沒有兩隻馬騮, 我們可以唔使咁早起床照顧佢地啦!  梳洗後, 我們就到酒店頂樓吃早餐(Package已包早餐), 酒店餐廳座位不多, 貫徹其精品格局, 早餐食物選擇也不多, 都係一般的炒蛋丶火腿丶腸仔丶麵包等, 我地好快食完就準備出發啦!

首先, 我地先去潮店ALAND, 佢係韓版IT, 老公話想睇下有乜潮物, 最後佢真係買咗幾對潮襪…!價錢亦不是很貴。

韓版IT ~ ALAND

ALAND

地址:53-6 Myeongdong 2(i)-ga, Jung-gu, Seoul, South Korea

電話: 02-318-7654

營業時間:9:00-23:00

網站:www.a-land.co.kr

地圖:

之後我話想去Lotte Young Plaza及Lotte Department Store行下, 因為對上一次我沒有機會去。 Lotte Young Plaza內也有不少潮物, 我見到有間賣假髪, 本身諗住試下個假蔭及髪髻, 但與Sales完全溝通不上,算了! 點知比老公見到一間眼鏡舖ALO, 知道韓國眼鏡設計新穎, 不少韓星都戴上該公司的眼鏡, 老公見到某些粗框眼鏡做緊折頭, 鏡框又輕又靚, 折完為KWR30,000。最後老公又有收獲, 返香港再配鏡片。

Lotte Young Plaza

地址: 81, Namdaemun-ro, Jung-gu, Seoul

電話: 02-771-2500

營業時間:11:30-21:30(星期一休息)

網站:www.lotteshopping.com

地圖:

Lotte Department Store就在Young Plaza隔離, 從天橋行去Department Store時見到 10 Corso Como, 潮人一定識呢間潮店, 估不到首爾也有一間, 當然去望下有乜潮物。

去Department Store一定係為咗去Duty Free買護膚品, Department Store有架專用升降機到Duty Free樓層, Lift口會經過Star Avenue, 雖然唔係成日煲韓劇, 但都認識幾位靚仔Oppa和韓星嘅, 當然要同佢地手印影相留念啦!

上到Duty Free, 你只會見到人山人海的人頭, 因為呢度已經免稅, 唔使再搞退稅, 所以超多人。我嚟只有一個目標~后(Whoo), 而且已諗好買乜products, 所以話比職員知要乜, 好快比錢走人。職員會問你美金結賬還是港幣結賬, 最後選了港幣, 但原來返到香港咭數會收多大概3%(i.e.Dynamic Currency Conversion),  所以美金結算會抵d,大家要留意。

Lotte Department Store

地址: 81, Namdaemun-ro, Jung-gu, Seoul

電話: 02-771-2500

營業時間:10:30-20:00; 9:30-20:00(免稅店)

網站:www.lotteshopping.com

地圖:

行完街, 我地就搭火車去Hangangjin站(出口3號)食嘢。老公話佢上次出trip時去過該幢大廈食意粉, 而地下一層有間食麵包蛋糕的餐廳叫Passion 5。我知韓國都興呢類型麵包餐廳, 不過我都第一次食, 餐廳裝修已經好靚, 好啱女性去嘅餐廳, 餐廳分咗五大區, 有cafe丶bakery 丶patisseriè丶chocolate和passion。一入去已被七彩顔色嘅麵包丶蛋糕丶Pizza丶沙律丶飲品吸引住, 太多選擇, 樣樣都想食,但又唔可以食到咁多, 太難揀。最後, 我揀咗三文治及士多啤梨酥餅，全部都好好味, 好新鮮, 我極力推介。

 

Passion 5

地址:272, Itaewon-ro, Seoul, South Korea

營業時間: 7:30-23:00

網站: http://www.spc.co.kr/spc/passion5/f1.spc

地圖:

食飽後, 又出發啦! 之前有個當地人介紹我地去Express Bus Terminal揾平嘢, 佢話好多韓國人都去呢度買平衫, 仲平過東大門喎。咁樣我地就去睇下啦, 嘩! 入面好多人,佢係一個好長好似無盡頭的地下街,所有舖頭賣的衫好平, 好多牛仔褲為起HKD70-90一條, 其實好抵, 但唔可以試, 費事買咗唔啱。其他衫的款式就是一般款式, 以Causal為主, 如果志在揾普通款式, 咁樣應該好多選擇。該處也有幾間賣小朋友衫的舖頭, 最後我也買了兩件衫仔比雜果沙律。

 

Express Bus Terminal 地下街(明洞坐四號線轉三號-23分鐘)

 

行咗個半鐘左右, 我地搭車去新沙洞。初初諗住試特色cafe, 但咁啱開始想下雨,我地就走咗入Line Friends Store行下,   新沙洞的Line Friends Store好大,有幾層樓, 四周都有Line 公仔佈置, 所有人都會上前與呢d咁可愛公仔拍照留念，我諗雜果沙律見到一定好開心。舖頭地庫一層有Cafe, 我地亦坐低食下丶飲下休息一下。Cafe唔算多人, 食物賣相亦都好得意, Cafe內亦有不少食物可作手信，最後我買咗一罐Brown嘅Brownie送比我鐘意Brown的細佬。

Line Friends Cafe, 好多可愛食物, 香港幾時會有一間? 

Line Friends Store

地址:江南區新沙洞535-15

電話: 70-7728-3244

營業時間: 12:00-21:00

網站: store.linefriends.com

地圖:

休息完畢, 繼續於新沙洞逛逛，新沙洞有好多特色小店, 其中一間大大幅紅色牆加上女孩圖畫, 裝修吸引咗我入去看看, 原來佢係韓國著名女畫家Youk Shim Won, 店舖內有該品牌的手袋丶飾物丶化妝品等, 而二樓則是cafe, cafe的裝修貫徹紅色大牆, 牆上有好多大膽及顔色豐富嘅圖畫, 好靚, 成間好似畫廊一樣,可以細心欣賞。

Youk Shim Won

地址:546-9 Sinsa-dong, Gangnam-gu, Seoul, South Korea

電話:02-516-4477

營業時間: 11:00-21:00

網站:www.youkshimwon.com

地圖:

行完街又係食嘅時間，今次老公帶我去食海鮮九層塔, 佢又唔知上網見人介紹呢間係第一間創造九層塔的食店, 好彩唔使等位, 遲些去就要等啦。食店沒有什麼裝修, 類似大牌檔類型。食店內遊客多過本地客,  我同老公爭扎咗好耐究竟食幾多層, 最少三層, 見到其他人食三至四層, 但心諗好似唔夠, 於是試食五層, 我覺得五層都唔算好多, 因為大部份係貝殼食物(雜錦貝類，海螺，扇貝大蛤等), 其他海鮮欠奉(沒有蟹丶蝦等)。 如果要食蝦和蟹就要叫九層, 我諗多人食會啱d, 兩個食的話有少少悶, 食來食去都係得貝殼, 我最鐘意反而係第一層, 有些韓國地道小食(魷魚灌腸，紅豆包等), 幾特別。本來想叫個龍蝦拉麵, 佢又話無貨, 所以呢餐未算食得盡興。

又話五層塔? 因為佢有一層後期加上來。 好多貝殼食物, 最底層係湯, 將所有海鮮精華落到湯裏去。

地址: 首爾奉天洞冠岳區924-20(地鐵2號線奉天站6號出口行約10分鐘)

英文地址: 924-20 Euncheon-dong, Gwanak-gu, Seoul, South Korea

電話:02-876-8687

地圖:

未夠盡興,於是決定返明洞食甜品。本地人介紹咗我地食Sulbing Korean Dessert Cafe, 佢話係韓國人鐘意去嘅甜品舖喎, 咁又信佢一次。食店真係幾多本地人, 餐廳主要係食韓式雪花冰, 我地就order咗芒果味, 味道都不錯。如果鐘意食韓式雪花冰可以一試，佢好似係一間連鎖店,應該好多地方都有。飲飽食醉, 就要返酒店休息, 因為第二朝要好早床去做今次的特別事情again。

芒果雪花冰! 雖然外面天氣都幾凍, 但點都要食個甜品,咁先叫滿足, Yummy! 

Sulbing Korean Dessert Cafe 

地址: 2/F, Namgyeong Building, 22 Myeongdong 4-gil, Jung-gu, Seoul

電話:02-752-2232

營業時間:

網站:www.sulbing.com

地圖: