物質vs親子時間

11831741_1654869908064818_4410803814641348703_n

以下係最近與兩女兒閒談中的對話。

我問兩個囡囡:「不如媽媽返工,好不好?」

兩個囡囡異口同聲答:「唔要!一定唔可以。」

我又說:「媽媽返工可以有多點錢買好多好靚嘅玩具和衫。」

大女猶豫了一陣説:「咁你可以返工,不過你只可返十天同埋每日返幾個鐘,之後就要陪我。」

細女就話:「唔可以,我唔鐘意。」

我又問:「點解唔比我返工?」

佢哋回答:「因為想你陪。」

記得大女兩歲前我每天上班,回家時見到女兒悶悶的自己玩,當見到我地回家時即刻雀躍起來,有時都會覺得陪佢的時間少,平日每日只有兩三小時陪佢(連食晚飯)。可能自己陪佢時間少,變相有少許寵佢。自己返工見唔到佢,食午餐時會去睇小朋友嘅玩具或衫,以前真係好捨得買,就算有點貴也不太計較。現在回想大女當時不夠兩歲,其實佢不是需要呢d物質,佢需要嘅係我地嘅時間。

我都明白大女經歷過我地返咗工後得佢自己同工人姐姐係屋企嘅心情,當時又未有妹妹陪,所以覺得好苦悶。現在有時兩個囡囡也會投訴爸爸成日没有時間陪佢,或許係呢個香港社會有時想平衡各方太不容易。 其實作為家長唔應該因歉疚心而不斷利用物質填補小朋友嘅心靈,這樣可能令我們下一代會更加不懂珍惜,尤其小朋友細的時候需要的是我們的陪伴。 我曾見過有父母好捨得,可以一次買好多玩具文具比小朋友,從他們口中也聽出小朋友如何不珍惜擁有的東西,但是他們依然繼續給予物質。

現在我亦時常提自己要忍手呀,唔好買咁多嘢比佢地,玩具大部分係親戚朋友送(簡中買一兩件),較靚嘅衫就係生日及節慶才買一兩件,反而我現在覺得教育及心靈培育才係對小朋友最重要。

註:相片攝於2014年,簡單在大片草地跟我們跑,兩個妹妹已經好開心,小朋友的需求其實好簡單。

做全職媽媽是得還是失?

11825545_1656794097872399_3506711497736901214_n

最近與幾位舊同事相聚,其中一位係媽咪,佢有兩個小朋友,分別七歲及四歲。由於某一件事情令佢有辭職的想法,當然有一些方法可以解決這事情。不過佢又覺得自己工作與家庭方面都未能兼顧得很好,工作上亦未能給予很大的成功感,家庭方面平日陪伴小朋友時間太少,每天放工回家已8點,小朋友亦在做功課或玩,而兩公婆才開始食晚飯,食飽後又要趕快安頓小朋友睡覺,根本沒有太多時間溝通,甚至不能即時教導小朋友功課上難題。 佢的心情十五十六,一來擔心將來小朋友大點再揾工有點困難,二來她的付出係咪值得。其他同事都覺得佢應該辭職,這樣對小朋友成長有好處多於壞處。

佢也問我究竟當全職媽媽係得還是失?呢刻我依然會答得多過失,我相信我不會後悔。工作的而且確可以給予我金錢及少許滿足感,我以前工作遇到嘅人和事都算ok, 而且都算一帆風順。我與朋友有同一感覺,要兼顧工作及家庭係唔容易,好多時會感覺自己兩頭唔到岸,工作未必能100%投入,家庭小朋友方面又未能照顧及教導周到,呢種感覺都幾挣扎和有自責感(無論對公司及小朋友)。

當上全職媽媽,係有好多令你憤怒的時刻,不過每天陪住小朋友經歷嘅點點滴滴其實係甜在心頭,呢種感覺我從來未試過係工作上遇到,亦非筆墨可以形容,要親身經歷才能體會。有時我反覺時間過得太快,尤其對大女我也後悔錯失陪伴佢頭兩年的時光,好多嘢過咗去已不能追回來。我好慶幸我仍有第二次機會及老公的支持,現在可以每天陪伴佢地,無所不談,有時佢地未講我已知道佢要乜想做乜,這點小小的事足以見証我付出是值得。

正如我以前所講,全職媽媽也要建立自己嘅朋友圈子、興趣和不要比自己out,就算將來小朋友長大後不再需要呢位全職媽媽也不會有太大失落感。我和其他同事建議朋友就算做咗全職媽媽都要增值自己,尤其我呢位朋友讀書叻,可以係呢段時間再進修一下,雖然未必能將學到的即時應用,但可能有一天可以大派用場呢!

我朋友最終會如何選擇我未知,不竟這也是每人的選擇,每人對各方面的需要和感覺也不同。在我心中,我唔會因為自己係全職媽咪而覺得自己係一個無價值的人和看低自己,反而覺得我的生命活得有更意思和精彩。

Taken by King’s production

一定要生仔?

J-0035

昨日睇咗一篇報導話一位老公欲追生仔而其老婆以經濟原因而拒絕後,老公就對老婆動粗及最後引致警察到場解決問題。睇完呢篇報導後我真的唔明呢個年代仲有咁多人仲咁唔開明?

我有兩個女,好多時成日就會被人追問會否生仔?難道沒有生仔就係千古罪人?會遺憾終生?我覺得呢個年代嘅女性唔應該將呢樣嘢變成一個𣕧鎖,我同老公未生前已商討無論男女都只會生兩個,之前我亦講過懷孕到生都唔係最辛苦,而係教養小朋友才是一門學問,如果自己生咁多又唔可以教育好佢,為何只為傳宗接代而生育?

曾經有朋友問我會否去其他國家接受人工受孕並選擇性別,我話我唔會。首先我還有生育能力,無須因為性別而揀人工受孕。第二,如果老公因為我無生仔為藉口而揾小三,我覺得呢個人亦無需留戀。其實眼見好多就算老婆有仔,個老公都會有小三,所以唔係生咗個仔=老公唔揾小三。如果老公堅持生仔,咁樣我覺得佢只當老婆係生仔機器。第三,我覺得男或女都係上天賜比自己嘅禮物,有時強求也未必係一件好事。其實無論男女都係自己骨肉,點解因為迂腐思想影響夫妻關係?

我嘅爺爺係好傳統一定要生仔嘅人,佢有十幾個孩子(男女各一半),佢最希望有人幫佢開枝散葉。雖然有好多仔,但最終得我爸爸幫佢散葉,而我弟弟會否為佢開枝散葉佢都已睇不到了。根本傳宗接代並非可操縱於你手,唔係話生咗仔就成個家族可以順利延續下去,如果個仔或孫唔生,傳宗接代亦不會繼續,所以不需將責任歸咎於自己,有時做人唔好太執著,尤其呢個世代大家唔好再因呢d咁迂腐思想影響自己!

Taken by King’s production

與友人之對話~中女還有魅力嗎?

 

Screen Shot 2015-12-19 at 12.06.17 AM

Source: RoadShow路訊網

睇完呢個post令我諗起一次與朋友研究是否中女已沒有魅力了?我覺得唔係。其實中女都可以好有魅力,當然青春少艾好有活力,但成熟女人往往滲透出一種氣質,因為經歷令思想變得成熟,不會表現幼稚嘅行為。另外,我覺得到達某年紀嘅女人學會如何打扮展現自己最美嘅地方(當然要女人肯繼續keep住同upgrade自己)。我覺得外表固然係其中一部分,但內涵才是最吸引,只要不停增值自己改變自己缺點,令自己慢慢變得更有內涵、幽默同有智慧,咁樣高貴優雅自信嘅女人就會自然散發迷人魅力和韻味。
我記得我以前公司其中一個女partner,佢非常高貴有氣質,我係女人都比佢氣質吸引住。最近我係街見到佢,雖然已經退休,但依然keep住種高貴,令人好想與佢相處。我同友人講大家應該要繼續學習如何變得更有內涵令自己變得人見人愛 (這是我努力的目標)。係我心目中其實無需因為年紀漸漸成熟而覺得自己無魅力,甚至放棄自己。中女加油!

升小學究竟成績重要還是性格重要?

11402786_1643985025819973_7428656335541645973_n

最近與一位媽咪朋友討論關於選擇小學問題,由於佢囡囡今年準備揾小一,所以就問我的經驗如何。

討論中,佢話有一個鄰居嘅女兒成績好好,好聰明,所以佢媽咪說只會選所有一線學校,二線頭都不會揀。最後這位小朋友並沒有得到任何私小及直資學校嘅 offer, 做媽咪當然很擔心。然而,幸運之神亦沒有落於小女孩身上,統一派位並非她媽媽想要的。我的媽咪朋友於是好奇問我究竟學校係揀成績還是性格,其實我也不太懂 得回答,我大女係好健談唔怕醜,個個都話佢interview一定得,最終只有兩間學校接受她(註:不是名校)。當我們還有兩間私小未in時,我們請教了 一位搞教育嘅朋友,佢說好多學校係睇小朋友的表達能力及從遊戲看性格,呢位朋友亦提點咗女兒在表達能力方面如何改善及遊戲時應如何表現。由於自行分配中入 到心儀的,最終亦沒有帶囡囡interview了,所以我不能確認呢位朋友所提點是否有所幫助。

不過,我也見到及聽到一些例子,成績好未必一定有好多offer。其實如果我係老師一定唔係只看成績,我會睇小朋友性格。講真現今叻嘅小朋友好多,但學校 一定會希望學生係一個有修養及有良好品德的,而唔係自以為是及沒有自理能力的。最後我同呢位媽咪朋友講我會覺得性格超出成績,你地又覺得學校會著重邊樣多 D?

為婚姻關係加點浪漫色彩

11202096_1637405576477918_8480220163787168422_n

前幾日睇到一個幾有趣文章~《女人婚後三大反差》。文中提及女人常常投訴男人結婚前及結婚後的態度有所改變,但其實我地女人係咪也要反思我地係咪都一樣?
我相信大家未結婚前一定會將自己最好展示給對方,尤其拍拖初期,大家會樂意做好多甜蜜事情,又順從對方,無非係想討好對方。當時間越來越長,雙方開始覺得所有係理所當然,大家開始懶惰,所有浪漫事已經沒有了…
其中”不再熱情和浪漫”這一項也是我和朋友討論過的題材,發現大家覺得浪漫激情已隨着時間變成親情,無乜浪漫嘢做。無疑最初嘅激情已經沒有,但我又覺得如果一段關係只係好平淡咁過,這樣好似有點乏味,好無情趣。我覺得無論男或女都需要浪漫和戀愛元素調劑生活。
以前我都會覺得老公無初初拍拖咁浪漫,但後來我決定自己主動做,其實我都幾享受諗驚喜比佢,當見到對方嘅開心表情,自己會不其然快樂,所以我已不計較誰做主動。我會自製禮物、有時諗d鬼主意比驚喜佢、約佢食飯(自己著靚d)、去下新地方行下玩下(咁樣大家又多個話題)、約佢一齊學嘢、慶祝紀念日等。現在可能我做咗五次浪漫嘢,佢會主動做返一、兩次。簡中自製温馨浪漫,大家生活會增添不少情趣。有時我也會叫囡囡一齊幫忙,老公見到會更甜入心。
大家得閒整d驚喜比老公,唔好再被動等佢做啦!為自己婚姻關係加點開心色彩!
P.S. 圖中嘅Macaron係一次紀念日我整比老公,由於老公條眉勁似小新,所以整咗小新公仔Macaron。

全職媽媽的生活

11070752_1620413874843755_7186154079971174410_n
本來一直都返工,但我大女性格頗屈強脾氣差。左諗右諗覺得需要陪伴佢及從旁教導佢,於是最後走上全職媽媽嘅路。
成為全職媽媽都幾開心,可以朝夕陪伴女兒。辭職後幾個月我就有咗第二個BB, 當初我都諗有兩個小朋友我一定會忙到暈,於是係生第二個前亦去做自己想做嘅事。不過原本能訓練大女獨立,其實係可以幫到不少忙。另外,我一向係幾識分配時間,所以照顧兩個小朋友也不覺太吃力(當然我的part time姨姨也幫了很多)。當part time姨姨在家和小朋友午睡時,我就會出去做自己要做/想做的事(例如:做運動、facial、shopping及幫小朋友/自己嘅正經事情), 返到屋企後就可以陪伴小朋友念書和玩耍。
到假日/朋友生日/節慶時候,我依然主動約會朋友(有時只有我和朋友,有時老公同小朋友一起參與活動)。我覺得與朋友之活動不能次次都帶埋老公和小朋友,因為咁樣係好難傾計,同埋都要考慮未婚嘅朋友感受。我其實幾享受ladies’night, 可以同朋友分享。而且沒有返工可能對工作環境有點陌生,但與不同嘅朋友傾計可以令自己不脫節,知道現在工作環境有何改變。
我身邊朋友都話我好識分配時間,佢哋話好多全職媽媽好脱節,小朋友變成佢哋嘅一齊,不會打扮和增值自己。我眼見好多媽媽(無論在職或全職)可以對自己外表不太理會,所有題材只有小朋友。當然亦見好多媽媽好in, 跟得上時代變更。講真呢個科技發達嘅年代, 我覺得無理由跟社會脫節,只係媽媽是否封閉自己。同埋我好相信沒有醜女人,只有懶女人。 如果你肯開放接受同增值自己,你一定可以成為潮媽!