Fillerina filler treatment set (Grade 2) – 有正貨保證卡

新年前, 我收到傳說中嘅祛皺神器～Fillerina全球首創非注射式透明質酸, 我真係好期待用後效果。之前我都講過我貪靚，但我又未去到為咗靚不顧一切後遺症試打Botox, 注射式透明質酸去紋等注射式療程。見到網上不斷流傳Fillerina filler treatment呢隻唔使打針唔使食藥嘅透明質酸, 我即刻好有興趣, 於是上網睇下乜嘢護膚品嚟。Fillerina 原來係由一間瑞士LABO 醫學美容科研中心研發, 佢地已有25年研發護膚產品的經驗, 加上Fillerina被榮獲歐洲Aesthetic Awards 2015冠軍既品牌,聽落有些信心。

Fillerina產品介紹話將六種不同透明質酸滲透皮膚並發揮24小時保濕鎖水效果，又刺激骨膠原再生，並填充返面上嘅皺紋、幼紋、凹凸洞等。另外，又可豐滿蘋果肌及雙唇，和幫助面部輪廓提升。本身Fillerina filler treatment分咗Grade 2及Grade 3,  Grade 2 啱輕度皺紋鬆弛同皮膚下垂既人用, 而Grade 3 就比皺紋鬆弛和皮膚下垂明顯既人用。一個療程有兩支產品: 一支透明質酸(Gel filler)及一支補濕滋養液(Nourishing film)。

Grade 2的透明質酸精華(Gel filler):透明質酸，透明質酸鈉，甘油，水解糖胺聚醣，透明質酸鈉交聯聚合物，棕櫚三肽-38，六勝肽-37

Grade 2嘅補濕滋養液(Nourishing film):甘油，黃原膠，卵磷脂，乳油木果，檸檬烯

做完research後, 我終於決定買一set Grade 2療程試。 一set係14天療程, 14天後可keep2-3個月。我終於用咗14天, 而家我就分享下我的用後感吧！

十四天前未開始療程的皮膚狀況

首先我收到一set療程內有一張正貨保證卡, 盒內有兩支針筒量器(唔係針嚟, gimmick嘢)丶一支透明質酸精華 (透明)及一支補濕滋養液 (白色)。我買嘅舖頭教我每晚睡前用, 首先飲兩杯暖水(因為透明質酸精華可帶動身體入面既水份，令水份粒子互相牽引並增強鎖水效果), 之後先搽透明質酸精華(針筒分別抽兩次 1ml份量,即大概2ml一日), 然後將精華唧係需要改善的部位, 例如眼紋、虎紋、皺紋丶凹凸洞等, 目的係填充皺紋凹凸洞。另外, 再可於蘋果肌、太陽穴、下巴等位置唧上精華液。慢慢唧一條條直線, 等精華滲入皮膚。呢個時候我覺得好冰涼, 有少少水潤感。

等透明質酸精華滲透完, 大概等10分鐘左右, 我就可以將補濕滋養液唧上面。又係分別抽兩次1ml份量, 唧係全面, 然後再用手按摩全面。我試過搽完滋養液後, 有白色碎, 原來好多人有此問題, 我見我買的舖頭回覆說這不會影響效果, 但見議大家可以做深層清潔先, 好讓皮膚更易將液體滲入皮膚。搽完就可以瞓覺啦, 唔使再用其他精華或mask。

第一日用完後, 早上起床真係見到塊面好滑,不過又未至於即刻無咗紋及凹凸洞。每晚用其實都覺得有點煩,要額外花15分鐘搽佢, 為咗靚係要花少少時間。用咗14天, 我可以話每天起床都覺得好正, 皮膚真係滑咗, 亦開始見到有些凹凸洞稍有改善。紋理方面, 虎紋望落去淺咗, 眼紋淡咗d, 但又未至於傳說中咁勁。反而我覺得用完Fillerina皮膚變得好水潤, 好有彈性, 尤其每天早上望落去面部係漲卜卜，呢方面我好鐘意，係咪keep到2-3個月, 咁我都要有待觀察。

每天早上起床時, 我覺得皮膚好滑,好水潤,保濕一流!  

用完十四日Fillerina後我的皮膚狀況, 皮膚唔乾夠水夠滑,做平日保養都ok, 至於祛紋又未去到完全無嘥咁誇張, 我眼角細紋係淡咗,但都係仲有 (定係我要試Grade 3???)。

之前我亦問過職員我可否做facial, 佢話可以繼續做facial (除咗打水光槍 / botox 果類facial)。最近我又見到Fillerina嘅Day Cream, 話可以將Fillerina filler treatment的祛皺效果提升及持久，等我睇下2-3個月後效果再決定試唔試埋隻Day Cream。