kinjofuto), 共10站,大概24分鐘到達 (即往鉄道館一樣: 想知關於JR鐵道館可以到我另一分享https://ymsecrets.net/2016/06/09/日本名古屋昇龍道親子自駕遊-第六天及第七天/ )。

Screen Shot 2018-03-07 at 9.18.26 PM.png

大家可以參考一下(資料來源: https://www.legoland.jp/en/plan-your-visit/location/by-train/)

CIMG0709

車內已貼上多張LEGO有關嘅相

CIMG0707

CIMG0711

CIMG0712

到達金城ふ頭站下車,沿途有指示牌去LEGOLAND。大家行去LEGOLAND時會見到一個露天商店街Maker’s Pier,有很多舖頭,我地決定去完LEGOLAND再到此逛逛。

CIMG0713

CIMG0715

終於見到LEGOLAND的入口,憑著網上預訂的門票就可以入場了(不用再換飛)。因為我地是LEGOLAND於日本新開幕去,以為會好似迪士尼及環球影城咁多人,點知入場的人不算太多,場內不多人,所以好多遊戲不用排半小時多就可以玩到。

Screen Shot 2018-03-07 at 8.22.36 PM.png

園內主要分咗七個區域 (資料來源: https://endpoint914628.azureedge.net/globalassets/pdfs/uvid-498958/parkmap_en_170501.pdf)

CIMG0720

我地先影張大合照

CIMG0724

Adventure

CIMG0727

然後走去Adventure區玩Submarine Adventure,遊戲就是似坐在潛水艇中欣賞海底LEGO神話世界,當中亦有真魚游來游去。雜果沙律好喜歡呢個遊戲,我地臨走仲玩多一次添!

CIMG0729

潛水艇準備出發

CIMG0728

海底世界

CIMG0934

有真魚, 又有LEGO

CIMG0731

CIMG0939

海底城堡

CIMG0741

CIMG0743

紀念品

CIMG0744

S.Q.U.I.D. Surfers – 好好玩! 但要預濕身的遊戲

CIMG0745

Adventure區仲有用LEGO砌成嘅駱駝

CIMG0746

埃及

CIMG0749

同條蛇錫錫

LEGO CITY

CIMG0751

之後走到LEGO CITY區,呢區好似迷你社區,有City Airport, Palace Cinema, Police Building Experience等, 仲有女孩子喜歡的LEGO Friends。我地覺得Rescue Academy係必玩,上次於馬來西亞跟沙律玩到開懷大笑,所以今次一定要帶妹妹玩埋一份。

CIMG0753

LEGO Friends

CIMG0760

Rescue Academy

CIMG0761

首先上到消防車,然後要合力將消防車開出,跟著要灑水撲滅火,整個過程超級好玩!由於掛住救火,所以沒有影到過程畀大家睇添!

CIMG0762

Knight’s Kingdom

之後雜果沙律又跑到Knight’s Kingdom, 呢度有The Dragon, Merlin’s Flying Machines, Merlin’s Challenge等。

CIMG0766

CIMG0767

我地就玩咗The Dragon, 這是一個過山車🎢,但一點也唔驚,啱小朋友玩!(身高限制:至少有105cm)

CIMG0768

紀念品

CIMG0769

CIMG0771

Merlin’s Flying Machines 

Pirate Shores

CIMG0841

我地再走入Pirate Shores區,這區有個幾得意遊戲,就是Splash Battle,不過大家要預備會濕身㗎!因為出面好多圍觀者可以向我地射水搶,同樣地我地也可以射返佢地啦!另外, Anchors Away都正! 海盜船會旋轉兼上上落落。

CIMG0773

CIMG0775

海盜出沒! 

CIMG0776

Castaway Camp – 係一個靚版公園遊樂設施

CIMG0846

CIMG0843

MINILAND

CIMG0778

去完Pirate Shores區,我地走到MINILAND,呢度有由LEGO砌成好多日本東京丶大阪及名古屋嘅名勝和景點,真係好仔細,好吸睛!LEGO迷一定不會錯過!

CIMG0786

CIMG0791

CIMG0792

CIMG0787

CIMG0793

接住又返去LEGO CITY玩揸車

CIMG0805

雜果年紀少跟家姐玩的有所不同。家姐玩Driving School, 妹妹玩Jr. Driving School。家姐玩的要上一個幾分鐘駕駛訓練班,然後於小型道路上自駕遊,道路上有紅綠燈🚥。

CIMG0809
沙律揸得唔錯喎!

CIMG0814

CIMG0816

完成後大家可以幫小朋友整張駕駛執照作紀念。

CIMG0820

有人有車牌了…哈哈! 

CIMG0823

午餐時間到,我地去駕駛訓練班附近的餐廳Brick House Burgers食午餐,初初以為有LEGO形狀的薯條🍟,點知呢間餐廳是沒有,好失望😞!

CIMG0829

CIMG0831

餐廳內都見到好多LEGO

CIMG0836

LEGO City內仲見到LEGO 警察

Bricktopia

CIMG0849

如果較細的小朋友可以到Bricktopia, 呢度有Duplo Valley、Brick Party丶Imagination Celebration等。

CIMG0850

CIMG0851

DUPLO Valley 好似平時玩的Duplo放大版, 入面有DUPLO Express同DUPLO Play, 較小的小朋友啱曬

CIMG0882

CIMG0884

Abominable Slushes -一間售賣不同味道思樂冰的店舖,雜果沙律見到即刻心心眼😍。

CIMG0873

CIMG0871

CIMG0875

於是我地買咗兩支,雜果沙律自己挑選喜歡的味道。

CIMG0880

CIMG0861

又遇上LEGO 公仔

CIMG0866

CIMG0886

CIMG0892

好Colorful 嘅LEGO, 望見都開心

Factory

CIMG0852

之後,我地又走到值得一去嘅LEGO Factory,印象中馬來西亞沒有這個。Factory會展示LEGO是如何由原材料製成一塊LEGO,仲有一塊LEGO方塊作留念

CIMG0853

LEGO Story 開始

cimg0897.jpg

好細小嘅粒粒

CIMG0899

雜果沙律聚精會神咁整LEGO

CIMG0900

CIMG0901

CIMG0905

出到Factory更見到七彩顏色的LEGO (Pick a Brick),好靚呀!

CIMG0903

CIMG0911

老公出發時係屋企拎咗啲LEGO Minifigures 諗住跟職員交換特色款色。最後,老公叫雜果沙律去換咗個心水LEGO Minifigures。

CIMG0913

LEGOLAND FACTORY 的紀念LEGO

又睇紀念品, 舖內見到部分LEGO造型的紀念品,例如:製冰盒丶製作雪條模等。反而文具及其他紀念品就一般,沒有像迪士尼或環球影城的咁吸引。

CIMG0915

CIMG0916

製冰/啫喱盒

CIMG0919

好搞笑的頭盔

CIMG0917

製作雪條模

CIMG0918

CIMG0921

女孩子喜歡嘅毛公仔! 

CIMG0922

店內又有LEOG公仔

由於唔需要花太多時間排隊,所以我地大概4點左右已玩完想玩的,於是決定離開到附近的Maker’s Pier的「妖怪手錶」店舖睇睇。

CIMG0944

I love LEGOLAND! 兩姊妹玩得好滿足的一天! 

CIMG0953

再見LEGOLAND JAPAN! 

「妖怪手錶」店舖內有不同的妖怪手錶產品及少許影相位

CIMG0961

CIMG0964

CIMG0965

CIMG0968

CIMG0972

CIMG0975

Maker’s Pier也有其他舖頭, 餐廳都有㗎! 大家可以去Maker’s Pier官方網站睇下有乜嘢買。http://www.makerspier.com

CIMG0976

我地仲見到一條小朋喜愛的滑梯,雜果沙律也玩了一陣才肯走!

 

 

LEGOLAND JAPAN

地址: 455-8605 Aichi-ken, Nagoya-shi, Minato-ku, Kinjōfutō, 2 Chome−2−1

開放時間: 請到官方網站查詢(https://www.legoland.jp/en/plan-your-visit/operation-page/)

地圖:

Screen Shot 2018-03-07 at 9.20.12 PM