暑假到, 兩個囡囡又問我假期有咩地方去, 有時都幾頭痛，不過今年香港暑假好似有好多好去處。
前幾天就帶咗細女去全球首間”薯蛋頭Mr. Potato Head Café”。薯蛋頭café分別於尖沙咀Mira Mall 及屯門V City內的Izumi Curry登陸, café周圍有薯蛋頭先生和太太嘅佈置, 而且客人仲可以拎隻公仔影相, 細女見到咁小朋友嘅佈置已好興奮, 食飯亦食得特別快。
食物方面大部份都有薯蛋頭先生個樣, 除咗日式咖哩,仲有小朋友喜歡嘅漢堡包丶熱狗及甜品。至於味道我就覺得一般, 但去得呢類型餐廳都係志在氣氛及食物可愛賣相。
餐廳外亦有得買紀念品, 有d紀念品係由日本直接引入, 大家薯蛋頭Fans可以入貨啦!
