與友人之對話~中女還有魅力嗎?

 

Screen Shot 2015-12-19 at 12.06.17 AM

Source: RoadShow路訊網

睇完呢個post令我諗起一次與朋友研究是否中女已沒有魅力了?我覺得唔係。其實中女都可以好有魅力,當然青春少艾好有活力,但成熟女人往往滲透出一種氣質,因為經歷令思想變得成熟,不會表現幼稚嘅行為。另外,我覺得到達某年紀嘅女人學會如何打扮展現自己最美嘅地方(當然要女人肯繼續keep住同upgrade自己)。我覺得外表固然係其中一部分,但內涵才是最吸引,只要不停增值自己改變自己缺點,令自己慢慢變得更有內涵、幽默同有智慧,咁樣高貴優雅自信嘅女人就會自然散發迷人魅力和韻味。
我記得我以前公司其中一個女partner,佢非常高貴有氣質,我係女人都比佢氣質吸引住。最近我係街見到佢,雖然已經退休,但依然keep住種高貴,令人好想與佢相處。我同友人講大家應該要繼續學習如何變得更有內涵令自己變得人見人愛 (這是我努力的目標)。係我心目中其實無需因為年紀漸漸成熟而覺得自己無魅力,甚至放棄自己。中女加油!

升小學究竟成績重要還是性格重要?

11402786_1643985025819973_7428656335541645973_n

最近與一位媽咪朋友討論關於選擇小學問題,由於佢囡囡今年準備揾小一,所以就問我的經驗如何。

討論中,佢話有一個鄰居嘅女兒成績好好,好聰明,所以佢媽咪說只會選所有一線學校,二線頭都不會揀。最後這位小朋友並沒有得到任何私小及直資學校嘅 offer, 做媽咪當然很擔心。然而,幸運之神亦沒有落於小女孩身上,統一派位並非她媽媽想要的。我的媽咪朋友於是好奇問我究竟學校係揀成績還是性格,其實我也不太懂 得回答,我大女係好健談唔怕醜,個個都話佢interview一定得,最終只有兩間學校接受她(註:不是名校)。當我們還有兩間私小未in時,我們請教了 一位搞教育嘅朋友,佢說好多學校係睇小朋友的表達能力及從遊戲看性格,呢位朋友亦提點咗女兒在表達能力方面如何改善及遊戲時應如何表現。由於自行分配中入 到心儀的,最終亦沒有帶囡囡interview了,所以我不能確認呢位朋友所提點是否有所幫助。

不過,我也見到及聽到一些例子,成績好未必一定有好多offer。其實如果我係老師一定唔係只看成績,我會睇小朋友性格。講真現今叻嘅小朋友好多,但學校 一定會希望學生係一個有修養及有良好品德的,而唔係自以為是及沒有自理能力的。最後我同呢位媽咪朋友講我會覺得性格超出成績,你地又覺得學校會著重邊樣多 D?

為婚姻關係加點浪漫色彩

11202096_1637405576477918_8480220163787168422_n

前幾日睇到一個幾有趣文章~《女人婚後三大反差》。文中提及女人常常投訴男人結婚前及結婚後的態度有所改變,但其實我地女人係咪也要反思我地係咪都一樣?
我相信大家未結婚前一定會將自己最好展示給對方,尤其拍拖初期,大家會樂意做好多甜蜜事情,又順從對方,無非係想討好對方。當時間越來越長,雙方開始覺得所有係理所當然,大家開始懶惰,所有浪漫事已經沒有了…
其中”不再熱情和浪漫”這一項也是我和朋友討論過的題材,發現大家覺得浪漫激情已隨着時間變成親情,無乜浪漫嘢做。無疑最初嘅激情已經沒有,但我又覺得如果一段關係只係好平淡咁過,這樣好似有點乏味,好無情趣。我覺得無論男或女都需要浪漫和戀愛元素調劑生活。
以前我都會覺得老公無初初拍拖咁浪漫,但後來我決定自己主動做,其實我都幾享受諗驚喜比佢,當見到對方嘅開心表情,自己會不其然快樂,所以我已不計較誰做主動。我會自製禮物、有時諗d鬼主意比驚喜佢、約佢食飯(自己著靚d)、去下新地方行下玩下(咁樣大家又多個話題)、約佢一齊學嘢、慶祝紀念日等。現在可能我做咗五次浪漫嘢,佢會主動做返一、兩次。簡中自製温馨浪漫,大家生活會增添不少情趣。有時我也會叫囡囡一齊幫忙,老公見到會更甜入心。
大家得閒整d驚喜比老公,唔好再被動等佢做啦!為自己婚姻關係加點開心色彩!
P.S. 圖中嘅Macaron係一次紀念日我整比老公,由於老公條眉勁似小新,所以整咗小新公仔Macaron。

全職媽媽的生活

11070752_1620413874843755_7186154079971174410_n
本來一直都返工,但我大女性格頗屈強脾氣差。左諗右諗覺得需要陪伴佢及從旁教導佢,於是最後走上全職媽媽嘅路。
成為全職媽媽都幾開心,可以朝夕陪伴女兒。辭職後幾個月我就有咗第二個BB, 當初我都諗有兩個小朋友我一定會忙到暈,於是係生第二個前亦去做自己想做嘅事。不過原本能訓練大女獨立,其實係可以幫到不少忙。另外,我一向係幾識分配時間,所以照顧兩個小朋友也不覺太吃力(當然我的part time姨姨也幫了很多)。當part time姨姨在家和小朋友午睡時,我就會出去做自己要做/想做的事(例如:做運動、facial、shopping及幫小朋友/自己嘅正經事情), 返到屋企後就可以陪伴小朋友念書和玩耍。
到假日/朋友生日/節慶時候,我依然主動約會朋友(有時只有我和朋友,有時老公同小朋友一起參與活動)。我覺得與朋友之活動不能次次都帶埋老公和小朋友,因為咁樣係好難傾計,同埋都要考慮未婚嘅朋友感受。我其實幾享受ladies’night, 可以同朋友分享。而且沒有返工可能對工作環境有點陌生,但與不同嘅朋友傾計可以令自己不脫節,知道現在工作環境有何改變。
我身邊朋友都話我好識分配時間,佢哋話好多全職媽媽好脱節,小朋友變成佢哋嘅一齊,不會打扮和增值自己。我眼見好多媽媽(無論在職或全職)可以對自己外表不太理會,所有題材只有小朋友。當然亦見好多媽媽好in, 跟得上時代變更。講真呢個科技發達嘅年代, 我覺得無理由跟社會脫節,只係媽媽是否封閉自己。同埋我好相信沒有醜女人,只有懶女人。 如果你肯開放接受同增值自己,你一定可以成為潮媽!

第一個小生命誕生,我的身心有何改變?

11074295_1619824644902678_7832240606945230090_n

結婚第三年多就生了我第一位小女孩。生完後,我仍然繼續返工。之前都講過我好希望各方都得到平衡,所以生完bb後我都會有自己空間。當然首要係照顧bb妥當,之後我會趁小朋友睡了做自己想做的事。有時我亦繼續主動揾朋友食飯飲嘢,學wedding planner 同花藝(好彩老公亦樂意單獨照顧bb)。
而我亦覺得做了媽媽後也不能忽略老公,否則兩公婆的焦點只有小朋友,其他溝通就沒有了,所以我會間中將小朋友交托我媽媽或奶奶看管,等我與老公撑枱腳拍下拖。就算只得兩三個小時的浪漫時間,但這是很重要,起碼大家可以有一個小休及靜下來傾下與小朋友無關的東西。其實我與老公也傾過,最好我地每年有一個旅行只有我和他,好讓大家有二人世界嘅時間。我知好多女人當了媽媽後就完全忽略老公,甚至老公會有所微言。如果咁其實有d危險,自己好容易失去自我。小朋友固然重要,但有時係要學懂放手。
講真那兩年返工揍B做自己想做的日子係非常攰,睡的時間得少,但我覺得值得,因為我真的做到平衡各方,唔會因為小朋友出現而180度改變我嘅生活。
下次就同大家分享我為何由在職媽媽變成全職媽媽!

 

由單身變成二人世界

我與老公係外國讀書時認識。回港後,我就係會計師樓做會計師。其實我一直都覺得所有事物都要balance, 工作、家人、男朋友和私人空間都要得到平衡,所以返工如何忙碌我都會抽時間拍拖、見朋友、學下嘢去增值自己(不只與工作有關,亦有其他,例如:瑜伽、按摩美容等)。
過咗幾年,我與老公結婚。我就由單身變成已婚。身份唔同咗,但我的心態仍是一樣,就是平衡。雖然要開始照顧老公,但我都活躍揾朋友同學嘢。可能我對新鮮事物嘅興趣,所以喜歡學新嘢。同埋,雙方都需要私人空間,否則會好悶。
今日講住咁多先…下次繼續講下由二人世界變成三人世界嘅經歷吧!

11156220_1619429734942169_2527857069655165540_n