最近我聽到一個電台主持講好多時女人都容易被品牌效應影響，認為價錢貴啲，護膚產品質素就會好啲。有時明知效果相約，但仍會盲目追求。你地有冇試過?
NIVEA送咗佢地產品比我做聖誕禮物(多謝!), 當中包括：「Q10 Plus 抗皺修護日霜」, 「Q10 Plus 抗皺修護晚霜」，「Q10 Plus 眼部抗皺修護霜」及消委會報告中提及價錢最平效果與專櫃品牌相約嘅「24小時補濕晶華」。雖然我仲用緊自己之前用開嘅護膚品，但作為一個Blogger，我也會試唔同產品與大家分享試後感。
多謝NIVEA送來的聖誕禮物!
我曾經亦受品牌效應影響下買過報告中提到的某些價錢較高嘅保濕面霜，講真我又唔覺搽完特別好水潤保濕。反而NIVEA「24小時補濕晶華」保濕面霜質感比較多水份，這可能與其Aqua Line專利補濕因子Hydra IQ有關，專為肌膚細胞製造更多水漾管道, 令肌膚24小時內仍能深層補濕。我輕輕係面部及頸部按摩，補濕晶華好快被吸收。最好佢亦有 UVA和UVB可對抗皮膚老化問題。依家冬天天氣乾燥，試咗幾天面部都仍是水潤緊緻，唔會令我有缺水甩皮問題，鎖水效果不錯。
Aqua Sensation Invigorating Day Cream「24小時補濕晶華」
質感水份充足, 內含專利補濕因子Hydra IQ
點少少於面部
容易推開及被皮膚吸收
面部都水潤緊緻，唔會有缺水問題，鎖水效果不錯。
呢排放假放縱自己夜瞓，曾經睇過天然輔酵素Q10有新陳代謝，對抗皺紋， 收細毛孔, 緊緻肌膚及減淡黑眼圈功能。假期又要成日見朋友，唔想黑眼圈咁勁，咁啱NIVEA 支「 Q10 Plus眼部抗皺修護霜」有Q10成份, 仲有4星期抗皺保證，於是試埋佢。 早晚我唧少少份量慢慢係眼部按壓，質地幾細滑，好快吸收，唔怕生粒粒，最緊要沒有香料, 連我呢啲戴隱形眼鏡嘅人都適合。雖然呢排夜瞓，但我雙眼係呢個假期好彩無慘變成一對大熊貓眼，影相仲可以好明亮, 唔會嚇襯大家。
「 Q10 Plus眼部抗皺修護霜」
唧少少份量已足夠
搽於眼下慢慢按壓
幾滋潤, 質地幼滑
仲有兩隻Q10產品都含有天然輔酵素Q10成份,等我遲啲試埋佢地。其實 NIVEA嘅護膚產品CP值都算幾高, 價錢相宜但效果不差。有時唔一定貴價護膚產品等於啱自己, 有時價錢相對平的產品也有出色嘅修護效果, 所以女人揀護膚品時最緊要留意是否配合自己膚質及需要。
