上星期勞動節本來諗住同雜果沙律去D ． PARK 愉景新城玩最新嘅鯨魚花園, 但果日真係好熱鬧, 咁啱表弟又出世, 所以我地參加完由日本「富士幼稚園」校長來港交流分享會及其他遊戲後就去醫院探BB啦!

尋日雜果學校放假, 於是決定再帶佢去D.Park玩鯨魚花園同埋「多元智能兒童全能跑」。新開嘅鯨魚花園真係好靚, 中間大大隻嘅鯨魚原來係一個遊樂設施, 有攀爬, 有滑梯等。除咗鯨魚好吸引外, 仲有好多好特別嘅設施, 大部份設備更與多元智能發展式式相關, 需要動腦筋及挑戰自己。唔知係咪啲設施顔色鮮艷及對於佢嚟講好新鮮, 所以佢好積極咁挑戰難度, 好勇啊!

最新嘅鯨魚花園

去完鯨魚花園, 再去成長迷宮揾返之前畫嘅畫先。

再玩MI Super Run

見到佢咁積極令我突然想起上星期日本「富士幼稚園」校長加藤積一先生嘅分享, 「富士幼稚園」就係透過學校特別校園設計令學生得到多元智能嘅發展, 訓練小朋友勇敢接受挑戰、不會依賴大人，得到全面身心發展。我係分享會中都感受到呢間學校嘅學生係非常開心同埋幸福，如果香港有間咁好嘅學校我都想我兩個囡囡去(佢兩個都話個校園好正)。
原來而家D.Park與富士幼稚園合作一個筆友計劃, 小朋友可以同該學校嘅日本小朋友作交流, 我覺得好好呀, 可以比小朋友認識多啲不同國藉文化嘅人, 擴闊多啲視野, 令自己更清楚呢個世界係天外有天。希望將來香港有更多團體或機構會與外國嘅學校合辦活動, 讓小朋友接觸更多認識更多。