《小朋友心中想媽媽的角色是什麼?》

14729353_1803175869900887_8947437046062012189_n

最近我去沙律學校聽一個由社工負責講解「如何接近孩子心」的講座,大家討論時其中一位媽咪講試過囡囡練習彈琴時發現跟老師教的有出入,於是提醒囡囡,點知囡囡的回應係你識彈琴嗎?的確呢位媽咪唔識,社工反問大家有否遇過類似問題?

最常見一定係做功課,佢地成日會堅持話老師教,我會解釋我的看法或揾書本証明我的説法,讓她自己決定。社工話為何小朋友有此反應,皆因小朋友心目中媽媽的角色並不是一位教師,不是糾正他們功課上錯處。呢番話讓我想起一位醫生及一位遊戲治療師曾跟我講過類似的説話。

當時沙律做專注力測試時,醫生提議最好揾人幫沙律補習,因為小朋友接受外人的糾正多於媽咪(尤其性格屈强的沙律),我都有爭扎,覺得小一咁簡單嘅嘢無理由 教唔掂。之後,遊戲治療師同樣話小朋友唔鐘意媽咪係一個指指點點嘅角色,而係陪伴佢玩和照顧佢的角色。治療師話好多時父母因功課及溫習與小朋友發生磨擦, 此情況下小朋友唔會願意繼續聽父母的意見,久而久之只會令大家關係變差,所以治療師話如需要都係將教導功課的角色交給別人。治療師教咗我一些檢查小朋友功 課時的技巧,父母好自然只會指出其錯處,相反其實應該讚佢答對的題目(無論多與少),問佢如何做到,這樣他們會慢慢知道有睇清楚和思考才會做對, 這點我仍時常提自己讚多啲。

見沙律後期學習改進了不少,所以暫時我還未聘請補習老師每天教其功課。我只讓她一星期上一次某些科目相關課程,以前我都唔想佢去上,認為沒必要,但我試過 教佢某些Topic,明明自己講得好淺白,唔知點解講極都唔明,搞到大家氣氛彊化, 膠著狀態, 令她無心學習。最後我都要投降,我領悟到我唔係老師,我未必有方法教明佢(成日以為佢會明), 反而課程老師有一些方法及技巧令小朋友明白,沙律亦好受落老師的方法, 有時我都無諗過咁教, 所以我將部份教導角色交給別人, 好讓大家不會有太多拉鋸局面。

沙律今年學習態度比以前好咗, 有認真睇題目和思考, 可能我多了讚賞她和少了教導時的衝突, 感覺平和好多。

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s