第四天行程更趕呀！ 今天主要係食海鮮兼浸温泉。
一大早離開酒店便趕去近江町市場，而家去日本必定去市場逛逛兼食新鮮海鮮。沿途見到好多蝦蟹，我就食咗個海膽及蝦，嘩，好甜好新鮮！
近江町市場
好似平時日本市場一樣, 周圍有不同類型海鮮
見到都流口水
我食咗呢啲蝦
同呢啲海膽, 好新鮮, 好正!
之後，再去試呢款用橙皮盛住嘅橙汁，呢間生果店都幾多人慕名而來。
成個橙盛住新鮮橙汁
近江町市場
地圖：
之後我地揸車去富山縣新湊きっときと市場，由金澤揸車去大概1小時。我地差不多10:00到達，市場停車場唔多人，門外見到一隻巨蟹公仔。市場不算很大，只有數間食店，我地先快快行一轉睇下有乜，市場最入的地方有賣手信特產的店舖，我地買咗特產白蝦餅。咩味？同平時蝦餅差唔多，不過當手信也可以。
新湊きっときと市場
有好多位讓大家坐低慢慢食
我點咗一隻蟹（yen1,000), 嘩，抵到難，唔嗌都對唔住自己。另外，再點咗帆立貝同蝦sashimi, 再點一碗紅白蝦飯，海鮮餐， 正！
好抵食!
仲有其他海鮮
當然唔少得富山特產~白蝦
呢度唔多遊客, 可以舒舒服服食
我嘅豐富午餐
好大隻蟹…HK$70咋
白蝦飯
最後食埋白蝦味雪糕，雪糕上放上一隻白蝦，好多人問我究竟有無蝦味？老公話似普通牛奶味雪糕，但我食到有少少蝦味，好清淡，要慢慢品嚐才可以。
白蝦雪糕
雪糕上有隻白蝦, 反而味道就唔係太濃蝦味
新湊きっときと市場
地址: 〒934-0023 Toyama-ken, Imizu-shi, Kaiōmachi,
電話：81 766-84-1233
營業時間：9:00-17:00
地圖：
食飽飽，我地掙扎是否去立山黑部，因為車程都要1小時多，預埋上山落山，之後仲要趕去下呂，諗起都覺得好癲，但老公話一場嚟到去睇下啦！ 就係無計劃下揸車去立山，沿途都幾偏辟，渺無人煙。終於去到立山駅才見到人和車，我差不多到達時才驚覺坐七分鐘纜車到美女平，再坐50分鐘巴士才到達室堂睇立山的雪牆, 咁樣咪好夜先返到下呂？老公仍堅持，於是打算買飛，點知美女平的巴士回程已售完，即無得去。我地無好好計劃，無預先網上訂飛，最後係立山站影相留念⋯⋯好失望，下次一定要再嚟過, we will be back!
✨✨✨我地終於一年後再出發到立山黑部, 大家想知更多, 可以click入以下✨Blog link分享! 日本昇龍道親子自駕遊-立山黑部日本阿爾卑斯山: https://ymsecrets.net/2018/03/01/日本昇龍道親子自駕遊-立山黑部日本阿爾卑斯山/
冇得上山, 也要係立山站影張相
賣票處
由立山回程到下呂要三小時，所以我話比金澤的金還要”金”。中途老公係休息站休息，我同雜果就逛食當地特產…😁
白蝦味薯片
經過幾小時車程，終於到達下呂温泉區。市內一片寧靜，我地租咗一間頗大規模的温泉酒店「小川屋」。酒店大堂好大，還有足浴可以浸。我地check in後趁天未黑就到酒店附近行下， 街上間中見到穿上浴衣的遊客，本來都想穿浴衣出去，但天氣都幾凍，唔好搏啦！我地沿住河上的橋行去對岸，呢度比高山少人，可以輕鬆一下。酒店後面有一條温泉街，路上也有足浴，行到攰攰地浸一浸。
下呂溫泉
差不多到我地酒店~小川屋
酒店門口
酒店大堂
我地間房係點? 而家比啲相大家睇啦！
到酒店外逛逛
附近都是一條河
温泉街
行行下, 可以坐低浸腳
返到酒店一於換件浴衣到大堂浸浸腳，好梳乎！酒店中間亦有小童區，小朋友可以係度玩下（不過唔多玩具）。到七時左右，我地去酒店餐廳食晚飯，我地被安排到一間房用饍，同樣温泉酒店的晚飯非常豐富，有前菜，豆腐鍋（其實只是食豆腐鍋凝結出面層的新鮮滑口嘅腐皮），魚，茶碗蒸，飛驒牛again, 蟹等等，而雜果嘅晚餐也好多嘢，真係好滿足的一天，一天食咗咁多美味食物。
我地房門
酒店大堂都可浸腳
亦有兒童遊玩區
雜果都玩玩先
晚飯時間
是日餐單
好豐富
飛驒牛
又有蟹食
兒童餐都好正!
甜品
休息一陣，我地就去酒店的温泉享受下。酒店温泉有室外和室內，室外有兩個池，我自己一向較喜歡室外，因為環境好舒服，又有清風吹入嚟，好正！
温泉時間
Source:小川屋 (http://www.gero-ogawaya.net )
小川屋
地址: 岐阜県下呂市湯之島570番地
電話: 0576-25-3121
網站： http://www.gero-ogawaya.net
地圖：
好啦， 我地要😴😴😴，第五天返名古屋玩！
