如果大家有留意報章雜誌都知屯門近龍鼓灘再入有一個新開嘅污泥處理廠~T · PARK (源 · 區), 花費咗約54億元興建呢座聲稱先進污泥處理廠, 而且仲係一所自給自足的綜合設施。我一家被邀請率先參觀, 好! 我就決定接受邀請睇下你咩葫蘆賣咩藥。

首先地點確實有些偏辟, 但有GPS基本上沒有難道, 亦唔難揾(職員也跟我講遲啲路上會加多啲指示牌, 好讓參觀者容易揾到), 我地揸車去預早咗時間, 點知太順利好快就到達啦!如果唔揸車,大家都可以坐T · PARK嘅免費穿梭巴士往返T · PARK及屯門市中心(預先預約便可)。

入咗龍鼓灘一條直路, 唔太難揾

當去到T · PARK附近已見到幾部大車載住污泥進入, 一進入園區已見到一大座設計流線型嘅污泥廠及一大片綠色園地。

園區外貌

環境教育中心入口

我地泊好車便進入環境教育中心, 這部份正正就係讓大眾市民了解更多呢個污泥處理廠嘅運作。T · PARK嘅”T”原來解作”Transformation”, 即轉廢為能。講真大家有無諗過我地嘅”便便”係去咗邊或者對環境有乜負?  今次參加完T · PARK嘅導嘗團之後理解咗污泥處理廠如何處理我地平日排出嘅廢物, 利用高科技轉廢為能(變成電能提供比T · PARK成個園區嘅電力及其他地方的電力), 並同時將廢物對環境影響減至最低。

T 代表 “Transformation”

接待處

接侍處附近有成座污泥處理廠嘅模型, 大家可以按不同區域的掣了解園區設施

 

導賞團

導賞團中職員利用片段丶模型等解釋每一部份污泥處理廠處理污泥的步驟。某些工序幕更可隔住玻璃望實質的運作，對於雜果沙律呢個話題確實新鮮, 可能佢地一直都有疑問究竟佢地啲便便去咗邊? 今次真係可以用簡易方法解釋比佢地知, 從中亦令佢地明白廢物都可以有其用途, 甚至比想像中更大用處, 應好好利用廢物, 不要浪費, 學會愛惜。

導賞團於源 · 館開始

開始啦! 首先有個短片介紹為何要興建污泥廠

究竟污泥廠點運作?

入一間房間再污泥處理的理論…小朋友都耐心聽講

哥哥仲會跟小朋友互動, 問大家問題

咩嚟?

原來用嚟夾”便便”…雜果你仲乜入去呀?

參觀真正污泥廠

雖然隔住玻璃, 但的確有少少…臭味…

導嘗團都有不少交流時間, 好讓小朋友思考探索。如果能加插多啲有趣嘅公仔或故事時間, 可能小朋友會更加投入。

參加完導賞團後我地被安排到大樓的10樓吃少少茶點及做捲紙小手工。玩小手工, 雜果沙律都好enjoy。希望T · PARK也可以不定期加入更多不同類型工作坊讓小朋友參與。

上十樓啦! 從高處望出外面景色

扮下嘢先!

咦? 又係頭先個位魔術師… 都幾精彩

學整環保手捲紙花, 沙律同我的作品, 靚嗎?

一班小朋友準備合照

水療

水療? 真係無諗過一個污泥處理地方中也有一個水療池比大家享用。佢利用園區產生嘅熱能為水療池水加熱, 雜果沙律最期待環節, 因為佢地好鐘意浸水玩水, 所以幾啱佢地。

與一般泳池設施差不多, 有儲物櫃(預備$5硬幣, 可退回), 有沖身地方, 水療池也有救生員坐陣。

有暖池及冷水池

外面環境確實不錯

沙律係度玩水

T · PARK內還有其他休憩地方比大家, 例如: 源 · 臺(環境教育中心的天台)、源 · 湖(雀鳥保護區)、源 · 林(戶外園林花園有濕地花園、戶外足浴池等)及 源 · 茶(提供簡單輕食)等等。撇開大家爭議是否需要起呢座污泥廠, 作為教育及親子, 我個人覺得T · PARK也算一個有教育性質嘅好地方, 可以比小朋友了解多啲。除咗教育, 大家亦可以一家大細係呢度過一天。

地址: 屯門曾咀稔灣路

電話: 2910 9700

開放時間: 星期一、星期三至日(上午 10 時至下午 7 時)