韓國親子遊2019 – 第一天首爾行

今年復活節我地一家嚟個九日韓國之旅, 兩公婆帶住兩個細路遊走三個韓國地方, 首爾、釜山和濟州, 每個地方平均逗留三天。大家都知我算成日去韓國, 不過釜山及濟州就真係第一次去, 所以都好期待!

好啦! 我就由我地第一天首爾之旅寫起吧!

IMG_0478

出發啦! 雜果似乎好眼瞓,上機要瞓下。

今次我地第一次帶小朋友搭大韓航空, 講真大韓價錢平啲, 而且服務及食物好好, 空姐派小朋友禮品畀雜果沙律, 兒童餐又靚, 連headphone都特別為小朋友預備兒童版, 真的不錯!

IMG_0492

大韓好貼心為小朋友預備嘅禮物包, 仲有專為小朋友而設嘅headphone。

img_0499.jpg

兒童餐是一個Burger

IMG_0501

經過幾個小時機程, 我地到達首爾啦!

IMG_0507

晨早到達, 過埋關, 仲要等一段時間才有第一班機場巴士到酒店。

上兩年我都沒有坐機場巴士, 原來依家佢地等候巴士地方靚咗, 唔使企係街等, 而且巴士座位好舒服! 我地乘坐機場巴士6001到我地的酒店~Novotel Ambassador Seoul Dongdaemun Hotels and Residences。酒店位於東大門歷史文化公園附近(下面再詳細介紹)。我地到東大門先Check in, 寄存行李。之後去附近的Isaac toast醫醫肚, 跟明洞Isaac toast一樣都有很多遊客. 但個人覺得明洞那間味道好吃啲。

IMG_0521

東大門的Isaac Toast

IMG_0520

IMG_0517

Isaac Toast (東大門分店)

地址 :18-187 Euljiro 6(yuk)-ga, Jung-gu, Seoul, South Korea (서울특별시중구을지로6 18-187)

營業時間: 24 hours

交通:2、4、5號線「東大門歷史文化公園站」14號出口

地圖:

Screen Shot 2019-05-22 at 10.18.33 PM.png

由於搭了一程夜機, 而且酒店未有房間, 所以我決定帶雜果沙律到酒店附近SPAREX汗蒸幕焗一焗, 兼瞓返個好覺。其實上兩次跟朋友去首爾, 我都有去過呢間汗蒸幕, 首先這裡夠方便, 而且算企理,所以搭夜機必定嚟這裡抖下。對於雜果沙律, 汗蒸幕是一樣新事物。本身雜果沙律都喜歡日本浸温泉, 而這裡也有熱水池浸浴及焗汗蒸幕, 佢兩個不知幾興奮。之後瞓咗差不多2小時, 成個人醒曬, 兩個妹妹活力充沛, 可以一起出動了。

如想睇更多SPAREX汗蒸幕資料, 可以到我舊文看看: https://ymsecrets.net/2017/08/16/%E9%9F%93%E5%9C%8B%E9%A6%96%E7%88%BE%E9%96%A0%E8%9C%9C%E9%81%8A/

IMG_0527

SPAREX汗蒸幕大堂, 職員會畀佢地嘅衫我地到更衣室更換。不過大家必須在入面沖沖涼, 之後才可更換衣服。

IMG_0524

雜果沙律好搞笑,戴上羊角。當然我沒有畀佢地焗98度高温啦!我自己都頂唔順。

IMG_1320

焗完瞓一覺,唔好見木板,驚瞓㕶到。其實攰去到邊都瞓得到,哈哈!仲要不知幾好瞓。

IMG_0531

焗完汗蒸幕,加一覺,真係精神爽利!

SPAREX汗蒸幕

地址 : 247 Jangchungdan-ro, Gwanghui-dong, Jung-gu, Seoul (Good Morning City大樓地下3樓, 서울특별시 중구 장충단로 247 (을지로6가) )

電話:02-2118-4400

營業時間:24hrs

交通:2、4、5號線「東大門歷史文化公園站」14號出口

地圖:

screen-shot-2017-08-16-at-7-08-29-pm

第一天行程唔多,因為我夜晚要出動。故我地主要在東大門附近行下。首先去汗蒸幕對面的東大門歷史文化公園逛逛,雜果沙律的目標是KakaoFriends的專門店,佢兩個好鐘意Kakao嘅Apeach同Ryan,其實我自己都好喜歡,太可愛!我地於店內跟不同公仔裝飾影相打卡。當然我地亦有收穫啦!

IMG_0533

東大門歷史文化公園出面的新標記 ~ I SEOUL U

IMG_0538

 

IMG_0539

IMG_0536

APEACH – 太Cute! 

IMG_0553

雜果見到樣樣都好喜歡

IMG_0549

IMG_0554

Kakao Friends Store東大門DDP店

電話:02-2231-3552

地址:首爾特別市中區乙支路281(乙支路7街) (서울시 중구을지로281)

營業時間:10:30-23:30

官網:https://store.kakaofriends.com/en/index

交通:2號線,4號線,5號線「東大門歷史文化公園站」,DDP地下2樓和諧廣場前

之後, 我地去每次韓國必吃的School Food。雖然香港有得食, 但香港依家剩低嘅店都一啲都不好食,所以嚟到韓國食返正宗嘅School Food好味好多。

IMG_0563

 

 

 

 

 

 

 

 

 

 

 

 

 

 

 

食完嘢, 行完街,已經差不多5:00,我地就返酒店休息一下。我地今次揀咗東大門新開的Novotel Ambassadors Seoul Dongdaemun Hotels and Residences住宿。講真我從未試過住東大門,所以次次未能晚上於東大門瘋狂shopping。網上見到呢間新酒店,位置算是便利,步行到aPM Place約10分鐘,亦有機場巴士到達門口, 而且附近也有好多找換店及食市,所以超級推介。

酒店房間裝修以新穎時尚為主, 房間唔算好大,但開兩個大喼也可以。我最開心係佢房間有燙衫板和燙斗。我下次再去首爾一定會揀佢(除非有間更新更方便的酒店)。

IMG_0577

酒店正門

IMG_1336

酒店房間 (廁所是可以開放式)

IMG_1334

房間和洗手間都算企理清潔

IMG_1335

Novotel Ambassadors Seoul Dongdaemun Hotels & Residences

電話: +82 2-3425-8000

地址: 238 Eulji-ro, Gwanghui-dong, Jung-gu, Seoul, South Korea (서울시 중구 을지로 238)

交通:2、4、5號線「東大門歷史文化公園站」7或12號出口

官網︰https://www.accorhotels.com/gb/hotel-A5U6-novotel-ambassador-seoul-dongdaemun-hotels-residences/index.shtml

地圖:

Screen Shot 2019-05-21 at 11.15.26 PM

休息完,我地就趕去「馬場洞」食晚飯。「馬場洞」畜牧市場是首爾最大肉品處理市場, 亦是平食韓牛的地方,老公話想試一間叫「龍門家」的燒肉店。我都是第一次去馬場洞,可能是晚上時份, 所以市場內有些肉店已經關門, 比較靜。

IMG_1342

「馬場洞」畜牧市場

IMG_0582

沿路也有一兩間零星肉店

沿住市場直路行到街尾轉左就差不多見「龍門家」, 上網見好多人力推此店, 又話好多人排隊, 但眼見店內冇乜人, 店員更走出來拉客, 心諗是否被人吹捧, 或是這店不是正宗?

IMG_0581

「龍門家」門口

最後怕成為水魚, 見對面一家烤肉店本地人數比「龍門家」多, 於是決定相信自已的眼睛, 去了這家「몽실이네」。店內有個大雪櫃, 放滿不同韓牛,大家可以係雪櫃前自由選擇, 店員最後推介我地吃韓牛拼盤, 有不同類型的韓牛, 我地點的是Won 65,000, 大概HK$450左右, 真的很平, 一盤都已足夠我地一家四口吃, 但大家留意佢有其他額外收費及飯錢, 所以最後埋單大概是Won 80,000。

味道方面, 我覺得有一兩件牛味不太濃, 整體來說味道一般,不是我在韓國吃過最好吃的韓牛燒肉。

IMG_0587

img_0583.jpg

這就是我地點的韓牛拼盤

IMG_1347

這裡裝修如一般韓國食店, 但地方算企理。

IMG_1344

IMG_1348

IMG_0588

몽실이네 토종한우 직영1호점

電話:02-2299-3365

地址:761-8 Majang-dong, Seongdong-gu, Seoul, South Korea (서울특별시 성동구 마장동 761-8)

營業時間:10:30~00:00

交通: 5號線 「馬場站」1 號出口

地圖:

Screen Shot 2019-05-22 at 3.34.52 PM

食完飯, 就是我夜晚去衝刺時間。第一間我當然行近酒店的aPM Place, 這裡有10層, 款式和質素都不錯,真係有排行。不過這裡是批發的, 大家最少要買兩件才可以。我係度行到唔多想走, 不過也要趕去另一邊批發市場發掘靚衫。這裡可謂越夜越精彩, 所以住係東大門是非常方便。

MAIN-slider-image.jpg

由於掛住shopping, 完全忘記影相, 圖片來源自: http://www.apm-place.com

aPM Place

地址:276 Eulji-ro, Euljiro 7(chil)-ga, Jung-gu, Seoul (서울특별시 중구 을지로7가 을지로 276)

營業時間: 20:00-05:00 (星期六休息)

交通: ·2、4、5號線「東大門歷史文化公園站」10號出口

地圖:

Screen Shot 2019-05-22 at 10.47.46 PM

 

 

皇家加勒比~海洋航行者號

2018年暑假,雜果沙律節目精彩。剛剛去完暑假遊,返到香港又被邀請到皇家加勒比的「海洋航行者號」參觀。一直以來雜果沙律都好想有機會體驗郵輪假期,上次去北歐時只有短短晚上於郵輪上,而且那艘船不似皇家加勒比的郵輪龐大,所以今次決定帶佢地上「海洋航行者號」參觀,體驗一下什麼是真正郵輪,然後再計劃將來的郵輪假期。

「海洋航行者號」在香港郵輪碼頭登船

雜果沙律參觀當天勁興奮,不停問幾時可以登船。

「海洋航行者號」於1996年建造,2014年翻新,有137,276噸,主要於7月至8月於香港和深圳出發,行程有到日本沖繩、京都、神戶、高知及越南的。另外,皇家加勒比「海洋贊禮號」亦於5月至6月在香港出發到其他地方,如福岡、長崎、熊本、菲律賓等。

終於可以上船啦!

「海洋航行者號」共有15層,郵輪上有各式各樣精彩活動。

首先,我地到13樓,這層有多個戶外活動,如甲板藍球丶迷你高爾夫球及攀石。

雜果沙律就跟爸爸切磋球技

我自己就想試試攀石,站於船上高峰望住大海,應該好正!

雜果沙律見到高爾夫球⛳️,又想練習推桿入洞。

船上另一焦點一定係呢個甲板衝浪🏄‍♀️,於40呎長衝浪模擬器滑浪唔知感覺如何呢?平時海中滑浪我就唔咁,但呢個可以安全地望住一望無際的大海衝浪,我真心想試一試!

走到甲板當然要影相

雜果沙律好想艘船真係出發啊!😂

「海洋航行者號」中的海洋歷奇中心有好多活動畀小朋友參加,包括藝術、音樂、體育等,而且會分不同年齡小朋友參加(由6個月至17歲都照顧到)。郵輪上亦有「夢工場」活動、真冰溜冰場等。如果小朋友有12歲以上更可參加午夜Party, 咁樣爸爸媽媽自己也可以去relax下。

遊戲機中心當然唔少得,呢度嘅遊戲機真係比好多郵輪多種類,小朋友一定唔捨得走。

郵輪上也有美式風格餐廳,職員更會著上懷舊服飾奉上美式美食,如漢堡包🍔、薯條🍟等,啱晒細路口味。

閒時可坐係度望下海吹吹風

郵輪又點少得游泳池,旁邊亦有多個按摩池畀大家享受,大家仲於池畔睇電影,呢個經驗應該幾得意。

想係船上跑原來有條跑道㗎!真心👍🏻!一邊跑一邊吹住海風,爽!

兩父女嚟個比賽先

究竟邊個贏呢?

係……打和😭

參觀完戶外活動,接著就係我地女人最愛的~Spa。難得出外旅遊,放低小朋友去「海洋歷奇中心」就可以扮下靚、hea 下啦!

如果平時冇時間剪頭髮,呢度剪埋返香港都得。

修修甲,做返個靚媽

有時間做埋facial同按摩,我見到佢地用靚嘢㗎喎~Elemis👍🏻

有好多service 呀!

平時照顧小朋友未必可以成日做運動,郵輪上的Gym有好多健身設施,呢度可以操下啦!

呢度健身設施真係好多類型,而且好多部,唔怕冇機做

呢度都有室內按摩池

講咗咁多玩樂設施,不於講下食。船上有兩間任食的餐廳,其中一間是自助餐形式的「 Windjammer」,這𥚃座位好多,食物種類繁多,大家可以早、午、晚,甚至消夜隨時嚟填肚。

郵輪的Lobby樓層,這層會有「夢工場」卡通人物,如功夫熊貓丶史力加等進行令人興奮嘅大巡遊。如果住係Lobby兩旁的房間仲正,可以於房內欣賞巡遊。雜果沙律都好想有機會欣賞呀!

這樓層亦有長長的Shopping地方,兩邊佈滿店舖,手痕想買嘢有地方去啦!

店舖中亦有一些特色餐廳,如果想於特色餐廳用膳,其實登船當日參加Package, 這樣就可於行程中以優惠價到各特色餐廳用餐。

郵輪上亦會在不同地方設有音樂節目表演

「Cafe Promenade」係另一間船費已包餐廳

上郵輪當然要有精彩娛樂表演才吸引啦!「海洋航行者號」的 La Scala Theatre比我以前坐過的郵輪座位多,這裡每晚會有不同的精彩演出,包括百老匯式音樂舞劇丶魔術表演等。平時唔多時間睇show, 係船就可以晚晚精彩,睇個夠!

船上亦有Art Galley

郵輪上「Sapphire Dining Room」

這𥚃有三層,走入餐廳尤如歐式風格的堡壘,我地好開心被安排於這餐廳吃午餐。

餐廳旁可以望住個海進餐

Starter

Main course

Dessert

雜果沙律食得好滋味!

話咁快我地參觀完皇家加勒比「海洋航行者號」,雜果沙律好唔捨得走。唔好話佢地,我都好想上船開始非凡精彩嘅郵輪假期。以前上郵輪玩好似只適合退休人士,但依家嘅郵輪有咁多照顧不同年齡層的節目,真係一家大細都啱玩。我諗係時候諗諗下個假期……哈哈!

杜拜親子遊第七天

今天早上行程較舒服,主要留在酒店讓雜果沙律游水。酒店內有兒童泳池及大人池,佢地先走到兒童池玩玩水,之後再游大人池。

酒店的兒童池-深0.8M

有射水玩

我地就坐係旁邊睇佢地

大人池

好靚,望住個海

午餐時間,我地去The Beach商場食飯。The Beach位於杜拜一個高級區,商店沿著海岸而建,對住海灘,而且更可望到仍在起緊嘅全球最大的摩天輪🎡。這裡有各式各樣的餐廳,我地揀咗中東菜Seven Sands。佢哋有個二人餐為AED294,餐牌上所有食物都有齊,本想試試,但有些食物我地唔食,所以放棄了。最後,我地揀咗Green Mango Salad,Shrimp Fouga及Baby Chicken Mashwai。

The Beach
將來全球最大的摩天輪
不同餐廳

午餐地方~Seven Sands(中東菜)

餐廳裝修夾雜中東及時尚

餐牌
Baby Chicken Mashwai ~ 雞好嫩,雞內有薯仔及蘿蔔粒,加埋佢個汁好味!不過冇諗過有飯係下面。
Shrimp Fouga ~ 有點似第六天吃印度餐的飯,但香料味冇咁重
Green Mango Salad ~ 酸酸的,醒胃
Chia Pudding ~ 如果喜歡奇亞子的應該覺得ok,雜果沙律就…..
餐廳內壁畫展示杜拜的建築

Seven Sands

Address: Shop 5102, The Beach, Jumeriah Beach Residence

大概下午2:30先回酒店休息,因為下午4:30我地跟Local tour到沙漠。老公於klook book咗團,佢地email confirm後,約好時間會嚟酒店接我地。大概1小時車程就到集中地,這𥚃可以玩Quad Biking。初到達也有點焗和熱,之後開始有風就好好多。停留半小時後,司機開始揸去沙漠中央施展其駕駛技術,在沙漠中飛馳真係好拋,拋咗15分鐘就停下畀我地影相。

到達沙漠集中地,有好多遊客
影下啲人玩Quad Biking

沙畫瓶
Dune Bashing(沙漠越野)

好拋,有點刺激,加上我地個司機成個車手咁。好彩雜果沙律唔驚

沙漠中的黃昏

接住再揸車到另一個營地,營地裏提供食物及飲料(費用已包),由於網上見有人說食物未必合我地胃口,所以預先買咗餅及生果去。營地亦有當地服飾畀人影相、間中有人會叫你買紀念品。門口有駱駝畀人影相及騎,但我地怕有病,故沒有騎了。在這裡可以見到日落,好靚!

營地
唔騎駱駝,但可離遠影相

營地前於沙漠彈跳

營地有水煙
傳統服飾

前菜,是甜的
自助形式
沙律
鷹嘴豆
通粉
薄餅
炒飯~都幾辣
脆脆,有點似我地平時餸粥果啲

食物真係一般,好彩有餅同買咗杯麵係酒店。中段時間,有表演睇,如肚皮舞。到8:40沙漠之旅就結束,司機車我地返酒店。

雜耍表演
呢個我都有點擔心,坐遠啲為妙
肚皮舞

今次沙漠之旅,雜果沙律未必是十分享受,但旅行就是要體驗和感受不同事情。我想將佢倆到大個仍記得這旅程。

杜拜親子遊第六天

今次旅程我地選擇帶雜果沙律去另一個水上樂園降下温,就係位於Dubai Parks & Resorts 內的Legoland Water Park。Dubai Parks & Resorts 內有三個遊樂場及一個水上樂園,亦有一間酒店。出發前我地於Dubai Parks & Resorts網站訂購門票。遇啱做優惠,可以AED500四位一天玩足Dubai Parks & Resorts內任何兩個Parks的優惠。

Dubai Parks & Resorts離市區較遠,我地由酒店坐類似Uber的車大概要半小時(當日機場買的電話SIM卡有AED100 Promo code送,所以我地今程車用咗佢),減去AED100後需付AED30。

Dubai Parks & Resorts 入口

三個主題公園加一個水上樂園

以法國小鎮為題

Dubai Parks & Resorts 暫時唯一酒店

Map

Dubai Parks & Resorts有點法國風情建築物,但這𥚃的餐廳大部分還未開。大概10左右我地到達Legoland Water Park,這𥚃大部分水上活動跟馬來西亞的差不多,但我印象中這𥚃的更衣室較好較闊敞。

終於嚟到Legoland Dubai
Legoland Waterpark
Locker ~ Jumbo size AED70
換好泳衣,準備玩水!

雜果沙律先由BB池開始,同樣這𥚃也有大水泡玩,亦可在河𥚃拎Lego砌。兩個妹妹亦大膽玩咗好多水上長滑梯,真係好爽!

BB池

雜果沙律最愛的區域
又有得玩大水泡,仲可以沿途砌Lego
妹妹興奮砌Lego
共玩咗兩次

呢個Red Rush好好玩,我地又玩咗兩次
妹妹一啲都唔驚

於水池游泳,兼間中有浪衝上來
水上滑梯,老公自己玩咗兩次
小朋友可以用Lego砌船
Twins Chaser
Bricks Beach Shop

店內唔多Legoland Dubai紀念品

走啦!下次再嚟

玩到下午2:15左右,我地走去食午餐。點短Dubai Parks & Resorts內的餐廳大部分未開,最後只可食McDonlond醫肚。

唯有食麥當勞,食返個沙律,健康啲

食飽又有體力去另一個Park~Motiongate 玩。Motiongate 以電影為主題,其中Dreamworks及藍精靈最啱小朋友玩。

Motiongate
紀念品店,唯一一樣吸引我是這個

雜果頒畀我的Best Mom

Dreamworks係室內及有冷氣,正值下午我地頂唔順跑入去玩,入面有功夫熊貓、Shrek 等主題,其中Madgascar 內Mad Pursuit過山車好快,有啲似space mountain。Shrek 嘅Fairy tales Journey 及藍精靈的studio tour坐係車入面睇,似Winnie the pooh,但時間比較長,雜果沙律都話鐘意。

分咗三大區,Lionsgate, Columbia Pictures及Dreamworks

功夫熊貓
Shred

Madagascar
penguin Air

Mad Pursuit!
Merman-Go-Round
Kung Fu Panda

我地只玩咗咖啡杯
Shrek

Shrek’s merry fairy tale journey, 好好睇,推介

藍精靈村
Smurf Village Express~雜果沙律超級喜歡,又玩兩次
Smurf Studio Tour

1

臨走前跟藍精靈合照

玩到六點我地返酒店沖個涼,再出發食晚飯。

我地晚飯在Fairmont酒店內的Little Miss India食印度菜,職員介紹了Murgh Malai Kebab 這個starter,味道唔辣,雜果沙律都可以食,味道亦好味!

Little Miss India
正門

餐廳裝修好特色

前菜

Murgh Malai Kebab
Butter Chicken

我地仲叫了一道Prawn Biryani , 係一味印度蝦飯。這個味道就不是太合適我地口味,但尚算可以。

Prawn Biryani

最後,試試印度雪糕,有山竹及生芒果,山竹味道我可以接受,反而生芒果就麻麻啦!

山竹(左)及生芒果(右)

Little Miss India

Address: Fairmont The Palm, Palm Jumeriah, Dubai

杜拜親子遊第五天

第五天早上於Atlantis, the Palm酒店繼續玩。先到酒店其中一間餐廳Saffron 食自助早餐,本身住客能於三間自助早餐餐廳用餐,而我之前食過三間覺得Saffron的食物種類最多,味道亦好味,所以今次再選食Saffron。

位於酒店西翼的Saffron

睇下有乜食先

開餐啦!

食飽後,即跑去參加Dolphin Photo For Fun(AED 390一位) 活動,活動需於Activities booking center預約。我地於水上樂園入口集合,然後有職員車我們到Dolphin Bay。職員為我地check in, 再帶領我地跟海豚見面。Dolphin Photo For Fun不需落水,只聽指示跟海豚Kiss Kiss 😘 、握手影相等,大概15分鐘左右。活動其間不可帶相機電話入內,親友可遠距離影,因Package包了一張相。 如想跟海豚多點互動,可以參加其他海豚Package,有些可在水中與海豚🐬跳舞影相等。 上次沙律玩過一次,所以今次輪到妹妹參加啦!妹妹有點緊張,唔咁kiss Dolphin,最後只跟海豚握手仔。與海豚見面後可到Photo Center揀相。

Dolphin Bay

老公遠距離影
等待跟海豚接觸
職員為我地影的相,妹妹跟海豚握手
本是妹妹kids kiss海豚,但佢驚驚
海豚Mega錫我面珠

海豚大接觸後,離check out 仲一小時,於是跑到酒店對面影全景。

Atlantic, The Palm 外貌
係有啲熱,快影就走啦!
望住個海,其實好舒服

拜拜啦!

Check out完,我地再去另一間位於棕呂島的酒店「FIVE Palm Jumeirah Dubai」,這酒店是新開的,裝修較時尚。由於check in時還未有房間,酒店職員帶我地去到High Five Kids Club玩,這裡不同時間有不同玩意,職員會照顧小朋友,而職員亦為我安排房間畀我跟老公休息室休息。早上仲有Kids Yoga班,沙律話之後揾日嚟玩(但原來2-4歲才可參加)。另外,酒店另設小朋友泳池。

High Five Kids Club 活動
Kids Club內也有玩具畀小朋友玩

酒店大堂仲有小食(如糖果、棗等)及飲品畀住客食

等咗一段時間,終於有房啦!我地今次book咗Junior Suite, 是一間套房,有小廳及一間房。由於book酒店時見到有優惠,三晚為HK$4,000。價錢算抵,酒店服務一流(由Jumeirah 主理,難怪咁好)。房間好大,仲有長長的露台,雜果沙律好興奮!

房間廳間

房間
廁所

露台

到黃昏時候,我地出動到Kite Beach 的Salt食burger 當tea time(我暗地想話又食burger)。這裡是由一檔車仔檔變成規模較大的burger 店。味道比Shake Shack好味,唔會太油。仲有試咗出名的Lotus shake, 有啲似加入維化餅的味道,效果唔錯。

Burger 店 「Salt」

餐牌
右邊就是Lotus Shake,幾好飲
Mini burger

Salt

Address: SALT – Kite Beach, 2C St Dubai

之後,我地走到沙灘近帆船酒店影相及享受波斯灣美景。雜果沙律最開心係拾到好多不同款式的貝殻。

沙灘仲有個Beach Library
可以借書睇
帆船酒店
兩個興奮地執貝殻
執咗好多特別,仲唔捨得走

晚上時份,去咗位於Jumeirah Al Qasr 酒店的泰國餐廳PaiThai食晚飯。呢間餐廳我已第三次嚟,之前食過覺得幾好,所以今次再食。餐廳就在前幾天去的Souk Madinat Jumeirah附近,只要坐船就到餐廳。餐廳更提供小朋友餐,真好!大家記住一定要通過酒店訂位。

坐船啦

沿途可欣賞酒店美麗景色

到達餐廳
啱啱日落,好靚!

餐廳

小朋友餐牌

餐牌

兒童餐的Pai Thai
青咖哩雞,味道入味

Pai Thai

Address: Jumeirah Al Qasr, Madinat Jumeirah , King Salman bin, Abdulaziz Al Saud Street, Umm Suqeim 3 – United Arab Emirates

食完晚飯再坐船去Souk,返到Souk有個位可以遠望帆船酒店,晚上睇又有另一景色。

帆船酒店夜景

杜拜親子遊第四天

話咁快第四天,早上又去試試中東早餐。老公揾到一間中東餐廳 「AL-FANAR」,裝修充滿中東風味。

餐廳門口已好有特色

裝修充舊中東氣息

相比第一天食的中東早餐,呢度味道反而冇咁啱胃口,可能那間加入西方完素,較合我地口味。

AL-FANAR

Address: Ground Floor, Dubai Festival City Mall

餐牌

不同薄餅

阿拉伯茶

呢款有點茶香味

問口真係好特別

舊式中東零食

食過早餐,我地返酒店Check out, 準備去雜果沙律期待已久的Atlantis, The Palm酒店。酒店位於棕呂島,有46公噸大,入面有Aquarium、水上樂園丶餐廳及不同設施。這裡真係玩幾日都未夠。雖然已是第三次住,但仍然覺得好好玩!

酒店大堂中間擺設已好有夏日氣息

跟海洋有關的設計

我地今次都係住Ocean Deluxe Room, 房間好大,有露台,而且富有中東色彩。

我地放低行李,換好泳衣即跑去水上樂園喪玩。樂園有不同水上遊戲,呢幾日咁熱,可以跳落水玩水,雜果沙律當然開心到暈。

酒店住客已包水上樂園入場卷

遊樂場地圖

雜果沙律好鐘意玩,但有啲佢地高不能玩。

好玩的水上遊樂設施

兩個唔捨得走

呢個必玩,最長河道可玩45分鐘。中間有浪推前大家。

全遊樂場最刺激的滑梯,好直好長,我都唔夠膽玩!

沖好涼,仲有時間。於是酒店內周圍影相留念。

酒店內有大大的魚缸

酒店內也有Kids Club畀小朋友參加

亦可參與水上活動,如跟海豚拍照留念、潛水及親親海獅。

住客亦包括The Lost Chambers Aquarium 入場。館內有好多不同種類海洋生物,有啲真係未見過。雜果沙律都話好新奇!

The Lost Chambers Aquarium 正門

有多個大大小小的魚缸

仲可以瞓係度睇海洋生物

晚上,我地去酒店內的Bread Street食晚飯,終於唔使食burger同薯條。由於5:00左右食咗麵,所以晚餐食少少就夠了。味道幾好,但最好預約,因有好多人預早訂位。

Bread street

食飽飽,明天就有力氣繼續玩啦!

杜拜親子遊第三天

第三天,我地決定上哈里發塔(122樓)食早餐。由於妹妹上次仲未出世,未上過塔,但我地無理由再上一次參觀。老公上網搜尋時發現Armani 酒店有間餐廳位塔頂,而酒店唯獨早餐接受小朋友,但每人有最低消費(大人-AED200, 小朋友-AED100,五歲以下不用),最後waiter 話當天沒有最低消費。我地覺得上哈里發塔觀景臺(124層)大人要AED135,小童AED100, 咁可以一邊食早餐一邊望住塔下景色,好似更加好。

餐廳必於Armani酒店進入,踏入升降機好快便上到123層,行落一層便是餐廳 Atmosphere。

餐廳唔算多枱,但可以坐在窗口位,雜果沙律亦非常興奮!

我地點了以下食物及飲品:

我點的Soba味道有少少辣,但好惹味,而且仲有兩件牛肉及炸豆腐。雜果沙律就放肆地叫朱古力waffle, 上菜時每碟有兩件,之後waiter再送多三件給我地,每件waffle上面有朱古力及cream, waffle好脆口,好味!雜果沙律食得好飽!

老公透過電郵訂枱時,職員問有冇特別日子慶祝,佢話幫個細女慶祝生日,於是餐廳竟免費送一個甜品畀佢,妹妹應該好難忘!

Atmosphere

Official Website: http://www.atmosphereburjkhalifa.com/contact-us.aspx

食完靚早餐,本想到杜拜動物園,點知舊的已關閉,新的也要到10月才開始。於是我提議到杜拜第二大shopping mall “Mall of Emirates“,這裡有個室內滑雪場Ski Dubai,家姐話好想試,但妹妹有點驚只肯行街。因此家姐跟爸爸入Ski Dubai玩,我同妹妹shopping。

Ski Dubai 有不同pass畀大家選擇,而沙律同老公揀咗Snow Classic, Package已包保暖衫褲丶鞋襪丶手套及頭盔。而Snow Classic沒有包locker, 每個需要AED35。

沙律話最好玩係Mountain Thriller, 而且入面有好多玩意,佢話好想再玩。玩完已經3:00多,所以去Food Court食個午餐就算。

我地去另一個中東色彩市集Souk Madinat Jumeirah 這市集鄰近幾間高級酒店,如:Madinat Jumeirah。

這個市集行得比較舒服,亦可行到運河位置影相。

我自己好喜歡中東裝飾,尤其中東民族鞋,最後我地三母女每人一對中東鞋,一對AED67。

之後我地又到另一新Shopping地區~「City Walk」。呢度有好多幢幾層高building, 每幢有不同店舖。其中我發現一間叫「Level Kids」,全幢賣小朋友衫、玩具等,我真係想叫杜拜呢個地方太浮誇吧!遇上減價,買咗兩條裙仔。

City Walk亦有好多餐廳,好靚!

我地亦在其中一間餐廳Serendipity 食晚飯,佢哋又揀Mac & Cheese食,下一餐一定要試其他菜式。