一個夢寐以求嘅地方～馬爾代夫😍，終於趕上於結婚十週年內到達其中一個人生必去的地方。大家去馬爾代夫當然想係藍天白雲丶清徹的海水中暢泳，尤其水上屋極為吸引（我都擔心海嘯，但人一世物一世點都要試下㗎啦！）
出發前我於各大主力馬爾代夫旅行社揾合適的Package及Resort。馬爾代夫有太多好靚設備完善嘅Resort, 我都研究咗好耐，間間都有其特色。在宏宏Resort中我選擇了當時仍未開幕的Hurawalhi Maldives。我選擇Hurawalhi Maldives皆因：
1）當時尚未開業的Hurawalhi Maldives提供開幕優惠（其實好多馬爾代夫新Resort都有類似優惠，所以大家不妨考慮新Resort)
2. Resort賣點是5.8米水底餐廳
3. 喜歡其水上屋設計，簡約時尚
4. 有All inclusive，包早丶午丶晚（指定餐廳）及大部分飲品，起碼有實數，不會超出預算。All inclusive package更包一次日落船河丶免費任玩某部分水上活動，如：浮潛丶獨木舟丶風帆等
好啦！依家我就帶大家走進我地馬爾代夫之旅吧！我仲剪輯咗幾條短片作為一個紀念(要睇片去最後果度睇)，如果你計劃去馬爾代夫，可以睇睇作為參考！
第一天
我地選乘新加坡航空公司下午兩點多航班飛抵新加坡，再轉乘新航航班到馬爾代夫城市～Male。
新加坡等轉機
由於香港大部分航機到達馬爾代夫時已是晚上十點多，故需要於Male租住一晚酒店休息一晚，到第二朝一早出發前往Resort。
本來我的旅行社提供了幾間酒店給我參考，但咁啱有個朋友去完當地，並介紹我入住Jen Hotel。我於Jen Hotel official website見到有promotion, 故決定入住Jen Hotel*。Jen Hotel會安排職員到機場接待，並由機場坐小船到市區，由碼頭去Jen Hotel不需5分鐘便到達。Jen Hotel規模不大，但各樣都企企理理，而且佢係屬於Shangri la集團旗下酒店，所以我相信佢地能妥善安排接駁服務，以免第二天錯過水上飛機入Resort。
到達馬爾代夫
Jen Hotel職員接待我地
Jen Hotel
Jen Hotel 房間 – 乾乾淨淨
企企理理
*後來發現有部分旅行社Package會包入住一晚Jen Hotel, 大家計劃行程時可再search下。
Jen Hotel
地址：Ameer Ahmed Magu, Malé, 20096, Republic of Maldives
網站：www.hoteljen.com/male/maldives/about/
第二天
Resort的水上飛機於早上八時起飛，故Jen Hotel安排我地於6:45離開。雖然好早起床，但心情充滿著期望。由酒店坐船到機場，然後辦理簡單登機手續。接著，專車送我地到水上飛機候機大廳。
出發去機場
Hurawalhi Maldives 專櫃
第一次搭水上飛機，好緊張！水上飛機的坐位細細，不過只需40分鐘左右就到達目的地。
準備坐水上飛機
機倉
上空府瞰發現四周都是美麗的小島被清徹深藍及淺藍海水包圍，望見已興奮。40分鐘左右，飛機降落於海中的停機坪，再轉乘5分鐘船，就踏踏實實抵達人間天堂。太靚！我也不能相信我眼前見到的海洋，實在好舒服！
海中的停機坪
酒店安排船接待
到啦! 到啦!
酒店職員幫我地辦Check in手續，由於我地抵達Resort尚早，房間仍未有，故酒店安排我地到池畔食少少食物及飲品（All day inclusive package亦同時啟動）。
Lobby
Coco Bar – 隨時隨地去飲嘢
馬爾代夫的第一餐
未有房, 飲下嘢, 影下相!
大概半小時多，職員帶我地到房間，沿路職員友善介紹Resort設施，終於到達我地嘅水上屋，房間好寬敞，打開窗就係藍色海洋，仲有一個泳池，超正！我地已急不及待跳入水游下，呢一刻實在太捨意！
通往水上屋
我地間Villa
243號
房間好寛敞
酒店送的香檳
對住個海游水, 呢種感覺一世難忘!
我地買隻Floating Unicorn玩下!
到下午一時，我地到餐廳食午餐。All day inclusive package包括的餐廳只有Canneli Restaurant, 初初都擔心每天早午晩食物種類及變化不多，但原來餐廳每次都有不同新菜色，所以我幾天內都未食厭。食物味道都ok, 當然未到好味到飛起啦！
Canneli Restaurant
食完午餐，捨意地四周看看，影影相。之後，我地去划獨木舟出海，四周沒有人，一邊吹住海風欣賞呢個世界，好難得的假期。
獨木舟
酒店盡處係一間Champagne Pavilion, 環境寧靜，所有櫈都係香檳蓋，好得意！大家仲可以坐係度望住日落，好捨意。
Champagne Pavilion
係酒店四周行下丶吹下海風!
到夜晚，我地學人浪漫地睇星星，上空佈滿繁星，好靚！
第三天
望住一望無際的海食早餐!
我地報了玩浮潛，去到Prodivers & Water Sports Center，職員為我地選擇合適的蛙鞋及其他用具*。我係第一次玩浮潛，所以有點緊張。導師話如想看到多啲海洋生物，可以之後隨他到另一邊浮潛。由於我地時間緊迫，接住要去海底餐廳食晚飯，所以未能繼續了。
Prodivers & Water Sports Center
浮潛中
*All inclusive package 已包浮潛用具。浮潛課程需預先報名，而且非每天都有，所以最好飛前問定酒店，這樣大家可好好安排時間。
梳洗後，出發到5.8米深海底餐廳啦！好期待！原來餐廳只有八張二人枱，大家一定要預早book枱。餐廳由圓拱型玻璃包圍住，玻璃出面就係海洋，這樣食飯真係一個特別體驗！至於食物味道，呢樣嘢…唔可以話好好味，不過不失啦，但我相信大家難得去到都會想試下嘅。個人覺得食午餐應該會好啲，一嚟平啲，二嚟夜晚海底會否黑啲睇唔清海底生物呢？
5.8 Undersea Restaurant
沿路入餐廳
餐牌
隔住玻璃係5.8米深海食午餐
食飽飽，我地又繼續係酒店內逛逛。然後，再出海嘗試浮潛。今日行程非常緊密，因為我地到下午四點左右就準備出發去日落船河。我跟老公上了甲板上，實實在在係大海上航行，一路望住太陽的變化，中途我地有幸見到海豚，原來當見到海豚，大家用熱烈掌聲歡呼聲，海豚會雀躍跳來跳去，所有遊客都好興奮！終於見到一望無際嘅咸蛋黃，真係好想時間停下來，第三天行程亦隨之而完結。
日落船河
好靚嘅日落!
第四天
呢日的行程比較輕鬆，一早吃過早餐後，就去relax一下，做Spa。本身Package沒包15分鐘free massage, 但職員話我地係慶祝結婚紀念日，所以free 15分鐘massage。當然，我點止做15分鐘按摩啊！職員帶我地走進Spa, 原來Spa在海中，當扒係床上，可以一邊按摩，一邊睇住床下玻璃中的海底世界。按摩師手勢不錯，我好快就瞓著了⋯⋯哈哈！
Spa
休息室
望住海做Spa
島上除咗游水，仲可以去Game room玩，好耐冇試過打桌球同輕鬆玩遊戲，好似返番十幾年前嘅時光。原來我球技都唔差！😂😂😂有片為証！
o0
桌球
遊戲機
接近黃昏，我參加咗Yoga班（免費），第一次望住個海做Yoga, 真係爽！突然覺得自己好健康！
Yoga班
大家仲可以望住海做Gym!
第五天
最後一天啦！一早起床睇日出，再出海玩多轉。
睇過日落, 點都要睇埋日出。
食完早餐，我地就book咗船去Private Island, 船程五分鐘多(可跟酒店預約時間, 如果只是去Private Island, 酒店只收一艘船的費用。)。係孤島一小時，雖然好熱，但我地當然唔放過不停影靚相啦！Private Island睇返去Resort又有另一種感覺，呢啲咁靚嘅畫面永遠記於心裡。
出發去Private Island
好寧靜! 但好熱! 😆
好淸好幼嘅沙灘
仲有好多特別嘅貝殼
影下啲靚相
我地要下午四點多才離開Resort，就算已check out, 酒店仍可安排餐飲畀我地。👍🏻
終於要離開啦！一邊坐住快艇一邊回望，心裏有種難以形容的感覺，好複雜，眼眶亦有少少泛紅想流淚，未試過一個地方令我有呢種感覺。
走啦!
I will be back! 😍
回到城市，我地嘅機仲有幾小時，職員說可安排遊覽市區，但我地選擇留係機場。不過，機場外面唔大，要過咗關先有商舖買紀念品，最後，買咗少少作手信及紀念品留念下。
馬爾代夫機場
機場食個飯, 又OK喎!
Hurawalhi Maldives
有片睇:
Hurawalhi Maldives (Part 1) – 介紹Resort環境及房間
Hurawalhi Maldives (Part 2) – 介紹Resort有咩玩?
Hurawalhi Maldives (Part 3) – 5.8 Undersea Restaurant 及 Private Island
